تخاريف

ليه أنا نازله يوم 9/9 :)

2011-09-02T18:35:00.000-07:00

Edit

في أسباب كتير تخليني أنزل ميدان التحرير يوم الجمعة 9/9/2011 أن شاء الله يعني علي سبيل المثال :

------------------------------------------------------------------------------------------------------------------

* أنا نازله عشان رمضان للأسف كان بطعم الفلول , والقنوات الخاصة ماشاء الله أغلبها كان عشان يطلع للنور أخد الأذن من النظام الفاسد اللي خلعناه يعني هما جزء من المنظومة الفاسدة , ومش بس كده دول في رمضان عملوا اللي عليهم وزيادة شوية في ترتيب وتنظيم ظهور الفلول وكل من أهان الثورة , واللي لسه بيدافعوا عن المخلوع ومفيش حد فيهم ع الأقل أعتذر , وكأن الثورة ما قامتش !!

* نازله لأن مناصب مهمة في الدولة زي الوزارات والمحافظات وغيرها لسه بيتعين فيها أبناء مبارك !!

نازله لأن التعليم محتاج يتطهر والطلبة من حقهم يختاروا أساتذة الجامعة ورؤساءها بدل اللي عينهم أمن الدولة .

*نازله لأن كتير من القضاه والمحامين بيأكدوا أن الأدلة اللي قدام القضاه اللي بيحاكموا مبارك غير كافية وسهل جداً المحامين بتوعه يطلعوه براءة بسهولة بسبب عدم كفاية الأدلة وعدم جودة التحقيقات !

*نازله لأن الداخلية لسه بتستعين في شغلها بالطجية والمسلحين خطر , والسرقة اللي في عز الضهر تشهد وحوادث القتل الفظيعة في الجرايد تشهد , ده غير البياعين الجائلين اللي منتشرين جداً وبيغيروا ملامح شوارعنا , بس بصراحة الداخلية مشكورة بتنزل من وقت للتاني عساكر مرور بتنظم المرور أحياناً .

* نازله عشان أقول إن في فرق بين العفو والتسامح وبين العبط والهبل والسماح لغيري إنه ياخد حقي اللي عشان أنوله دفعت دم :)

* نازله عشان رموز كتير من رموز الفساد في النظام المخلوع نازلين إنتخابات مجلس الشعب وكأننا معملناش ثورة وفاكرين ان الذاكرة إتمحت ومش عارفينهم ولا عارفين وشوشهم الكدابة .

* نازله عشان كرهت الفُرقة اللي إحنا فيها وعشان الأحزاب والقوي السياسية لغاية النهارده ماشوفنلهاش برنامج أو رؤية محدده , الكل بيلعب بأوجاع الناس وبس وبيرفعوا شعارات براقة كرهناها ده غير انها مابتتحقش كمان , وكمان بيحاربوا بعض بينا وبيقسمونا علي بعض وكأننا ورث !!

* نازله عشان أعرف مين هو الشعب اللي يريد اللي كل رواد البرامج بيتكلموا عنه

نازله عشان عصام شرف تايه ومش لاقينه يا جدعااااااااااااااااااااان :(

* نازله عشان مستقبلي أنا وغيري إحنا اللي نرسمه مش غيرنا يمشينا علي هواه

* نازله عشان دم الشهيد .

* نازله عشان أجيب حقي اللي هو أصلاً من حقي .

* نازله عشان أكبر حملة شحاته شوفتها في رمضان محتاجة أقولها ( طظ ) , نازله لأن الحكومة اللي مَرضتنا وفَقرتنا سنين طويلة بتعايرنا بمرضنا , وبتلعب بأوجاع أطفالنا قدام الكاميرا وبتاخد مننا قال إيه اللي عايزه تداوينا به !!

* نازله عشان نفسي أهل الدين يهتموا بالشأن العام الليو لا ينفصل عن الدين بالعكس ده هو جوهره و نفسي اسمع أهل الدين يقولوا كلمة حق في وجه سلطان جائر , نازله عشان نفسي أسمع خطبة جمعة تعبر عن حالي أنا وغيري , نازله عشان نفسي اسمع الإمام اللي واقف ع المنبر بيدعي لبلدنا مش لزعيم فالسو , نازله لأني نفسي الاقي اهل الدين بيتعففوا عن إهانة غيرهم والدعاء عليه لمجرد إنه خالهم !!

* نازله عشان أكوام الزباله اللي ماليه الشارع تقل بقي :( بمعني أصح كده ننشط المحليات اللي نامت يفي الخط

* نازله لأني عايزه اعيش في دولة مدنية تكفل الحرية لكل المواطنين في ممارسة السياسة والفكر والعقيدة , نازله عشان أجورنا لازم تناسب متطلبات حياتنا , نازله عشان وظيفة مناسبة ومحترمة ليا ولغيري نخدم بها الدولة .. نازله عشان بحلم ببلد ديموقراطي بمعني " بلد أقل فساداً " يعني مش المدينة الفاضلة زي ما بيروج البعض 1 لكن بحلم بمدينة ترفع من شأن الإنسان عشان هي نفسها ترتقي من خلاله .

* نازله عشان سيادة القانون وإستقلال القضاء

*نازله عشان بدأوا يصدرولنا اليأس والضعف من تاني ويقولولنا أن ليبيا وثوارها أحسن مننا لأنهم كملوا المشوار وماوقفوش إلا لما جابوا حريتهم بأيدهم ومساعدة الناتو طبعاً , لكن هما بينسوا أن ليبيا الشقيقة اسقطت نظام فردي " نظام القذافي " اللي استعان في قتل شعبه بمرتزقة أفارقه أما مصر فالفساد فيها من أول الراس لغاية صوابع الرجلين الفساد فيها مؤسسي موجود في كل بيت وفي كل دايرة وكل شركة موجود في العشوائيات وفي كل نقطة تراب في شوارعنا

الثورة المصرية " ثورة الورد البلدي " فتحت باب التطهير لنظام فاسد بقاله سنين والطريق لسه طويل ومكملين

نازله لأن نظام بلدنا مختلف عن نظام أي دولة تانية لكن الثورات كلها واحده وهدفها واحد إسقاط النظم المستبدة

عشان كده نازله أقول لليأس لاء أنا مكمله

نازله أقول للضعف لاء أنا مكمله

نازله أقول لبقايا الفساد غصب عنكم مكمله وحتي لو المشوار طويل بلدنا تستحق

* نازله عشان الأساتذه اللي بيعايرونا بتركيا واعتقد هما معروفين جداً , محتاجه أقولهم سبحان الله عمالين تعيرونا بنظام ودولة سبقونا بسنين كتير وإحنا لسه بنبتدي المشوار أصلاً , طب اتكسفوا علي دمكم وانتوا بتطلبوا من ثوار كل اللي حيلتهم التنظيم والفكر ونور ينوره به الطريق لنفسهم ولغيرهم ولجيل جاي إنهم يحصلوا تركيا في السباق

نفسي اقولهم صدعتونا بعجلة الإنتاج ولو عايزينها تمشي بجد خليكوا علي جنب شوية وادوهالنا ندورها وحاتشوفوا حانعمل ايه ؟

ولو حانعاير بقي بجد يبقي لازم برنامج بني آدم شو من تركيا لازم يتذاع حصرياً لمبارك في سجنه عشان يعرف ان آل مصطفي أتاتورك سبقونا بمراحل .

مكملين معاكي وبيكي يا ثورة الورد البلدي

...!! ماتقولليش يا بابا

2010-12-09T08:37:00.000-08:00

بعد موت الأم بقي كل شئ مالهوش أي طعم , البيت فاااااااضي رغم أنهم جواه , كل شئ في مكانه بعد أخر لمسة منها , وكأن الحيطان والهدوم وحتي الكراكيب في حزن شديد ع الست اللي كانت بتجمع الكل ومن بعدها كل شئ مستخبي ظهر وبان والظلم زاد , والبُعد بقي في أبهي صورة وأتحول البيت لأكبر بانسيون أصحابه حتي ما بيرموش السلام علي بعض !!

أما هي فاتعودت علي كده وبقيت مرتاحة في خلوتها " أوضة ع الشارع بيسموها صالون " مع إن مبقاش في صالونات أصلاً دلوقتي لكن هي سعيدة بها لأنها أخر مكان الأم قعدت فيه واتوفيت فيها , الأب زادت الامبالاه عنده وبقي بيتحكم بالفلوس بإعتبار إنها المعبرة عن رجولة ناس كتير فاقدين للمعني الحقيقي للرجولة , وهي تستحمل وبتقول كل شئ يهون عشان البانسيون يعيش ,وتقول لنفسها : أهو علي الأقل نبقي مع بعض حتي لو إحنا مش مع بعض .. لكن اللي كان فوق أي إحتمال هو إن الأب بسرعة بسرعة أستعان بست جديدة تداوي جراحه وهي كانت بتموت كل ما تحس أد ايه المدة قصيرة علي وفاة الأم وهو مش قادر يحترم حتي العشرة , طب بلاش طب مشاعر الولاد " ابنه , ابن اصغر منها سناً , وطفل اصغر منهم هما الأتنين " ..

هي في حزنها ووجعها بتحاول تلم شمل أخواتها
الأخ الأصغر منها بقي ابعد بكتير من الأول عنها وحتي عن نفسه وبقي خيرة في مشاعرة للي بره مش للي جوه كالعاده
الأخ الأصغر : مش فاهم لسه وفيه طيبة الأم بفطرته جداً ومحتاج لحضن يضمه ميعرفش غير انه يلعب وكأنه لسه بيحبي .

الأمر في البداية كان محسوس بالنسبة لها مش ملموس , لأن الأب بدأ ما يتكلمش عن الأم خالص , كانت صورتها علي موبايله وفجأه إختفت , وبدأت أغاني أم كلثوم تملي البيت رغم أن ده مكنش موجود قبل الوفاة خلال سنين العشرة , ومكالمات هاتفية بالليل بالساعات , والنور ينطفي , ورنات ورسايل ,لغاية ما البنت في يوم فتحت موبايله ولاقيت رسايل مبعوتاله عمرها حتي ماتتخيل إن بنت في سن المراهقة تكتبها لشاب زيها , وفتحت بقها في استغراب موجع وقالت " ياااااااااااااااااااه " للدرجة دي وبكيت جداً وقالت بصوت عالي " ده أمي مكملتش سنة " !!

وبدأ الخلاف بينها وبين الأب بعد رجوعه وسألته عن الرسايل فأنكر بشكل يأكد وجود ست فعلاً , أصل العيون ما بتكدبش بالذات لامؤاخذة في الحب .وإتخانقوا خناقة كبيرة , والبنت أنهارت جداً وصوتت بطريقة هيسترية هي نفسها إستغربتها جداً وبقيت تجري في الشقة مش عارفه تعمل إيه ؟ وهو مش عارف يرد علي أي كلام , وقسوته طغيت علي ملامحة .. وفجأه من كتر صواتها وخوفه ان الجيران تسمع وتعرف ايه حصل ضربها بالقلم , بس للأسف ده زادها قوة . وانتهي الكلام بإنفجار غضبها كالأتي : مسكت بلي من اللي بيلعبوا به العيال وكسرت به شاشة التليفزيون .

الأيام تعدي وهو بيتحكم فيها بالفلوس يديها ما يديهاش براحته , وأحياناً يرميلها الفلوس ع الطرابيزة عشان تلمهم زي الخدامين وهو فرحان بإهانتها ,وكأنها مش بنته وده شئ مش جديد بالنسبة لها فكانت بتقول لنفسها " هو انا زعلانه ليه ؟ إذا كان اللي اتحملته سنين واتحديت اهلها عشانه جوعها وأهانها وخانها علي حياة عينها و ما إحترمش العشرة بينه وبينها وكان قاسي عليها , هايبقي حنين عليا أنا ؟ ! "

وفي يوم كانت نازلة من البيت فراحت تطلب منه فلوس

هي : بابا عايزة 5 جنية

كانت بتقول بابا بوجع لأنها مش حساها

الأب : معييش

ولأنها عارفه أنه معاه بس بيذلها فكملت كلامها تاني وقالت : عايزة 5 جنية عشان أنزل

الأب : معييش

هي :يا بابا عايزة 5 جنيه معلش

الأب : ماتقولليش يا بابا

وهنا كانت الصدمة و

للحديث بقية

عن المتتالية القصصية بعنوان " ماتقولليش يا بابا "
وهايكون فيها رسم للشخصيات
وهي معبرة عن وجود الراجل في حياة المرأه سواء " صديق / أخ / حبيب / أب / أو حتي ابن "

أقنعة

2010-01-18T15:52:00.000-08:00

لم أكن اعلم أن الأمر سيصير هكذا ...وأن الدائرة بداخلي ستزداد اتساعاً يوماً بعد يوم
وكل من حولي سيتحولون إلي أقنعة تسير علي الأرض , منها ما هو بائس , متفائل , مشرق , باهت , كاذب , صادق , ومنها من يلعب دور البلياتشو الضاحك الباكي , أو البلياتشو اللص الذي يسرق كل ما هو جميل مدعياً الحزن للضحك علي ذقون الأخرين , وهناك من هم متفرجين علي العالم دون أن يؤثروا بأي فعل , وكأنهم ضيوف علي الأرض فقط أو عابر سبيل لا يهم أن مر أمامك أم لا فهو غير مؤثر , ويأتي المزيد .....

يبدأ اليوم بترحال , وينتهي أيضاً بترحال , ولكن ....
الإختلاف بين كلاهما هو أنا , وأنت , والأقنعة ...تشرق الشمس علي أرض اصبحت ممتلئة بفقر في كل شئ , فقر المشاعر , الأحاسيس , الدموع , الخشوع , الصدق , الأمانة , الإخلاص , العمل , الفكر , الفن وغيرهم ..فالفقر ليس فقر الطعام والشراب والمال الذي يأتي بهما فقط ..بل ما نعانية الأن هو أبشع وأخطر أنواع الفقر كما قالها لي أستاذي الذي اعتز به والذي اعتقد بأنكم في يوم ما ستعرفونه جيداً ..

اركب لأصل لمحل عملي , بجواري العديد والعديد من البشر ينتمون لمختلف الطبقات ولكن ها نحن اصبحنا سواسيه يقودنا من هو أقل منا و يعاني أكثر منا من فقر الطعام والشراب وكافة الأشياء , وقد يحالفنا الحظ ليقودنا من هو أغني منا في كل شئ ونعتقد مخطئين بأننا أفضل منه ولكن هيــــــــهات فنحن في ظل عالم التضاد المعكوس هو المقبول والمقبول هو المعكوس بل والمنحوس أيضاً ولرب العباد حكمة في ذلك ... ننطلق ليظل الجميع في وسيلة المواصلات صامتين أو يبالغون في التحدث " أينعم فنحن كعادتنا لا نملك الوسط " ...

تجبرني النافذه ان انظر علي عالم أراه كل يوم بلا ملل .. كلما نظرت له بترقب اشعر وكأنني أراه لأول مرة.. يمكنك ان تفسر ذلك بالهروب مما أنا فيه , أو بلحظة صمت أقتنيها بيني وبين ذاتي , او شئ بلا تفسير ...

يظل الجميع كما هم طوال الوقت يترقبون بعضهم البعض يتصيدون اخطاء بعضهم البعض دون ان ينظرون إلي انفسهم , وأظل انا وحدي أترقبهم دون أن يشعرون بي لأكتشف في النهاية بأنني مثلهم دون إختلاف وأنهم يترقبونني حتي وإن لم يروني ...

حمداً لله وصلنا إلي نهاية المطاف بعد رحلة طويلة وكأنها عمري بأكملة يمر أمامي في لحظات.. عمر قابلت خلاله كافة أنواع البشر وتساوينا جميعاً بمختلف أفكارنا ونوايانا ودياناتنا بمكان واحد لنصبح ولأول مرة سواسية دون إرادتنا ودون أن نعترض وندعو للتمييز مدعين بأن تلك هي الحرية وأنها أيضاً دعوة للمساواة , ينزل الجميع وأنا معهم ..لا أنظر للخلف حتي لا أري تلك الأقنعه التي رافقتني طوال الطريق وهم أيضاً لا ينظرون .. اسير واسير بخطي واسعة ليست مفتعله ولكنها عادتي التي احبها " السير بخطوات واسعة " ..

أتلهف في طريقي لرؤية كل ماهو جديد أو ماهو قديم لأبحث فيه عن الجديد الذي لم أره امس ..تبهرني إعلانات الطرق , همسات البشر , سيارات تمر بجواري بسرعة وإحتراف , طيبة في قليل ممن هم حولي ..اردد بعض العبارات لأتذكرها , اغني ,أو اصمت لأفكر .

أااااااه وشوش تمر أمامي تحكي تاريخ مر وسنوات لم أرها لصغر سني , ولكن ها أنا أراها في ملامح هؤلاء , أري الحزن والفرح وتنهيدات تخرج مع اَهات لمن كانوا أحباب ,..عجوز يقولون عنها شمطاء كانت منذ سنوات اجمل الجميلات , وعجوز يقولون عنه خردة من بقايا الزمن , وقد كان أبسط الحكماء , شباب قد مضي وشباب قد أتي وها أنا بينهما أقارن أيهما اقتني ما سوف يأتي أم ما أحياة الأن , أم ان العبرة والأساس فيما مضي؟ ....

ثورة قد كانت وفكر قد مضي , ومبدأ عبر ولم يعد ..صار كل شئ سيان لا فرق بين كبير وصغير , لا فرق بين طيب وشرير , لا فرق بين مبدأ وضياعه , بين عدو وصديق فالكل سواء ...نعم لا يمكن أن ألوم أحد في زمن أصابة الفقر في كل شئ , و تلوث به الفكر فأصبح فيروس يصيب العقول ..!!

لالا لا تبدأ باللوم عزيزي فهذه ليست رؤية تشائمية ولكنها تجربة واقع بحثت فيها جاهدة عن الأمل في كل شئ حتي ثيابي و كانت نتيجتها رباعية لصلاح جاهين احفظها ظهراً عن قلب " وحدي لكن ونسان وماشي كده /ببتعد معرفش أو بقترب ..! "
فأهدأ إذن يا " ضميري " ..

بحثت جاهدة عن الأمل في كل من حولي , وفي كل شئ فوجدت العبارة الواقعية في ديننا تتحقق وبجدارة " كل عام ترذلون " ..بحثت عن الحب فوجدت علاقات معقدة ينجرح فيها المحبوب والحبيب أو يجرح فيها المحبوب الحبيب , أو العكس والقليل ممن رحم ربي ينعمون بروعة ورقة الحب ...بحثت عن الأمان فوجدت الجميع لا يثق في الجميع ويترقبة بقوة ليثبت عدم قدرته علي حمايته , ووجدت أن الفرد منا لا يستطيع حماية نفسه فكيف به إذن أن يحمي غيرة !! ...بحثت عن الصدق فوجدت الجميع يكذبون ويتجملون ينافقون وبألسنة فصيحة يعاتبون من هم في قولهم يصدقون !!!

...بحثت عن العمل فلم اجد سوي الكسالي أو من بالعمل عمرهم يفنون , أاااااه أصابني التعب وتؤلمني قدماي أرغب في الجلوس كي أستعيد نشاطي لأبحث بين طيات البشر عن الأمل من جديد ...

تحرقني شمس الحياة ولكن لهيبها يملئني بالدفء ..تنعشني أصوات الطيور من حولي , فهي تغطي علي التلوث السمعي الذي يحيط بي من كل جانب ..تباً للبشر حتي أصواتهم أصبحت تصيبني بالإزعاج , متي سأتمكن من الوقوف امامهم لأعترض وبصوت عال أقول : تباً لكم أشبااااااااااااااه البشر فلتصمتوا وإلا قتلتكم

اجلس بالفعل علي مقهي افضله , وحدي أجلس بلا خجل فقد كنت اخجل في البداية أما الأن فلا ..فيجب عليهم هم ان يخجلون .. اترقب تصرفاتي واقول لنفسي هكذا لن يقول أحد عني شئ فأنا اجلس بكامل إحترامي ولا يوجد بملابسي ما يخدش الحياء أو يثير أحد , وأنا لا أضع المساحيق إذن لن ينظر لي أحد وهذا ما أفضله ...ولكن تمر بضع دقائق فأجد أن كل من حولي ينظرون لي , وبالترتيب يسلمونني لبعضهم البعض وكأنهم يهمسون لبعضهم عني في صمت ..فأقرر أن أنساهم وكأني بالمقهي وحدي , وبالفعل أطلق لخيالي العنان واكتب أفكاري بعقلي سطر وراء الأخر , واخذ ورقة من حزمة اوراقي وأطلق قلمي ليعرفني ما بداخلي ..أقرأ وأكتب , أتخيل أتراقص علي أنغام أعزفها بداخلي ... ثم يأتي من يسألني وكأني أميرة قصري : تشربي حاجة ؟ ...
ارد عليه : شاي بالنعناع لو سمحت

وأستعيد طعم الشاي بفمي وكم كان رائعاً بالأمس وكل أمس فهو يعيدني مرة ثانية لنشاطي بعد فقدانه طول تلك الساعات ..يأتي الشاي فأنظر لمن حولي دون قصد أجدهم في ملكوت أخر كل منهم في دنياه واصبحت انا من يترقبهم واحداً تلو الأخر ياااااااااااه حقاً الأيام دول ..

يستمر الوضع هكذا حتي تأتي هي لتجلس بجواري , لا أعرف إن كنت احبها او اكرهها , ولكني لم أكرة سوي بعض الأشخاص انا فقط من يعرفهم , ولأسباب يجب وفقاً لها أن تكرة أي إنسان لذا فقد كرهتهم وبشدة ..إذن فأنا لا أكرهها , وأظل أتساَل هل وجودها سبب فارق في حياتي ؟ , وإن غابت هل سأفتقدها ؟..تضحكني , وتبكيني , تتلهف لرؤياي , تغضب حين ابعد عنها , تريديني وحدي لها , صندوق ترمي به أسرارها وأنا استجيب ...

تجلس وتبتسم وابادلها الإبتسامة , تنظر بعيناها لي وكأني طفلتها الصغيرة التي تخشي عليها من كل ما هو اَت , واقدر لها ذلك , ولكن أحياناً امل من تكراره طوال الوقت ..تهمس لي بكل شئ , وما مرت به حتي جاءت لمقابلتي ..اسمع واسمع حتي اصل لمرحلة الإنصات بلا ملل , لا أتحدث عن نفسي كعادتي , ولكن اقول رأيي حين تطلب إستشارتي أو اسرع في غضب لأقول ما أريد حين تتفوه بشئ يزعجني , تتقبل ذلك أحياناً وأحياناً ترفضه وانا اقدر ذلك فهي مثلي ومثل كل من حولنا بشر له طاقته التي أحترمها ...

فتاة في الـ (....) من عمرها نشيطة , محبوبة , تملك فكر في وقت لا يوجد فيه من يجبر عقلة علي العمل ..تطمح دائماً في الوصول لأعلي المراتب ومن منا لا يفعل مثلها !!..تتوهج مشاعرها حين يذكر حبيبها ولو بالخطأ , يمكنك معرفة ما بداخلها مما بعيناها , ولكنها تبحر بعنانها لتصل إلي السماء فإما أن تصعد وتجلس علي أنقي السحب , وتلامس النجوم , وإما ان تغرق في بحر الأوهام لتسقط في الهاوية , وتصر بشدة أنها لم تخطئ بل هو القدر وااااااااااه من قدر نلقي عليه أخطاؤنا ....

ويبدأ الحديث من حيث انتهينا امس بل أن اليوم لم يتغير عن الأمس فهو نفس الموضوع لا تملك سواه واقدر ذلك وأراعيه ....فتقول لي بغضب محمل بلهفة أنثي : " قالي إمبارح وهو بيكلمني ممكن أقابلك ؟ وأنا استغربت ده إحنا بقالنا فترة كبيرة مش بنتكلم ..فقولتله أوك , وروحت شوفته لكن لاقيته غريب وبيتكلم بطريقة غريبه , وبيلمح لـ ...لـ ...لـ "

في إيه ما تقولي
أوعي يكون اللي في بالي
أيوة هو ده بالظبط
أممممممممممممم
طب وبعدين ؟؟
ولا قبلين اتكلمنا شوية ونزلت وانا مصدومة...لية قالي كده ؟ وليه دلوقتي ؟ وليه بعد فترة كبيرة مش بنتكلم ...؟!!!!!
بس استني بس انتي اللي بتتكلمي عنه ده مش ممكن يكون كده مش ممكن !!
هو إيه في حياتنا مش ممكن ؟؟

وهنا اصمت ولا أرغب في التحدث تعجباً مما أسمع فقد أختلط الحابل بالنابل , ورموز حولي تنهار , ورجال تسقط في بئر المعاصي بلا رجعة ...

وللحديث بقية ..

إمضاء :
ن.س

... ردي علـيا يــا ضـنايا قبـري خلينـي أنــام

2009-12-23T17:38:00.000-08:00

حوار كنت اتمني يحصل من زمان ....
صراحة واجبه مع نفسي ومع الأنسانة اللي كانت ومازالت وهاتفضل سبب استمراري في الحياة ...
يمكن ماقدرتش أكتب الحوار ده قبل كده لأني كنت بعوض نفسي بنظرة عنيها , بكلمة منها , بنفس خارج من صدرها يشق صدري ...لكن قررت اكتبه واعرضه يمكن لنفسي قبل ما يكون لأي حد .. فخلينا نبدأ

وحشتيني ..
وانتي والله يا ضنايا ..
فاكرة ملامحي يا أما ؟
طبعاً يا بنتي , وأنا من أمتي نسيتها !!
ده من وأنتي في حشايا حتة لحمة حمرا وأنا عارفاكي وحساكي وعارفة وحافظه
ملامحك ..

ياااااااااااااه للدرجة دي !!
وأكتر يا حتة مني
بس زعلانة منك يا بنت بطني
ليه بس يا أما ؟
مقصرة في حق ناس كتير , ومقصرة في حق نفسك , وفي حق ربك
ده أنا جيتلك في المنام زعلانة منك وقولتلك من غير كلام إيه اللي المفروض
تعمليه
صح يا أمي عندك حق وهاحاول أصلح تقصيري ...

تعبانه أوي يا ماما ..
من إيه يا بنت بطني اشكي وفضفضي ..تعالي بس كده وعلي حجري اقعدي وعلي صدري اسندي وارمي علي كتفي حمولك
: أااااااااااه يا أمي .... الطفلة الصغيرة بنت بطنك تعبت والدنيا بتحاول تغيرها بنتك اللي كان كل اللي يبهرها ويسعدها في الحياة ( فزورة لنيللي أو شريهان من قبل ما تعرف مين هو فهمي عبد الحميد , و كان يبهرها بوجي وطمطم وصوت هالة فاخر من قبل ما تعرف مين هو رحمي , و كان يسعدها إعلان ريري والشمعدان , كان ينور تفكيرها المسرح بأضوائه وضحكة جمهوره من قبل ما تعرف ان شوية الخشب اللي واقف عليهم شوية بشر بيمثلوا ده اسمه مسرح ...اللي لما كبرت شوية بقي يبهرها جرنال علم في حياتها كتير, علمها قبل ما تقرأ أي كتاب , وكانت تدور بين سطورة علي كلمة أو جملة تلمسها من جوفها , كان بيبهرها عالم منفتح رغم أنه في الحقيقة أصل الإنغلاق ..كان يبهرها كلمة بحبك من صديق أو حتي إهتمام ,كان يهزها حضن عفوي من الغريب يضمها بشدة في وقت هي فيه في أشد الإحتياج للمسة حنان , كان يبهرها الجمال في مظهر عربية بأربع عجلات ماشية تتمختر علي الأرض لونها جميل أما عن سرعتها وهي كام سي سي مايهمهاش .. كان كل مناها كتاب تحبه ويحتويها مش مهم كاتبة مين ؟ المهم تتوه جواه وبين سطورة تحس كل حاجه ماحستهاش , يبهرها لوحة ترسمها وبعد ما تخلص تبصلها , وتسأل نفسها 100
سؤال :

أنا عملت ده إزاي ؟
معقول ده قلمي اللي رسم ؟!
وتكتشف بنت بطنك فجأه إنها نسخة منك , لكن إيه جمبك أكون ؟؟؟..
خطي نفس خطك ..
حتي إيدي حتة منك..
أيوه يلملم شتات روح طفلتك لوحة غامضة واضحة مش مهم , لكن ضروري تكون لها فاهمة وألوانها تبقي شمس وسط النهار سايبه بصمة ...

ويفصلها عن ذاتها خيل أصيل , أسمر كحيل , كل مناها بس منه تقرب تهمس له حبه عن المحبه اللي له شالتها سنين , يوجعها عيونه اللي مليانه دموع ما يشوفها غير اللي حس بألم يسوع ولو كان مالوش ملة ولا عنده دين ...

يكفيها بس موجة بحر عالية أو هادية مش مهم , ما البحر في عز غضبة أو حنيته برضو صامت حزين , لكنه بالنسبه لها كاتم السر الدفين ...تشكي له يوم ورا يوم وهو عليها بموجه يرد , ولقلبها أقرب ما يكون ضحكة الدلافين من بين كل الكائنات اللي خلقها ربنا هما دول بس الأقربين بغض النظر بقي عن البني أدمين ...

هزها بعفويتة صلاح جاهين .. وبسياستة وقوته عبد الناصر
وبإصراره علي مبدأه نجيب سرور .. وكتبها بحنيته نزار قباني
جذبها بفكرته بيرم عم الطيبين .. وبفنه وشغلته علي المسرح صبحي الحزين

يااااااااااااه حمل تقيل .. سياسة , علم , ودين ( وأنا بينهم مين أكون ؟ ) ...
تعرفي يا أمي سمعت مرة حوار بين أب وضناه كان بيقول :
عرفوني يا أبا راجل مجدع همام ..
والبنت وسط الزحام كيف تبان ؟..
لاع كتير ده ماهوش كلام ..
ده أقوي من السهام ..
كفاياك يا قلبي كفاياك ملام ..
اَباي عليك كفاياك يا ولد , كفاياك كلام ..
ماعادش نافع ..عالم منافع
وعليك أهوالوقت أخر , الدنيا إكده عايمة وهاتفضل حتي الزوال
وأنت يا ولدي يا دوب تنام ..
وأديتك يا أبويا ضهري ولنفسي قولت :
واااااااه ومن البداية ليه السؤال !!!!
وفي النهاية :
يا ناس يا عالم يا دنيا فانية
بمثقفينها وبعلمها وبسياسة تافهه وبالناس المنافقه
قررت أنا ..قررت أسيبكم
وأقوم أنااااااااااااااااااام
خلص الكلام , يلا روحوا
ومن غير سلام .

إلا يا أما ده يبقي يأس ؟
ولا حكمة ؟
ولا شئ مالهوش تفسير ؟
سكووووووووت وصمت منك ليه كده ؟..مصدومه فيا , ولا عليا خايفه ومني متأكده ؟
روحتي مني فين يا أمي لسه لكي عندي كتير كلام ...
أقولك شئ جوايا وماتضحكيش مني ...
فاكرة لما بخطوتك كنتي تمشي واحسك في الفجر قايمة ترددي بصوتك الأذان , تتوضي يا قلبي بمية ساقعة في عز الشتا لجل ما تدعي في ليل عليل منوره بدر التمام ...
لا عمري سمعتك بتقولي إيه ؟ ..ولا عمري سألتك ..لكن ياما سمعت أنين وأهات كنتي دايماً تصلي بالساعات لا يوم زهقتي , ولا يوم حسيتي بملل , والسبحة جمبك ترددي بها يااااااااااارب
سبحانك ياااااااااااااارب
أنت أكبر من أي شئ
الحمد لك , والشكر لك
بستغفرك من كل ذنب ...
وحشني صوتك , وخطوتك , مية وضوئك , وسبحتك , وصوت سجدتك ..
هاستني بكرة في نفس المعاد , فجر تاني أسمع فيه صوت خطوتك في ليل عليل منوره بدر التمام ...

_ أنتي الوحيدة اللي كنت اكلمها عن عبد الناصر وأشوف في عيونها حنين وفرحة زمان اللي راحت من سنين , يااااااااه بشوفك في فايزة أحمد وعجبي يا زمن الأم فايزة وبتحب فايزة أما يأمي عليكي حاجات .. بشوفك في وردة وغناها , وفي رقة نجاة في كبرياء عبد الحليم , وثقة كوكب الشرق , بشوفك في حسنة بني ساكنة إيديا من يوم ما أتولدت وكأنها علامة أول بوسة منك علي أيدي في سبوع حضوري لدنيا البني ادمين .. بشوفك في شارع بلدنا جاية من السوق شايلة الشنطتين إشي خضار وقوطه وجزر وبامية بشم ريحتها من عالسلم , أقولك سر ( أكلك رغم شكوة الكل منه ومن بساطته إلا أنه الوحيد اللي له طعم في حلقي ومازال ) ...

قوليلي يا ضنايا عاملة إيه مع سمر ؟
يااااااااااااااه بتحبيها يا أمي صح ؟
يكفيني إنها حبيت ضنايا , عليت في نظري لما في صغر سنها طلعت عارفه ربها وفي عز عمرتها فاكراكي بنت ناس من قلبك قريبة , وصوتها بس كنت بشوفوه بيسعدك حتي أهلها بتعتزي بهم وتحكيلي عنهم , وكنت أسمعك ....

بس قوليلي برضو عامله معاها إيه ؟
معاها برغم إني مش معاها , بحبها ..بحسها ..مش عارفه أوصف بس ساعات يا أمي بتكسف أقولها : ( معاكي يا بت لاقيتني , بضحك معاكي من قلبي , باكل معاكي , مش بخجل منك , ويوم شدتي حضنك الشئ الوحيد اللي كان محتمل , من وسط كل الناس أختارته هو يكون الأمل , وبجد كلمة بحبك ولا تساوي أي شئ قصاد اللي جوه مني لكي ...) بيقولوا يا أما أن لو حد عايز يسيطر علي ابن ادم يسيطر علي عقلة ثم جسدة ثم روحه , وسمر معاها التلاته فهنيئاً لها بهم ...
مقصرة معاها يا بنت بطني ؟...خلي بالك منها في الزمن ده مفيش ومبقاش وياما حذرتك ...
أه مقصرة معاها أوي , وبحاول أصلح تقصيري
صدقيني يا أما جوه القلب كتير كلام ماقدرش أقوله , وكفاية كده كفاية كلام

أجيبلك إيه وأنا جاية ؟
هاتيلي أنتي ..هاتيلي علاء أبني .. هاتيلي محمد راجلي وضنايا ,..هاتيلي سبحتي وتفسير القرأن, ..سجادة الصلاة والراديو القديم اللي دايماً بشغله علي إذاعة القرأن , هاتيلي مروة , وحفيدي , هاتيلي عمري اللي مر أوام , هاتيلي بيتي , وسريري اللي كنت وحدي عليه بنام , هاتيلي ذكرياتي , وصوره فيها أنا وأمي , هاتيلي جارتي أم غادة وسلميلي علي بنتها رشا كمان , هاتيلي جلابيتي وشبشبي وخماري اللي مروة بنتي كانت تشوفني فيه بدر التمام , .....وكفاية كده
كفاية كده ردي عليا يا ضنايا قبري خليني أنام .
وللحديث بقية

إمضاء :
ن . س

!!...سعاده ناقصها حته

2009-09-03T19:03:00.001-07:00

وبعد أكتر من يوم ..حس إنها فعلاً ما سافرتش , واتصل بها تاني من رقم تليفون من ضمن تليفوناته الكتير لكن هي ماتعرفهوش , وبالصدفه هي كانت فاكره أنه رقم واحده تعرفها فمردتش عليه ...وجت ساعتها البنت اللي في مكان شغله عشان توصله الأمانه " الرساله " وفعلاً شافها واتعصب جداً لأسباب ترجع برضو لكونه أناني وحس أد إيه الدنيا أدربكت من حواليه , وكالعاده بكل ضعف أتصرف كالأتي :

كان دايماً بيتكلم وبس , وكان واضح عليه أنه صعب في يوم يتصرف فلما وصلته رسايلها فهم إنها أبتديت تبعد عنه بجد فحس أنه هايفقدها وكان بيلازمه شعور متناقد كمان بالزعل منها , وبالصدفه شافها في مكان شغله قعد وأتكلم معاها وقالها : أنا شوفت الرسايل بتاعتك بس غريبه هو إحنا مش أتفقنا أننا نتعامل عادي ..أنا مش فاهم أنتي ليه عايزه تبعدي ده إحنا لسه متكلمين كويس من يومين !!

كان شكله مرهق جداً و واضح عليه علامات الإستغراب , وهي قاعده قدامه مش عايزه تبص لعنيه لا يشوف ملامحها وعتابها اللي مخبياه ومأجلاه لوقت معين ..لكنه فضل يضغط عليها بكلامه وأسئلته الكتير فرديت عليه وقالت : أه الرسايل أنا بعتها , وكويس إنك قريتها , وعن أستغرابك من تصرفي أنا بجد مبقتش قادره , ومش عارفه أتعامل مش عارفه أكون صديقه لحد بحبه !!
هو : بس أنا مش عايزك تبعدي , ومش عارف ليه كل الكلام ده ؟
هي : ربنا يسهل ..بس علي فكره أنت لسه ماتعرفنيش أنا اللي مش فارق معايا مبتكلمش معاه أصلاً ..
هو : وأنا مش عايز أبقي مش فارق معاكي ..

وبصلها بنظرة حنان لا هي عارفه إن كانت صادقه ولا خداعه , وبادلته النظره بإستغراب من جواها , وبقيت تقول لنفسها بأنين ياااااااااه للدرجه دي أتخدعت فيك وفي كلام عنيك ..إزاي بعد كل كلامي ورسايلي و وصفي ليك بأنك أقل بكتير من كونك راجل نرجع من تاني تكلمني وتقعد معايا , وكمان تطلب مني نفضل سوا !!
وفجأه لاقيت نفسها بتفكر في إختبار أخير توقعه به عشان تعرفه أنه أقل بكتير من إنها حتي تفكر فيه , وأنه بني أدم عايش مع وقف التنفيذ بدون مبدأ وبدون هدف معدوم الهويه .., وكأنها بتستعجل مشهد النهايه بينها وبينه فبكيت بمكر أنثي وهي بتقوله :
أنا بحبك ومش عارفه أنت بتعمل كده ليه ؟ مش عارفه أنسي , ومش عايزه أجي هنا تاني وخطيبتك وهنا سكتت تاخد أنفاسها ....وكملت وقالت : مفيش حل وأنت مش عايز تقولي قرار معين ..

قاطعها هو بضمير غايب وقال : بلاش نخوض في الموضوع ده تاني خلينا نتكلم بخطوط عريضه ..بصي في قرارات بناخدها بعقلنا , وقلبنا مش راضي عنها وممكن نندم عليها لوقت معين أو نندم عليها العمر كله .
وهي قدامه بتسمع كلام عارفاه , وحساه من عنيه ..بقي سهل عليها تفهمه وتسمع همس كدبه اللي خارج مع كل نفس من أنفاسه , بصيتله بعتاب بعد ما كانت معظم الوقت أبعد ما يكون عن عنيه , وبعيد أوي عنه وهي جمبه وهو فاكرها لسه أقرب ما له .

ورديت علي كلامه وقالت : أااااااه خطوط عريضه طيب ...
وسكتت , وهو بقدرته الضعيفه علي الكدب حاول يلطف الجو , ولأنه طول الوقت فاكرها ساذجه حاول يغير الموضوع فقام وقف , وحاول يضحك معاها ويهزر وسألها عن الهدوم اللي هو لابسها اللي هي جاكيت رياضي وبانتاكور " بلغة العصر " وقال : ها إيه رأيك شكلي كويس ؟
وهي جاريت الجو عشان تفضل محسساه بالأمان لغاية ما يجي اليوم اللي تاخد حقها منه , وتقوله فيه كل اللي جواها فرديت عليه بإبتسامه خفيفه وقالت : أه حلو جميل

وشويه وسألها عن حكاية سفرها لمطروح , وده لأنه شافها بعد ما قالتله أنها مسافره بيوم فقالها : هو أنتي ما سافرتيش ؟!
هي : لاء ..بس هاسافر كمان يومين
هو : أصل أنا شوفتك , وحاولت أتصل بيكي لاقيت موبايلك مقفول فأستغربت , وبعدها بيومين اتصلت من رقمي التاني مردتيش عليا فقولت أكيد في حاجه !!
هنا هي أتأكدت أنها قدرت توصله إحساسها بالبعد عنه وكل ده في صمت ..قدرت تفهمه أد أيه كرهته , وأد أيه فقدت إحترامها له , وأن هايجي اليوم اللي هايتمني يرجعلها , وساعتها مش بس هاترفض , لكن يمكن كمان تتمرد عليه أو حتي ماتفتكرهوش ....
وبعد حوار مفيش منه أي رجا ..جينا للختام وقالوا لبعض سلام ...

مرت الأيام , وكانوا أتفقوا سوا أنه هايقعد مع أعز أصحابها البنات لأنها عايزه تتكلم معاه بخصوص علاقتهم العاطفيه دي , وتتناقش معاه في حقوق صاحبتها , وفعلاً جه يوم المعاد اللي بينهم وكلمته صاحبتها وسألته أنت فين ؟ ..قالها أنه في مكان شغله , طلب منها تستناه في مكان متعود يروحه كتير هو وهي , وفعلاً راحت هي وصاحبتها سبقوه علي المكان ولما هي لمحته من بعيد شاورتله , برغم إنها بقيت تعامله وحش , وده واضح عليها حتي من صوتها ..قرب منهم ومرسوم علي وشه ملامح غضب راجل من أنثي كان لابس رسمي , ولا سي السيد اللي جاي يتخانق مع أمينه ويصرخ في وشها ومفروض عليها تقوله أأمر يا سي السيد ..قالها بطريقه رسميه جداً : أزيك
رديت عليه بطريقه رسميه أكتر بكتير : الحمد لله أزيك أنت ؟
وبصوا لبعض بنظره متبادله غريبه ..

وقعدوا هما التلاته ...
كانت متفقه هي مع صاحبتها أنها هاتسيبهم يقعدوا ويتكلموا وتاخد حقها , وتعرفه غلطه وأنه ظلمها ...وهي هاتفضل قاعده بعيد عنهم بشويه ...وفعلاً أخدت كرسيها بعيد عنهم شويه لكن بمسافه تسمحلها تسمع رطوش من الحوار ..وبدأ الكلام

صاحبتها رغم صغر سنها لكن تملك فراسة معرفة البشر من عنيهم , ومن كلامهم ..أول ما قعدت معاه بصيتله وهو بيشرب الشيشه اللي طلبها من القهوجي , وبيخرج أنفاسه في الهوا بيرسم بها قصص كدب كتير مش عارف حتي يقولها ..فجأته هي بالكلام وقالتله : أنت جاي تنهي الموضوع مش كده وإحنا كمان كنا جايين يا ننهيه يا نكمله ..بس أنت باين من عنيك أنك تايه بين حد ما صدقت لاقيته وحبيته ولاقيت نفسك معاه و فهمك وفهمته , وبين حد تاني أسم وعيله ويمكن في يوم منه تستفيد مش كده ؟
هو بإستغراب : أنتي كام سنه ؟
والسؤال ده كان نتيجة فهمها له بسرعه , ومن قبل ما يتكلم , ولأنها هي وصاحبتها نهوا الموضوع أصلاً فكانوا عارفين هما جايين ليه أنما هو كان ومازال لسه عايش في الوهم وفاكر أنها دايبه في هواه وعايزاه ....

استمر الحديث كالأتي :

صاحبتها مستمره في كلامها وردها علي كلامه القليل . وهو مش عارف يرد , ولا يتكلم ..كان ضعيف أكتر من أي وقت تاني , وعاتب صاحبتها وقال : يرضيكي تقول عليا مش راجل !! ..وليه لما تعوز تقول حاجه ماتجيش تقولهالي أنا ...ليه تدخل وسيط بينا ؟ ..وصاحبتها فضلت تتكلم معاه بهدؤ , وترد علي إعتراضاته بأدله وهو لا عارف يرد ولا يقول كلمتين علي بعض كان صغير في المقام , وفي الكلام والتفكير قدام أتنين بنات أصغر منه بـ 5 سنين

ومع أنفاس الشيشه اللي بتزيد جاله وسط الكلام تليفون , أنتهزت صاحبتها اللحظه دي وميلت عليها وقالتلها : ده مش عارف يقول كلمتين علي بعض , ومش عارف يرد كنتي بتحبيه إزاي ده ؟ إحنا أخرنا معاه 5 دقايق ونمشي ..
رديت هي عليها بأسي وحزن علي قلبها وقالت : ماشي بس قبل ما نقوم سبيني معاه 5 دقايق لوحدنا لازم أخد حقي
صاحبتها : أوك ..وبعد كده هارن عليكي عشان نمشي ..

وفي وسط ماهي بتسمع كلام صاحبتها معاه
قالت لنفسها : ياااااااااه هو شاف كل كلامي وكل رسايلي ماعدا كلمة إنه مش راجل ويوم لما يجي يتكلم يبقي ثاير بأنانيته المعهوده عشان نفسه مش عشان قلب ظلمه , حبيت أعمي رغم إنه بصير ياخساره.. يظهر أن مشهد النهايه فعلاً قرب واللي عايزه أقوله ده معاده ...., ونهيت صاحبتها معاه الكلام وقالت بصوت عالي تسمعهم هما الأتنين : أنت تنساها وتمسح أرقامها وكأنك ماشوفتهاش قبل كده , وهي كمان هاتنساك وتمسح أرقامك ومتهيألي إنها هاتكون ولا كأنها شافتك,اللي بينكوا كان غلطه للأسف من الأول ..

وقامت صاحبتها واستمر المشهد بينها وبينه فقط كالأتي :
شيشه عمال يشد منها أنفاس , وطرابيزه قاعدين عليها هو وهي قدام بعض , وناس حواليهم من كل إتجاه ..هي باصه لمفرش الطرابيزه اللي مليان مكعبات بتوضح أد إيه كانت راضيه بوضع معقد ومش لايق عليها , وفجأه كسرت الصمت اللي بينهم بسؤال : ها أنت إيه بقي مزعلك في الرسايل ؟
هو بثورة رجل : أنتي تقولي عليا مش راجل !!
هي بقوة : طب ما تثبتلي ...
سكت مردش ...

هو : وبعدين ليه لما تعوزي تقوليلي حاجه مابتبعتليش أنا علي طول ليه دخلتي بينا وسيط ؟...رديت عليه بسخريه وهي بتقلد صوته وقالت : هو أنت فاكرني لو كنت بعتلك كنت هاترد عليا ولو رديت عارف كنت هاتقولي إيه ؟
بلاش نتكلم في تفاصيل خلينا نتكلم في خطوط عريضه مش كده ؟
وهو باصصلها بإستغراب وكسره غريبه
وسألته تاني : ها أيه تاني مزعلك في رسايلي ؟
وهو لسه ساكت , وضعفه عمال يزيد مع كل نفس شيشه
هي : لو عندك دليل ترد به وتنفي كلامي ياريت أسمع ..أنت واحد تايه وتافه بشهادة كل اللي حواليك , لازم تعرف أني قليل جداً ما بندم وأنت من الحاجات اللي هاندم عليها في حياتي ...
هو : خاليني أقولك أني موافق علي كلامك اللي في الرسايل ومش هانكر إننا غلطنا ..
هي بقوه ودفاع عن نفسها قالت : لالالالا أنت غلطت أنا لاء , أنا وافقت أدخل معاك في علاقه عاطفيه لما قولتلي الأتي, وهنا قلدت صوته وقالت : أنا موضوع خطوبتي فاشل بنسبة 99% , وخطيبتي مبكلمهاش, ومبحبهاش, وفي سنتين مروحتلهاش غير 3 مرات وفي شهر 8 هانهي الموضوع..... مش ده كلامك ؟!

أنت كدبت عليا وقولتلي عنك كل شئ ماعدا إنك خاطب ويوم ما قولت عذرتك قولتلك أنا جمبك ومعاك .., وهو ساكت وبدأت ملامح الغضب والخجل تزيد علي وشه وبقوه , وهي كملت كلامها وقالت : أوعي تكون فاكر أن سكاتي ده كان كده لاء ده أنا كنت ساكته بتفرج عليك وبشوفك هاتتصرف إزاي , وهاتعمل إيه في وضع حطيتني فيه , وكنت بتصدم فيك يوم ورا التاني وأوعي تكون فاكر أن طريقة كلامك عن خطيبتك كانت بتعجبني , أنا عمري ما شوفت كده أمال بتقول عليا أنا إيه من ورايا أنا عمري ما اتمنيت أنك تسيبها رغم إني كنت بحبك , وكنت بدعيلها في كل صلاة لو أنت من نصيبها ييسرلك الحال معاها لأنها بنت زيي مهما كان ....

وهنا بدأت أنفاسها تبقي أسرع ونبضات قلبها تزيد , وهو مع كل نفس شيشه بيبين ضعفه , وهو لسه ساكت لا بيرد ولا عنده اللي يرد به وكسرت هي الصمت من تاني وقالتله : وكنت بتقولي بحبك ..طب إزاي وأنت جمعتني بها في مكان واحد ياااااه يومها كان نفسي أضربك بالقلم علي وشك لكن فضلت الصمت , وهنا قلدت صوته تاني بسخريه وقالتله مش كنت بتقولي : أنا من يوم ما أبويا مات مابخافش علي حد غير أمي وأخواتي وبقيت أخاف عليكي ومش بس كده ده أنتي وصلتيني إني كمان أخاف علي مشاعرك أنا مش بحب خطيبتي أنا بس بعزها لكن بحبك أنتي ..ولما أسألك بعد يومين مش أنت بتعزها بس تقولي لالا مش بالمعني ده ..وهنا وضحكت عليه ضحكه ساخره ملاقاش قصادها غير إنه يسكت ويكمل ضعف ...

وفجأه صعبت عليها نفسها و عنيها دمعت ولأنه بيكره دموعها اللي بتقربه منها واللي بيضعف قدامها , وخاف علي نفسه لا يبان وسط الناس أنه السبب فيها قالها : ماتعيطيش إحنا في الشارع
استجمعت قواها من بعد لحظة ضعف وقالتله وهي بتبصله بغضب : وهو أنت بيهمك ؟!
بصلها بنظرة ضعف وخوف عمرها ما هاتنساها وقال : أنتي بتكلمي بني أدم مش كرسي ..
هي : ومين قال أنك كرسي ..بس أوعي تكون فاكر أن ألم اللي حواليك بيأثر فيك
بص الناحيه التانيه وعنيه دمعت , وبدل ما كانت هي اللي هاتعيط هو اللي عنيه دمعت وفضل الصمت لأنه مكنش عنده اللي يدافع به ...

شويه وقال : أنا مكنتش أحب أني أظهر كده ولا صورتي تبقي كده
هي : يااااااه أنت برضوا كل اللي همك نفسك , وصورتك ومش في بالك حد انت ظلمته معاك وكسرت قلبه ياااااه علي أنانيتك !!
لسه زي ما انت كلام وبس من يوم ما عرفتك ما اخدتش منك غير كلام ووعدتني وعود كتير ما شوفتش منها شئ ..حتي اليوم اللي كنت بتحاول تسعدني فيه قولتلي وانت بتبوس أيدي " أنتي بكلامك وحبك ومراعتك لظروفي بتخلي عليا عبء إني اسعدك " يعني حتي يوم ما حاولت تقولي هاسعدك قولت انه عبء وفعلاً هو عبء وانت مش أده ...ياااه ده انا يومها قولت أشاركك المسئوليه واحسسك بزياده إني جمبك وقولتلك أن أنا كمان هاسعدك علي اد ما أقدر ...

وهو ساكت مابيردش وينكمش في كرسيه لحظه بعد التانيه , وأنفاس الشيشه خارجه منه ترسم ضعفه اللي شافه كل اللي حواليهم ...وكملت هي عليه وقالت : خليك عارف أن اللي كان مصبرني عليك لغاية دلوقتي أن كل لما كنت بكلم رب العباد عليك وأستخيره كنا بنقرب ..هو ده اللي كان مصبرني عليك مش أكتر ...
بصلها هو كأنه طفل يتيم , أو طفل تايه في وسط الزحام , وقامت وهي بتقوله سلام

قامت وهي من جواها بتترعش , وجواها ثوره بتغتال كيانها من كل جانب وحسيت أنها فعلاً بدأت تتحرر منه , بقيت تبكي بدموع قلبها قبل دموع عنيها وراحت لصاحبتها وقالتلها جمله واحده : " أنا أخدت حقي " ....

لكن الغريب أنه بعد نص ساعه كلمها يسألها عن بيانات الشغل اللي كان بينهم بقيت تستغرب فقدانه لكرامته وأنه بعد الكلام اللي دار بينهم ده كله لسه بيتصل بها وبيكلمها !!...ورديت عليه بطريقه وحشه جداً , وقالها في أخر المكامله لو البيانات طلعت غلط هاكلمك تاني معلش أنا عارف إني بضايقك ...

وعديت الأيام وهي ولا علي بالها لكن كانت عارفه أن لسه الأيام جايه كتير وهاتشوفوه وهايشوفها والصدف هاتجمعهم لأن بينهم أصحاب مشتركين كتير ...وهي يوم عن التاني بقيت تعرف عنه حاجات كتير تأكد تحررها من حتي الوجود جمبه كصديقه ...
عرفت أنه نصاب , وكداب وتايه وصاحب فكر ملهوش هويه وأنه من ضمن أشباه المثقفين اللي ملوا البلد وأنه مع المصلحه حتي لو كانت ضد معتقداته الغير مهضومه , وأنه من الناس اللي اخدوا من الإشتراكيه أسوأ ما فيها ..وأنه عايز بالإضافه لمراته يكون له رفيقه تبقي معاه في كل مكان يحبها ويمارس معاها علاقات محرمه زي غيره من أشباه المثقفين اللي فاكرين أن هي دي الحريه وهي دي الثقافه ..

ورغم إنها كتبت بينهم النهايه إلا أن الصدف بينهم مازالت قائمه
وللحديث بقيه عن قصه مش منتهيه , و وسط زحام الحياه مستخبيه

**

الجزء الأول

أنا كاشفك أوي

http://www.facebook.com/inbox/?ref=mb#/note.php?note_id=95836609737&ref=mf

الجزء التاني

قالي عنه كل حاجه إلا دي

http://www.facebook.com/inbox/?ref=mb#/note.php?note_id=95998259737

!!..راجع يقول ياريت

2009-09-03T18:52:00.000-07:00

أنكويت ما أشتكيت ...
وعنك داريت دمعتي ...
راجعلي تاني تقول ياريت
ياللي زمان ياما صرخت
ما كنت تسمع شكوتي !...

وعدتني ومن فرحتي
بنيتلي بيت فيه أنطويت
, وفي ليل طويل اشكي لقمري وحدتي
راجعلي تاني تقول ياريت
ياللي في هواك ياما أتناسيت
ومنك أسيت ,
وياما جفتني في شدتي !!

حبك لا كان , و لا يكون ...
ياللي عذابي عليك يهون....
ولدمع عيني كمان تخون ...

لاتقولي عفو ولا سماح
من بعد حبك القلب حر ساكن براح
. ومن بعدي عيش
يمكن عليك أيام تفوت
تحس إنك جرحت قلب
من بعد غدرك
ساكن تابوت

قالي عنه كل حاجه إلا دي

2009-08-20T11:41:00.002-07:00

قررت تروح لنفس المكان اللي كل فتره بتعدي عليه تنجر في الوقت وتعمل شغلها وفعلاً شافته صدفه وقابلها بفرحه ونظره جريئه مستحيه , عمرها ما هاتنسي يومها نظرة عنيه , وطلب منها تقعد معاه وجنبه وهي كان نفسها تسمع منه نفس الطلب وساعتها وافقت وفجأه يومها قال كلام ياااااااه وبدأه بسؤال غريب وقال :

هو أنتوا بلادكو فلاحين ؟ يعني عادي لما تروحي متأخر وكده ولا أيه وهل في البيت بيزعقوا ؟ هي : لا إحنا مش فلاحين مع إحترامي طبعاً لهم بس بالعكس ..وأهلي طالما أنا في شغل هما فيا واثقين وبحكم الظروف والمواصلات بيبقي غصب عني ..

بصلها وابتسم , ورجع تاني يكلمها عنه وعن أهل بيته وعن مواقف لطفولته وشبابه كتير مضحكه وهي بتبتسم وتضحك من قلبها , ما أتكسفش أبداً يقولها أنه بتفكيره في يوم شرد وعن الكون عنده بقي في مليون سؤال , وكان بيحكلها عن الخطوبه والجواز وعن صاحبه اللي بيعترف إنه من مراته بيخاف ..وهي تضحك وهو لضحتها يبتسم ويزيد في الكلام ....

هي مدمنة نعناع وعلي طول في جيبها وفي شنطتها كانت بتعزم عليه وهي بتديله أطراف صوابعها بتلمس صوابع أيديه , وهو بدوره كان بيعزم عليها بسكر نبات والكلام ما بينهم يروح لكل شئ للسياسه والثقافه والكتب والأدب وعبد الناصر وقالها فيما معناه إنه إشتراكي وهي فاهمه لكنها وضحتله حبها للمذهب وبعدها عن أي حزب ..لمع في عنيه إعجابه بها وبتفكيرها وبرؤيتها للحياه بالذات لما أتكلموا عن بكره والآسره وعن الولاد والتعليم وفكره الهجره والسفر وهي رديت عليه بأبسط الحلول

.... كانت بتسمعه أوي وفي عنيه كمان بتغوص بعمق , وهو كمان نفس الكلام لدرجة إنها حسيت أن هو اللي بيجرها تبص لعنيه , وقربوا الكراسي من بعضها , وفتحت هي من وسط الكتب كتاب كده قريت فيه شوية صفحات.. قام أدهولها وقالها ده هديه لكي فرحت أوي واستغربت ....كان بيحاول طول الوقت يسرق ولو لحظه يكلمها فيها والكل طبعاً من حواليهم ملاحظ إنه متغير معاها ومحدش في المكان يعرف هي مين ؟ ..لأنها كانت فعلاً حد عادي زي باقي البني أدمين اللي بتزور المكان , وهو يا عيني بعد كل الشغالين معاه في المكان ما مشيوا والكل هناك عمال بيطلب حاجات كتير بقي رايح شمال ويمين وبقي بيتصرف كأنه طفل وعمال يضحكلها ويقولها معلش أنا جاي أقعد معاكي , بالظبط كأنه طفل عمال يبصلها وهي تضحك من طفولته الواضحه عليه وبقيت مشتاقه إنه يرجع وجمبها يقعد ويحكي وهي بدورها تسمع وتبص لعنيه ..

وفعلاً رجع وكمل كلامه عن شغله اللي راح واللي جاي فقالها ليه ماكملتيش شغلك اللي قولتيلي عليه ؟ هي : مين أنا عشان أعمل اللي أنت بتقول عليه؟ لسه بدري علي ما وصل حتي له هو : لا لازم تعملي كل اللي تقدري عليه لأن الوقت ده عايز كده وبقدرته اقنعها ومن شوقها له وافقت علي كل اللي قال عليه وكأنه فعلاً كان بكلامه وقوة نظرة عنيه بيجبرها تبقي جمبه ..

وكل اللي في المكان سواء زوار أو شغالين لاحظوا وحسوا منها ومنه اللي هما فيه بس ساكتين ده غير إن هي وهو بالصمت ونظرة العين بس بيتكلموا وكل طرف منهم نفسه التاني يحسه يفهمه ....بقوا بيتفقوا في حاجات كتير , واللي يربط بينهم سواء في الفكر أو في المواقف والظروف عمال يزيد وهي مبسوطه وتبص له تلاقي أن هو مبسوط كمان , وكانت من خوفها لا كل ده يضيع تكلم ربها وتقول إليه :

يارب كل ده لا كان ع الخاطر ولا ع البال , والشخص ده لا كان في بالي ولا حتي في يوم فكرت فيه , وهو بكلامه وتصرفاته لفت نظري إليه ولاقيت فيه اللي كنت بدور عليه , من نظرة عنيه لفهمه ليا لحاجات كتير أنت عارفها لا بها في يوم ابوح ولا أصرح بس أنت عارفها ..ووسط البشر يارب فضلت ادور يمكن الاقيني وفجأه وهو بيتكلم لاقيتني فيه كنت بسمع صوتي أنا وبشوف نفسي وكأني واقفه قصاد مرايا رغم شده أختلافه عني إلا أني كنت ومازلت بشوف اختلافي معاه أقوي تفاهم وأتفاق انا عشت فيه ...يارب لو خير قربه مني وقربني له ولو شر ابعده عني وابعدني عنه

... ولما جت تمشي عشان تروح سألها تاني : هاتبقي هنا قرب المكان عشان أكلمك , وصحيح مواعيد شغلك أيه ؟ هي : من جواها طايره وقالتله مواعيد شغلها واتفقوا يتقابلوا تاني أكيد وسلام سلام , وعم كيوبيد عمال بيرمي في السهام

شوقها له عمال بيكبر , وفي يوم كده راحت له كانت حلوه أوي وهو لما شافها ابتسم , كلمته شويه وبرضو طلب منها جمبه تقعد وافقت أكيد وبقيت تحس أن هي جواها نار بتقيد ..كانت في الكام يوم دول عرفت عنه كتير عن عيوبه ومميزاته وأنه خريج أزهر و وكليته في نفس مقام كليتها و أن عمره 27 يعني تمام هو الحد اللي بتحلم به حتي أفكارهم في كل شئ فن وسياسه وحب وغزل وكل اللي تتخيله رغم أختلافهم متفقين , وقالها كمان إنه حب 4 سنين لكن خلاص دلوقتي مفيش , وأنه للكوره بيحب وممكن في يوم كانت تشوفوه علي الشاشه بيجيب أجوان , وحكي كمان مغامراته ومهاتراته , كانت هي بتحب كونه طفل بيعترف قدام أمه بغلطاته من غير خجل لا خايف منها ولا مكسوف بالعكس كأنه جوه حضنها بيترمي ومعاها بيتوب ويغسل نفسه من الذنوب ..وده لأنه عرف من نظرة عنيها إنه بقي لها كل الأمان ...

وفضلوا يضحكوا ويهزروا , ونظرة عنيهم لبعض كانت بتقول كلام كتير , وفجأه أضطر من جمبها يقوم , جالوا شغل كان هو قالها عليه وعرض عليها كمان تبقي معاه فيه , قعدت هي مستنياه ومبسوطه وبتسمع كمان فيروز ماهو خلاص كان العشق في اللحظه دي وصل العنان جه واحد من اللي شغالين في المكان وقعد معاها , وهو كان أرتاحلها وقالها عن مشاكله وقال كمان كلام كتير وبعد ما خلص قالها : معرفش ليه أرتاحتلك ؟ , وبجد ملامحك ملامح طفله صغيره هي : ضحكت وابتسمت من الكسوف وقالتله ميرسي ربنا يخليك وانا كمان أرتاحتلك قالها : إنتي هنا بتيجي بقالك فتره لا نعرف عنك أنتي مين ولا ساكنه فين لاو بتشتغلي إيه ؟ قالتله : أنا ......... وساكنه ......... وبتشغل ......... وفجأه قالها جمله طلعها بها سابع سما إنتي خطيبة ........ صح ؟ طارت هي لفوووق أوي , وقالت لنفسها يبقي اللي أنا حاسه به لا وهم ولا كدب ولا حلم عايشه فيه ده واقع وكمان اللي حواليا مشاركني فيه ...

وبدلال إمرأه قالتله : أنت كده هاتخليني مجييش هنا كتير وأحاسب علي تصرفاتي لأن معني كده إني أوفر هو : لالا بالعكس أنا بس كنت فاكرك خطيبته ..أصل هو خاطب هو مقالكيش ولا إيه ؟ وهنا بقي نزلها بجملته وسؤاله المفاجئ أسفل السافلين لدرجة إنها معرفتش تتكلم أو ترد وشويه وعاديت هي عليه نفس السؤال وقالت : هو خاطب ؟ هو : أه وإحنا من كام يوم كده كنا بنتكلم عن خطيبته وإننا عايزين نشوفها اتصدمت هي دلوقتي اكتر وقالتله وهي دموعها محبوسه ما بين جفونها : بس ده هو قالي إنه كان مرتبط زمان ودلوقتي لا وكمان مش لابس في إيده دبله

ولآن صاحبنا اللي شغال في المكان كان حاسس إنها بتحبه وهو كمان بيحبها ضغط عليها عشان يتأكد لكنه كمان في نفس الوقت فوقها , وهنا بقي ظهرت دموعها جوه عنيها وحس صاحبنا اللي شغال في المكان إنه سبب مشكله , وفضل طول الوقت يتأسفلها وهي هنا بالذات فضلت تحاول تنكر حبها ولصدمتها تتقبل وتفهم

, وهو ساب الشغل اللي كان معاه ورجع لها وندهلها وهي بعد ما عرفت إنه خاطب بقيت واحده تانيه مش عارفه تتلم علي نفسها ودخلت معاه تشوف الشغل إيه وكأنها بتتحدي نفسها لا كان ده صوتها و لا كانت دي ملامحها ولا ده شكلها اللي هو اتعود عليه !!

وشويه طلبت منه إنها لازم تروح , وافق صحيح لكن مستغرب وفضل يسأل بعنيه هو في إيه ؟ وهي بتجاوبه بهروب من عنيه وملام بصمت قبل ما تنزل عشان تروح اللي بيشتغل في المكان نده عليها وقالها : إيه خلاص كده مش هاشنوفك تاني في المكان ؟ أنا أسف بجد رديت هي عليه لآنها ست غاويه عند : لا طبعاً هاجي عادي مكنش في اللي منه في الأصل أزعل وعنيها هنا أتملت دموع ولكن مسكت نفسها

خرجت وهي عماله تبكي طول الطريق وتسأل نفسها معقول يقولي عنه كل حاجه إلا دي ؟؟ ...معقول طب ليه يعمل كده ؟ ..وهل فعلاً كل ده وهم , وفجأه كلمت ربها وقالت : يارب اللهم إنك أنت من أعطي وأنت من أخذ والحمد ليك ...

ومن حب جديد لوهم بعيد واقفه هي في النص عماله علي حاله تتحسر وتبص روحت بيتها مش عارفه أزاي وفكرت تكلمه وفعلاً كلمته لأنها كانت حاسه إن اللي شغال في المكان أكيد هايقوله اللي حصل وفعلاً توقعها كان في محله وكانت المكالمه كالأتي :

هي : ألو
هو : ألو أنتي فين روحتي ولا لسه قريبه من المكان ؟
هي : بصوت مجروح أوي , أه روحت ...عايزه أقولك علي حاجه حصلت قبل ما أمشي
هو : خير قولي , وبعدين مالك أنتي بتعيطي ولا إيه ؟
قهي طبعاً منهاره وحكيتله علي اللي حصل
هو : اه ما هو اللي شغال هنا قالي أو تقدري تقولي لمحلي وأنا فهمت
وسألته : هو أنت خاطب ؟
هو : مش بالظبط , وبعدين مش هاعرف أتكلم هنا لازم أشوفك فيس تو فيس
أنهارت هي لمجرد بس أنه وضح أنه ممكن يكون خاطب , وطلبت منه تفهم معني الكلام ...!!
قالها : الموضوع شبه بايظ ومش هاينفع اتكلم في التليفون لازم أشوفك
وهي عماله تعيط وهو بمكر راجل فاهم وعارف أنها بتحبه
سألها : هو إنتي ليه بتعيطي ؟
كان حاسس إنها بتدوب فيه بس كان نفسه يسمعها منها , وفضل يضغط عليها بالكلام عشان تقولها لكن صدمتها من واقع مكنش لا ع الخاطر ولا ع البال خلتها تمسك نفسها وماتقولش حاجه عن اللي حاسه به
هو : إنتي زعلانه إن أحساسك ده واصلني ؟
هي : لا أنا مش بندم علي شئ
هو : طيب ممكن تهدي وتنامي وماتفكريش في شئ وبكره لما أشوفك هافهمك ونتكلم
وافقت هي علي الكلام وسلام سلام نامت قتيله وشهيده لحب كانت بتتمناه وتاني يوم لا قدرت تشوفوه ولا تروح إليه رغم الأتفاق اتصل بها يسأل ليه مجتش تشوفوه ? ومنه تفهم وقالها أنه بكره هايستناها لأنه بجد عايز يتكلم معاها قالتله بكره هاجي أكيد وقفلت وهي حاسه بأسي ولكنه واحشها أوي , وفعلاً تاني يوم راحت المكان , وهو كان مستني

....مكنتش هي لا في الملامح ولا الصوت ولا حتي نظرة العين اللي خارجه منها رايحة له ..طلب منها كالعاده تقعد جمبه لا هي بتبص له ولا هي عايزه تشوف عنيه لأنها عارفه أكيد لحبه هاتضعف ..

وهو بيبصلها مش عارف يقول إيه ولا يعيد إيه فضلوا يتكلموا في أي كلام والسلام حتي ضحكتها كانت حزينه , وفجأه هو بقي ملقاش طريق غير إنه يبدأ معاها الكلام ... وفجأه قالها :

وللحديث بقيه

الجزء الأول

" أنا كاشفك أوي "

نـــــــــــاهد ســـــــــمير

!!..أنا كاشفك أوي

2009-08-16T04:40:00.001-07:00

أه يابت أنسي بقي كل اللي راح أنسي الجراح وكل الوشوش اللي في زمانا لسه كمان ما بيختشوش واللي خانك واللي ناسي واللي باع أنسي بقي ولنفسك لصمي وركزي ....

وفعلاً صاحبتنا دي بقيت عايشه متلصمه لكن من غير مقدمات فجأه بقيت واحده تانيه وعن كل قرارتها أتنازلت ....أصل في مكان هنا في دنيتنا السعيده اللي عامله كئيبه وعايشه دور التعيسه كانت بتعدي عليه زي ما بتعدي كل فتره وترمي السلام علي واحد هناك تعرفه من فتره ولكن كل اللي بينهم كلام عابر كده لا منه فايده ولا منه رجا ولكن في ود الأخوات والصحاب وفجأه الواحد ده دخلها من ناحيه تانيه وكان الحوار بينهم كالأتي :

هي : سلامو عليكو يا ..........
هو : وعليكو السلام أزيك وأيه أخبارك وأخبار شغلك ؟
هي : تمام الحمد لله وأنت ؟
هو : تمام

وشوية كلام من هنا وهناك سابته وشافت اللي كانت جايه عشان تعمله كالعاده , وبقيت تنجز في الوقت عشان تقدر تمشي بدري لكن وهي ماشيه حصل شئ غريب ولما جت تسلم عليه كان الوضع كالأتي :

هي : يلا أقولك سلام بقي ...
هو : ليه طب أستني شويه
هي بقي بينها وبين نفسها بقي جوه في عقلها علامات أستفهام ملهاش عدد وأسئله كتير لكن اكتر سؤال كان فارض نفسه أوي " هو في إيه ؟ " ...
وقالتله : ليه هو في حاجه ؟
هو : لا بس عايز اتكلم معاكي شويه

ملحوظه مهمه : لغاية اللحظه دي لا هو يعرف عنها شئ غير اسمها ووظيفتها
ولا هي تعرف عنه شئ غير اسمه ووظيفته فقط لا غير .....

وهنا بقي صاحبنا فتح كلام عنه وعن حياته وأهله بأدق التفاصيل لدرجه إنها كانت بتسمع ومستغربه وعماله تسأل نفسها هو ليه بيقولي كده وليه أنا وليه دلوقتي بالذات هو في ايه ؟....وكلمها عن حبه اللي راح وعن كل غالي من حياته سابه وسابله في الذكري عالم مليان جراح لكن رغم كل ده هي كانت مستمتعه لأن نظرة عنيه كانت تسحر , كأنها نظرة طفل بيتمني رضا أمه وملهوف علي حضن منها حتي لو كان حضن بنظره من عنيها يضمه أوي ويحسسه بالدفا يعني نقدر نقول حاجه كده زي أول كلمه بحبك , وأول لمسة أيد مصاحباها رعشه غريبه لكن ممتعه ولكن كل ده مستخبي ورا كلام عادي وطبيعي

استمر الكلام ساعات وهما الأتنين مستمتعين وهي مستغربه وهو لها عمال يقرب أكتر وأكتر
علامات الإستفهام جواها بتزيد
وهو نار الشوق إليها جواه عماله بتقيد
ونفسه باللي يقصده تحس ولآشارة القبول لحبه تقيد
وفجأه قالتله :

أنا لازم أمشي
هو : طيب استني شويه
طب بصي تعالي نشرب شاي وأنزلي

وطبعاً لأنها بدأت تتشدله وافقت وبدأت تحب كلامه ونظراته, ونظره منه لها وهي عليه بترد بنظره أقوي ولكن في 1000 سؤال وسؤال , لاقيت عنيه مليانه كلام حتي شوقه واصلها من غير كلام ..., قالت من جواها :

" معقول ..طب ليه وأمتي ؟ "

في لحظه عرفت عنه كل حاجه
وهو لسه مايعرفش عنها أي حاجه غير إنها حد نفسه يقوله كلمه واحده وخايف
وهي بتسأل نفس السؤال إمتي حصل ده كله ؟
وليه أنا ؟
ما أنا أعرفه من فتره أشمعني دلوقتي ؟
ياااااااااااااه إيه الحيره دي ؟
ده هي اللي بتقول

ولكن رغم ده كله لسه مستمتعه بدفا قربه منها , ونظرة عنيه وكلامه عن كل حاجه وأي حاجه حتي صمته فيه كلام من غير ملام , وهو عاشق وباين عليه لكن هي مازالت رافضه تصدق أو تقدر تقول من شدة اللي راح بقيت بتخاف تصدق ما هو مش ممكن للي وقع من الخامس وأنشرخ يصدق أن اللي يقع من العاشر ينزل سليم

شربت معاه الشاي وكانت دي بينهم اول مشاركه
هي : أنا شربت الشاي هانزل بقي
هو : طيب هي الساعه كام ؟
هي : ياااااه الساعه 11 بالليل
هو : طيب استني هاقفل المكان وننزل سوا

بدأت تحس أن فعلاً في شئ غريب وأنه انهارده هو معاها حد تاني غير اللي كانت تعرفه بس جوه القلب شئ مطمنه عشان كده مع كل كلمه منه بتقابله بإبتسامه بها تحسسه إنها معاه وحساه ونفسها يتحقق اللي شايفاه ويكون بدل الشك حقيقي ويقين

حصلت ظروف ومنفعش مع بعض ينزلوا ماتسألنيش بقي ليه زعلت وليه هو كشر وحاولوا يداروا ونجح الفشل , لكن رغم إن كل واحد معاه رقم تليفون الطرف التاني من فتره وعمره ما أتصلوا ببعض غير عشان شغل فقط إلا أنه أتصل بها من رقم تاني له وهي ماتعرفهوش , في وسط الطريق وكان الحوار كالأتي :

الو
هي : ألو مين معايا ؟
هو : أنا .........
هي : ايوه أيه روحت ؟
هو : لا لسه أنتي روحتي ولا لاء ؟
هي : يعني قربت
هو : طيب لما تروحي طمنيني
هي بقيت فرحانه لكن بتسأل نفسها هو اللي بيحصل ده طبيعي ولا أنا بحلم ؟
عمره ما اتصل بيا ولا قالي أنتي فين ولا أطمن عليا !!!!!
هي : بدورها عشان تحسسه نفس اللي هو من الصبح بيحاول يحسسها به قالتله : طيب وأنت كمان لما توصل طمني عليك
وسلام سلام

فرحت أوي وفضلت تفكر وتبتسم بينها وبين نفسها
روحت وكلمته كنسل عليها وكلمها هو , حسيت هنا فعلاً أنه مهتم بها
هو : ها وصلتي ؟
هي : أه وأنت ؟
هو : أه وصلت
هي : طيب الحمد لله أنا قولت بس أطمن عليك
وسلام سلام

زي أي بنت طارت ولمست النجوم بعد ما كانت بتداري وسط الهدوم اللي لابساها وتحت الأرض أسرارها مخبياها وعايشه متلصمه وكأنها لوحة بازل القطع بتاعتها متنطوره ولكن بتحاول تمسك بعضها عشان تكمل الصوره ولما جت تنام بمجرد ما حطيت راسها علي المخده وغمضت عنيها مكنش في ورا جفونها غير بس صورته , وصوته وكلامه وهمسه وصمته ونظراته اللي كانت سهام بتعدي حدود دولة قلبها وتخترق كل أسلحته وتهاجم وهي لا بتدافع ولا عايزه تمانع ...وتفتكر لمسته المقصوده اللي حاول يبين إنها طبيعيه ومش مقصوده ولا حتي مستخبيه ..بس رغم كل ده مبسوطه , وقررت تتنازل عن كل القرارات اللي كانت واللي جايه وتبعد عن جنة الوحده وتترمي في نار هواه وقررت تبقي معاه ...

تاني يوم
قررت تروح لنفس المكان اللي كل فتره بتعدي عليه تنجر في الوقت وتعمل شغلها
وفعلاً شافته صدفه وقابلها بفرحه ونظره جريئه مستحيه , عمرها ما هاتنسي يومها نظرة عنيه , وطلب منها تقعد معاه وجنبه وهي كان نفسها تسمع منه نفس الطلب وساعتها وافقت وفجأه يومها قال كلام ياااااااه وبدأه بسؤال غريب وقال :

وللحديث بقيه

ناهد ســـــــــــمير

رغم كل شئ لسه في بينا أزمة سمع

2009-06-19T17:05:00.000-07:00

يمكن نكون أصحاب وأخوات , في اللي منا قريبين لكن بعاد , وناس بعاد عننا لكنهم أقرب الأقربين للقلب وللعين ..ده غير بقي الخطاب والمتجوزين اللي من بعض مخنوقين , وأم وأب ملهومش دعوه ببعض وزهقانين , وحكومه وشعب فاقدين السمع وسايقين علي بعض اللوع ....

بيمر مجتمعنا المصون , ودولتنا الحبيبه بأزمه يمكن أخطر من أزمة رغيف العيش والسكن وهي " أزمة السمع " رغم إن ربنا سبحانه وتعالي خلقنا بفم واحد وودنين لحكمه بنعمل نفسنا مش عارفنها رغم إنها واضحه وضوح الشمس وهي : إننا لازم نسمع أكتر ما بنتكلم ...نفهم غيرنا , ونحضنه بإبتسامه نستوعبه ونحسسه إنه بجد مش لوحده في عالم مليان أشباه بني أدمين , لكن للأسف الوضع بينا كالأتي :

علي مستوي الأصحاب والأخوات والحبايب واللي غايب

كل واحد في وادي عايش مع نفسه وتسأله ليه بقيت كده ؟ ..يقولك زهقت وقرفت محدش فاهمني ولا حاسسني ولا بيسمعني ولا عنده نيه حتي إنه في يوم يسمعني يبقي من الأخر الواحد يعيش لوحده ومع نفسه أحسن , ولما تسأل اللي حواليه هما ليه مش جمبه ومعاه رغم إنهم محتاجينه وهو كمان في أشد الإحتياج لهم ؟..تلاقي ردهم نفس رده أنه لا فاهمهم ولا حاسسهم ولا بيسمعهم فسابوه ودوروا علي الغريب اللي يعملوا منه حد منهم قريب ..سابوه معنوياً لكنهم معاه مادياً وهو ده المطلوب إثباته .

أما لو أتنين بيحبوا بعض ...

تلاقي الشاب بيقولك أيه ..هي حلوه وطيبه وبحبها وبنت ناس بس مش فاهماني ولا حساني , ده غير إن دماغها بعيد أوي عن دماغي وكمان هي أذكي مني وده مخوفني أنا من الأخر عايز واحده تسمعني إنما دي مش بتسمع غير نفسها وكلام مامتها ..

والبنوته بقي تقولك إيه ..هو كويس وابن ناس وبيحبني لكن مش فاهمني ولا بيسمعني عملي جداً وأنا مش هاروح أترجاه يفهمني ويسمعني أنا عندي كرامه ولازم هو اللي يبدأ , ده غير إنه طول الوقت بيقلل من تفكيري وبسأل نفسي كتير لما هو بيقلل مني ومش بيسمعني طب أختارني ليه ؟ مش عارفه بقي أعمل إيه ؟

بعد الجـــــــــــــــواز ..

بابا : دايماً مشغول , ولما بيروح الشغل بيسمع بلاوي وشكاوي وتهزيق من المدير وبيرجع بقي كاره نفسه والعيشه واللي عايشنها ومش عايز يسمع نص كلمه لأنه شويه وهاينفجر عايز يا إما ينام يا إما يتفرج ع الماتش ....يعني لا بيسمع مراته ولا عايزها تسمعه لأنه بيحس أن كلامها تفاهات , وبعدين عنده البديل أصحابه ع القهوه أو لما يغلب بيكلم السيجاره اللي هي أفضل صديق بالنسبه له , ده غير إن المدام لو فكرت تشتكي أو تحكي تبقي ليله فل وممكن يعمل فيها زي عمو اللي رمي مراته وبنته من بلكونة شقتهم في الدور السابع ..

ماما : مشغوله وتعبانه وقرفانه ورافعه دايماً شعار " انا اللي جيبت ده كله لنفسي أنا اللي استاهل " ..لا منها بتسمع ولادها ولا حتي بتحاول تسمع نفسها دايماً يا في المطبخ يا الحمام , ما بتسمعش جوزها ولا بتسمعه كلمه حلوه , لكن ممكن ترغي في ودانه شويه عن مين عمل إيه وليه ؟ ..أهو تضييع وقت وتعبير عن الفراغ بطريقه غير مباشره مش أكتر ...

وينتهي المشهد بصمت رهيب وأتنين قاعدين قدام التليفزيون هو نايم علي روحه بقاله ساعه من التعب , وهي بتستعيد ذكريات الخطوبه اللي عمرها ما هاترجع وتتنهد بصوت واطي عشان تفضل محافظه علي كرامتها ....غريبه أوي بجد ...إحنا لو فكرنا شويه هانلاقي إن قبل الجواز اللي كان بيربط ماما وبابا شوية مشاعر لكن بعد الجواز المفروض أن الرابط بينهم شرعي وديني ويعتبر أقوي من شوية المشاعر الملهلبه اللي كانت في الأول يعني مفروض يقربوا أكتر لكن بالعكس , وبرغم إن بيجي أطفال هما رابط إنساني قوي جداً ووثاق برئ وطفولي إلا أن ماما وبابا كل ما الرابط بيبقي أقوي كل واحد فيهم بيحس قال إيه ان حريته بتتقيد أكتر , وبالتالي الكلام بيقل والسمع بينعدم ...فكلما زاد الرابط كلما زاد البعد إذن العلاقه بين ماما وبابا طرديه علي طول الخط ..

حكومه وشعب ..

حكومه ملاوعه وسايقه الدلع عرفت إزاي تدرس الشعب من أصوله أباً عن جد فهمته عرفت إزاي تخليه يحس إن له رأي رغم إنها لو بصينا كويس للصوره هانعرف أنها علمته إزاي يضيع حقه ويفقد رأيه ويخبط راسه في اتخن حيط , وهي يا حرام سايقه العبيط ورافعه شعار " هنا الحريه اللي عايز يقول حاجه يقولها لكن يقابلني بقي لو لاقي اللي يسمعه " ...

الشعب ..ضايع , تايه فاقد للهويه بمزاجه , علي طول عامل دماغ ورغم إن الدماغ دي مفروض إنها تعلي من تركيزه إلا إنها بتفقده كله شئ ماعدا التهييس ..بقي بيتكلم بدون فهم أحياناً , بيستغل عن طريق شراذم بشر لهم أهداف غير نبيله بالمره ..عايز علي طول يتكلم وبس لكنه مازال مصر لا يسمع غيره ولا يتقبله ..وزي ما قال واحد من الممثلين في مسرحية ماما أمريكا " باب القلعه مش مقلوب إحنا اللي ماشيين بالشقلوب ولازم نتعدل

للأصحاب والأخوات وكمان الأحباب...لكل أب وكل أم عايشين في بانسيون مفروض أنه للأسره بيت وحضن لكل حكومه وشعب عايشين في كهف مفروض إنه إماره وللمستقبل طريق ودرب ...أفيــــــــــــــقوا......

المشكله أكبر بكتير من كونها مشكلة سمع إحنا للأسف بنمر بأزمة إنسان ...

وإلا مكناش نلاقي مرضي الوحده في زيادة بشعه ومرعبه ..فضلوا الوحده علي البشر كصديق ورفيق للطريق رغم بغضهم لها إلا إنها السبيل الوحيد , ومكنش يبقي في بنات بتترمي في حضن الذئاب البشريه لمجرد بس أن الصياد عرف إزاي يسمع الفريسه ويحتضنها ويحسسها بكل إحتراف بالأمان ...

ليه مش بنسأل نفسنا ليه الواحد مننا ممكن يدور عبر الأسلاك علي أي مجهول عشان يتكلم معاه عن كل شئ يخصه ويحكيله قصة حياته حتي نقاط ضعفه وبعض النقاط اللي ممكن تكون مهينه ....كل ده لمجرد إنه مشتاق للي يسمعه حتي لو كان لا شافه ولا يعرفه رغم إنه سبحان الله جمبه اللي من دمه ولحمه ؟... كل ده لأنه للأسف عايش أزمة سمع ...!!

عايزين كمان كبشر نقضي علي العناصر المريضه وسطنا ..اللي بيسمعونا لأهداف دنيئه ويوهمونا بالحضن الدافي والأمان نقضي علي اللي بيسمعنا عشان يعرف نقط ضعفنا ويبدأ يفهم مداخل شخصيتنا ويبتدي يلعب بدماغنا وكمان يجيب أجوان ....

إحنا بنسمع بعض أو المفروض نسمع بعض مش عشان اهداف مفروض تسمع غيرك عشان تفهمه وتحسه وتشاركه حزنه قبل فرحه حتي ولو بنظرة عين أو أبتسامه أو لمسه رقيقه علي كتفه يحس بها إنه مش لوحده ...لأنه بدوره من غير تفكير لما تبقي في نفس مكانه هايعمل ده معاك بحب وهنا يبقي الود ....

يا بشر حتي الورقه والقلم بيسمعوا بعض وبيحسوا بعض وبيشتاقوا لبعض غيروا منهم وقلدوهم وحاولوا تحلوا أزمة السمع اللي هي أزمة أنسان تاه في عالم فاقد للأمان ....

ناهد سمير

!...أه يا إمرأه..وجدتها الداء بعد أن كانت هي الدوا

2009-06-17T19:42:00.000-07:00

أه يا إمرأة قلت يوماً أني تعلمت علي يداها معني الهوا

وصرتي الداء بعد أن كنتي الدوا ...

وعلمتينني كيف أهوي من فوق الجبال لعالم بلا مأوي

فصرت في حبك وحيداً شريداً بلا وطن

ظننتك بشر ...وفي ضوء القمر سترأفين لحالي وللسهر وتجيبي عن سؤالي

.إلا أن الحجر بظلمك لي قد شعر وسقط المطر وأجاب عن سؤالي ,

وعلمني حينها أنني عشقت إمرأة بلا وطن ...

لا غالِ لديها ولا قلبها للحب قد فطن

لبيك يا قيس

لبيك عنترَ ...

صرتم في الأساطير شعر مخضرم

وصار الحب في أزماننا علي البقاء مجبر

أدعوكي حبيبتي لتتعلمي معني الأنوثه

وعندما تتعلمين تيقني ....

أنه سيأتي اليوم لآروي عن إمرأة تحديت من أجلها نفسي فخسرت !

وعلي أيامي في حبها ندمت !

ولكني كسبت لغة التحدي ...

أه يا إمرأة بعت من أجلها أمر الهوا ...

وحلمت بأنفاسها لتصير دواء فكانت الداء الذي أماتني ..

وأشفق الموت علي حينها ورق لحالي فاللحياة أعادني ....

وبعثت ثانية لآري وجح قبيح ..

وخصر نحيف ...

وإمرأة تتقن في حبها معني الزييف

في عيناها مكر مخيف ...

أتعجب لحالك !!

ولرقة دلالك ...

وأشفق عليكي منكِ

وأخشي ما يدور ببالك !

أرحلي عن عالمي يا أنثي حمقاء

فأنا لم أعد أعشق أشباه الصادقين

أنا الحر الأبي....

لا أعشق سوي الأحرار في عالم زرعتي فيه معني الأنين

كيف للحر أن يعشق رمز الطغاه ؟!

يا من بحبك فقدت طعم الحياه ...

أنتي الأمر المنتهي

أنتي السراب في حلمنا المبتدا ...

فسيري في الأرض تيهاً وأعلمي ...

إنكِ إلي ستشتاقين

وستعلمين ...

بأنني كنت الترياق لألم السنين

وعلي كتفي عرفتي طعم الحنين

ولكني في هواكي ...ذوقت وعرفت معني الأنين

...أه يا إمرأه ................!

نــــــــــاهد ســـــــــمير

أيكاروس في هواه خادم مهندم وذلك أمر مسلم

2009-05-17T12:01:00.000-07:00

وهنا لا يجد أيكاروس سوي الصمت فالحلم الذي ظل يسير وراؤه تحطم في لحظه وشعر وكأنه طفل معلق بين رحم أمه وبين الخروج للحياه يعافر ويعافر فإما أن يموت مختنق بين جدران رحم أمه وإما أن يخرج للحياه ويستنشق عطرها , فتتساقط الدموع بداخله وكأنها نيران تكويه وظل قلبه يخفق بشده وأكمل حديثه معها وقال بين طيات نفسه الأتي ................

أه يا حيرتي ...

أه يا لوعتي...

جئت لأتعلم علي يداها معني الراحه والأمان

فعرفت جيداً طعم الشقاء , أحبها ولا أعلم كيف أحكي , وبماذا أشكي وها أنا ذا وحدي منفطر القلب أبكي

....ودموعي تتساقط بين ضلوعي كالسيل الجارف الذي يطيح بكل أركاني ..

لماذا يا فاتنتي نادتني عيناكي , وقالت أتمناك أيكاروس أحبك

وعندما أحببتك ولبيت النداء بكلمة منك تحطمت كل الأحلام والأماني

ااااااااااااه ليتني لم أكن

...

وهنا يجبر أيكاروس الصوت الصارخ في أحشاءه علي الصمت , وحبس دموعه بين جفنيه وأخذ يتنفس بصعوبه وكأنه علي حافة الموت , وهو ينظر لمحبوبته وهي شريده بعيده , ولغيره تدافع وتمانع وتعاند حتي الوالي وتتنهد إشفاقاً علي ما مر مع معشوقها من حلو الليالي ...

أيكاروس : سأساعدك يا فتاتي

فورتونا : أحقاً يا أيكاروس ما تقول ؟...

وقالت محدثة نفسها : اااااااااه أخيراً يا فورتونا سيعود إليك الحبيب ورفيق الطريق أخيراً ستطمئن يا قلب من حزنه أشفقت عليه الليالي..

وهنا ينبض قلب أيكاروس بشده فكل كلمة منها عمن تهوي تشق صدره وتطعنه في قلبه الذي تعلم معني الهوا علي يداها ...

وكالعاده يصيح بيكاسوس معلناً غضبه علي ما يستمع إليه ثائراً من أجل فارسه المحطم ...ووسط كل ذلك فجأه يستقيظ أحد الأفراد في منزل فورتونا ويضيئ الأنوار في غرفتها ...فيكشف الضؤ أكثر عن جمالها فأضاءت هي بنورها حلكة الليل فهي فتاة في الـ 20 من عمرها ذات شعر طويل سواده أحلك من سواد الليل في أقرص ليالي الشتاء , وعيناها واسعتان ولصوتها ترق العصافير وتنصت لها وكأنها تغني ....

فنظر إليها أيكاروس بأعين العاشق المتيم وقال بين طيات نفسه :

اااااااااااه يا أميرتي ...

ااااااااااه يا حبيبتي ...

اليوم أعشقك

وغداً لغيري مرتقب

العمر كله بجوارك ولم أعرفك

فتاتي ..عن حلمي أبتعد

ومن غدِ أرتعد

طننت أنني الفارس المرتقب

فأكتشفت أنني في مجلس الأحبه

عضوِ منتدب

حب أتمناه يتركني

وبعنياه يؤلمني

وفي هواه عذبني

محبوبتي في عمري القادم

أنا عاشق متيم

و لك خادم مهندم

فذلك في الهوا

أمر بديهي مسلم
...

وأرتبكت فورتونا وأشارت إليه أن يذهب وبالفعل تركها ورحل ولكن قبل أن يستدير بفرسه نظر إليها نظرة تعجبت فورتونا منها ولكن شعرت بها وكأنها علمت دون أن تعلم أنه يهواها ...

سار ممتطياً فرسه إلي أن وصل إلي خلوته ونزل من علي ظهر رفيقه بيكاسوس وجلس بجوار شجرته التي تأويه كل ليله وهو يسند برأسه عليها فتستمع هي بدورها إلي أفكاره دون أن يعلم وتشاطره الحزن والألم وتشعره بذلك عندما تأويه وتظله وتحميه من المخاطر فكل ما يحيط بأيكاروس يهواه لآن قلبه يعرف معني الحياه ...

وظل بيكاسوس مستمعاً لآهات فارسه وبكاؤه وقلبه الذي ينفطر من حب لم ينعم به , وهنا عجز أيكاروس عن مقاومة مشاعره فقال :

أه أحبها.....

وتحملت طيلة السنين غيابها

نعم ألومها

علي ما فعتله بقلبي وعيناي

وتعذيبها لي في بدايتي ومنتهاي

رباااااااااه ماذا يفعل شارد مثلي ؟

لما رأيتها ؟

لما أحببتها ؟

وحيد أنا شريد طريد منذ الصغر

وعند الشباب دق الهوا جدران القلب

فبدلاً من أن يسعدني سرق نبض فلبي

وتركني جثة هامده تتلاعب بها الصقور

ااااااااااااااااااااااااه ليتني لم أكن !!
..

وهنا صاح بيكاسوس في حزن وألم علي فارسه المحطم وكأنه يقول له :

كفااااااااك يا رفيقي ستعلمك الأيام أن ما تفعله لن ترق له الجفون ولن تمسح دموع عيناك سوي يداك فورتونا قد تستحق و قد لا تستحق أنفطار قلبك بين طيات ليل حزين فتمهل ..لا تطلب الموت وأنت من علم حتي الطير معني الحياه
وبكي بيكاسوس بدموع ترسم حزنه علي فارسه وهنا قرر أيكاروس أن يساعدها بالفعل أن تعود لمعشوقها السجين وبينما يدبر الأمر في عقله خطرت له تلك الفكره ........

وللحديث بقيه ...

نـــــــــاهد سمير

أيكاروس.. فارس لا يعرف معني الحياه

2009-05-17T11:50:00.000-07:00

سوق البلده ممتلئ بالصخب وأهل القريه من بائع لبائع يبتاعون إحتياجاتهم , وهنا من يسرق غيره, و أيضاً من تواعد المحبوب لتلقيه بنظره تقول له بها " أه أشتاقت إليك " ليقول هو لها في همس " أتراني احلم ؟ " أطفال يلعبون وكثيراً ما يقومون بالمقالب المضحكه ...وحرس الوالي يراقبون الجميع من بعيد فإن كان هناك من يخطئ فالسياف يصيح كل يوم تنفيذاً لرغبة الوالي " هل مزيد " ..

وفجأه يصيح " بيكاسوس " معلناً قدوم صديقه أيكاروس ...الفارس الهمام الذي يقدره الجميع , في عيناه يسكن معني الحريه وملامحه علي جانبيها حزن دفين وذكري لم يعد يتحملها , ولكنه يحملها أينما ذهب ..طفل كبير بقلبه وحكيم في عقله ...يبحث عن شئ ما لا يعرف هويته ولكنه يستميت في سبيل الوصول إليه ..

وها هو أيكاروس يلقي التحيه علي بائعي السوق ..مرحبا يا رجال وسع الله رزقكم اليوم ...البائعين : أدعوا لنا أيكاروس فأنت رمز الحرية في بلادنا أيكاروس : أدعو لكم من كل قلبي فأدعوا لي ان أستريح من حيرتي

وهنا يتركهم ويكمل سيره في سوق المدينه وكأنه بالفعل جاء ليبحث عن شئ يجهله وظل يسير باحثاً عن هذا الشئ الذي يعلم جيداً انه سيجده وحينها ستبدأ الحياه.. الجميع ينظر إليه وهو يسير في شموخ ...فهو يسير بخطوات تعلمك معني الحكمه بفرس له سواد الليل عيناه تقول الكثير, يعطيك دروس في الشموخ والكرامة حين يرفع هامته لأعلي ويصيح منبهاً فارسه وكأنه يقول له : " ها قد حان وقت الرحيل " ...

وفجأه يري أيكاروس طفل صغير يبكي بشده يسير وراء أمه ممسكأ بأطراف جلبابها , فنظر إليه أيكاروس وتذكر ما كان في الأيام الماضيه ..فقد كان أيكاروس طفل عنيد منذ نعومة أظافره متمرد علي كل شئ سيئ راغب في الحياه ..لم ينعم بشئ منذ الصغر ورغم ذلك لم يفقد الأمل , وحده طوال الوقت ولكنه مسمتع فيكفيه فرسه بيكاسوس الذي كبر معه يوم بعد يوم ..دموعه في ليالي كثيره حفرت علي الصخور قصص لا تعد ولا تحصي لا يعلمها سواه ...وهنا ينزل بشموخ من علي فرسه ويجلس علي قدميه ليقترب من الطفل بود وحنان أستغربه الطفل ذاته , فمسح دموع الطفل وأعطاه قطعة حلوي وقال له في حزم مغلف بحكمه :

" لا تبكي يا صغيري ..فقط ابتسم فغداً أفضل ويكفيك انك بجوار الوطن فأمك هي الوطن فأنعم به فمن سواك لا يعرف اين تكون أرض وطنه , ورغم ذلك يبتسم فما بالك بك أنت ..هيا أبتسم ....وينظر إليه أيكاروس وكأنه ينظر لنفسه في المرأه ليري ماضيه ها هو هنا يقف أمامه واقع محير يسعده ويبكيه في الوقت ذاته ...وبينما يحاول أن يمتطي فرسه ليكمل سيره في سوق البلده ..

اه أعذرني يا هذا

تلك هي الجمله التي قالتها الفتاه صاحبة العينان الساحرتان ..." فورتونا " عندما أصطدمت بكتفي أيكاروس , وما ان رأي عيناها إلا وقع في حبها وقال بين طيات نفسه : " ها قد وجدت ما كنت أبحث عنه " ...فألقته بنظره محيره ما زال لا يعرف معناها إلي الأن , وأكملت سيرها فتاهت منه وسط زحام السوق , فظل يبحث عنها ولم يجدها ومن بعدها أخذ يجول البلده كل يوم باحثاً عنها , وعند نهاية اليوم يجلس في مكانه المعتاد عند أخر البلده وحيد شريد لا يذكر سوي نظرة عيناها ...

وهنا يقترب من فرسه بحنان معتاد وينظر لعيناه ويحدثه

اه أحببتها يا خليلي لا أعلم متي ولا أين أجدها ولكني أعشقها فها قد علمت أخيراً ما كنت أبحث عنه ها قد وجت مؤنسي في وحدتي ظللت العمر بأكمله أبحث عنها وها قد وجدتها بجواري دون ان أدري .., وسأظل أبحث عنها حتي وأن أضطررت ان أموت لأجلها

فيصيح بيكاسوس في غضب وينظر إلي رفيقه بإشفاق بلغ ذراه ودمعت عيناه خوفاً علي أيكاروس وكأنه بالفعل كان يعلم ما تخفيه الأيام ..
وكالمعتاد في كل صباح يسير أيكاروس في البلده بحثاً عن محبوبته " فورتونا " , وبالفعل وجدها تبتاع من السوق فسار وراءها حتي علم بمكان منزلها , وذهب إليها ليلاً وأسقل شرفتها نادي : هل لي أن اتحدث إليكي يا فاتنتي ؟

وخرجت من الشرفه فتاه يختفي القمر خجلاً من جمالها الفاتنقالت : من انت يا هذا ؟أيكاروس : فارس يرغب في مساعدتك لمحت في عيناكي منذ رأيتك نظره محيره وحزن كبير وأصابتني سهام عيناكي فهل لي أن أساعدك ؟

قالت :وهي تتنهد اااااااااااه يا أيكاروس فقد وقعت في بحور الهوا ومحبوبي حبيس في سجون الوالي ..كل يوم أطلب الموت ولكني أخاف عليه فهكذا أقتله مرتين مره وهو بعيداً عني في سجن الوالي ومره أخري بموتي فقد أرتضي بالسجن من أجلي ...فالوالي يهواني وانا لا أتمني سوي محبوبي ...وفجأه تبكي " فورتونا "

وللحديث بقيه مع أيكاروس

نــــــــــاهد سمير

لا هـــذا أنساه ولا ذاك ينســــــاني

2009-04-25T04:38:00.000-07:00

وجدتها تكرر السؤال ...ماذا أفعل يا رفيقتي ؟ ... بالله عليكي أفيديني فهذا أحبه وذاك يهواني , وأنا لا أعلم معني الأيام منذ تمكن مني الهوا والغرام....إذن فقُصي عليا الأمر يا عزيزتي علنا نجد الحل ...

هذا أتمناه ...

وذاك يتمناني ...

هذا أهواه ...

وذاك بهواه في البحر ألقاني ...

عيناه تؤلمني

ودموعه تُسكتني

وذاك يُتعبني وناداني :

لبيك حبيبتي طوال عمري أحلم برضاكي

وبين هذا وذاك

أشعر بالهلاك

وعالم الأمتلاك

أمتلاك الألم , وشعور الندم

حبيبي ...

أسمع كلماته , وأري عيوبه قبل مميزاته

ورغم ذلك لا أري سواه

أعلم أن شعوري بلغ منتهاه

وأن معه سأملك الحياه

ولكن ماذا عنه ؟

وهنا يسود الصمت

, وأعرف معني الموت

ومن جديد يؤلمني السؤال :

ماذا عنه ؟

فلا أجد الجواب !!

ولكن

....بجواره أحلم..

.بجواره أبكي وأتعلم

..أقص عليه وأروي ولعينيه أحكي

ما لم أفصح عنه طوال عمري ...

والأخر ...يقترب ويقترب

ومنه أرتعد...

وعنه أبتعد...

ولنظرته أرتقب...

يحلم بالبيت

وبأسره للمستقبل تقول : ها قد أتيت وأنا لحبه أبيت

أتراني احلم ؟!

أتراني أهوي ؟!

أم لم أعد أعلم ؟!

فأنا أكذب ولا أتجمل ...

تمر الأيام وأقول لنفسي : ها قد نسيت

ولكن يوم بعد يوم أستيقظ علي واقع حبي له

فأجد نفسي قد بكيت

علي حب بجواري ولكنه..بعيد عنيد

حب في دنيانا يحارب من أجل حلمه ويستميت

أه من قلب أهواه

وقلب أخر يهواني

وأنا بينهما أتوه في عالم الأماني

لاهذا أنساه

ولا ذاك ينساني .....

نـــــــــاهد ســــــــمير

!!! علامة إستفهام تتعجب

2009-03-26T07:17:00.000-07:00

أيام تهدي , وأيام تعدي

وقلبي في حبي عمال بيحبي

وفي لحظة تحدي كسرت عهدي وقولت لنفسي :

أيوه بحبك

رغم إنك ..الهجر طبعك

قسوه وطيبه ماليه ملامحك

لكن بحبك ....

بفكر كتير أنا ليه في عشقك يا دوب أسير ؟

لاقيت سؤالي عمال بيكبر لافي إجابه ولا في أرتياح

عالم براح أنا فيه بعيش

وياك صحيح لكني بحلم بعنيك تقولي

قرب يا حلم عالي وبعيد يااااااااه يا عمري ده أنا في انتظارك من سنين

مين غيرك حنين ؟

مين غيرك أنت لدموعه أرضي أكون أسير ؟

مين غيرك معاه حلوه الحياه ؟

م الدنيا دي بتمني بس :

لمسة إيديك , و ضحكة عنيك

في همي تواسيني يا مالك سنيني وعمري اللي جاي

عرفتك في فرحك ضميتك في جرحك

وبصراحتك قاتلني رغم الحنين

نفسي أصارحك , بعيوني أقولك :

إنك تحدي وسط الحياه

عاقل صحيح و يادوب جواك جنون

لحبيب حنون لكن جريح

قلبك يا عيني ما عرفه حد إلافي يوم

أداله خد يطبع عليه كلمه رقيقه

وبعيون بريئه ساكت وقابل

قاسي وقابل ما في يوم هقابل حبيبي زيك مهما مرت بيا السنين

عايز أشوفك

أسمع سكونك

عايز أحبك

ما أنت اللي قالوا حبيبي عنك :

جواك برئ

جواك حزين

بحبك لأنك كنزي الدفين

اللي لاقيته وسط الحياه

وده منتهاه إني معاك يا عمري الأكيد

نـــــــــاهد سمير

البورصه ترفع شعار ..بيكيا بيكيا

2009-03-07T03:29:00.000-08:00

الجمعه ...يوم جميل عيد في السما و الأرض , الساعه 9 الصبح تنزل من بيتك عشان معادك في البورصه 10 رغم إنك متأكد إن صاحبك هايتأخر بس أنت بتحب تنزل دايماً في معادك ...تركب " الميكروباظ " زي ما بيقولوا عليه الناس كشكل من أشكال السخريه قالي يعني هو ده بس اللي باظ .., وكالعاده بتقعد في مكانك في الكنبه اللي ورا جنب الشباك لأن انفاسك بتروح وبتدوخ وحاجات كتير كده غريبه , وكمان لآنك بتنزل في الأخر خالص ومش عايز حد يتلزق فيك وإشي لمسه وهمسه من اللي بيستغلها الناس كتير في الميكروباظ وبالذات الرجاله الكبيره .

تشرد بعنيك لبعيد وانت بتبص من الشباك علي الزرع ولونه الأخضر الفاتح اللي بيهديك دايماً وهنا ينط في دماغك السؤال اللي بيلح عليك بقاله كذا يوم ..ياتري فعلاً بكره هاتروق وتحلي ؟ وفجأه يسود الصمت ويسرح خيالك بس يعكر صفو الموقف واحده قاعده قدامك رغايه جداً يااااااه تخليك تقرر إنك لما تنزل من العربيه تسجد لربنا أنه خلصك منها , ومن رغيها .

وأنت في طالعه الكوبري كده قبل مسرح البالون بشويه عند المكان اللي بيقعد فيه الفراشين اللي لابسين يوني فورم واحد دول تبص ماتلاقيهومش فتقول لنفسك عادي يمكن قافلين أصل انهارده الجمعه , لكن تستغرب لما تلاقي غيرهم ...3 أطفال من أطفال الشوارع ..سنهم صغير صحيح بس بالخبره واللف والدوران في الشوارع أكيد عداد عمرهم اتغير كانوا ماسكين اكياس كده وكان شكلهم والله اعلم بيشموا كوله أو الكوله هي اللي بتشمهم الله اعلم لكن الجديد في الموضوع إنك كنت تسمع إن شم الكوله بيبقي تحت الكوبري مش علني وفوق الكوبري ويوم جمعه .

نقرب بقي من الكورنيش حبيب الملايين ما شاء الله الحبيبه بيقولوا يا فتاح يا عليم انهارده هانحب في مين ؟ ..حب من الساعه 9 الصبح ليه وعشان إيه ؟ ..بس سيبك انت الكورنيش مكنش عليه ناس كتير وكان نضيف أوي حقيقي جميله يا مصر .

حمداً لله نزلت من الميكروباظ تمشي شويه في ميدان التحرير وتعدي الإشاره كالعاده وأنت كاسرها وبتطلع لسانك للعربيات وفجأه تقول لنفسك : الله هو مش أنهارده الجمعه أمال الفرانسيسكان فاتحه ليه ؟ لالا بس دي شكلها رحله ..وتبص علي أهالي التلامذه وع التلامذه نفسهم تحس إن معاك شهادة محو أميه مش بكالريوس ومن كليه محترمه كمان ...وفجأه تصدر فرمان رقم 1 في حياتك المستقبليه... " ولادي لازم يدخلوا الفرانسيسكان " , وهنا يقي نقطه ومن أول السطر .

تمشي شويه لقدام توصل كده عند جروبي تلاقي كاميرات تصوير , وناس واقفه ..الله ده يا إما إعلان يا إما فيلم , وتقول لنفسك وانت بتبتسم أبتسامه خفيفه مش عايز حد يشوفها ولا يحسها غيرك " اليوم أنهارده شكله هايبقي عالمي " .فجأه موسيقي عسكريه تشتغل تتخض أوي وتقول يمكن كل دي أوهام أو أضغاص أحلام عادي عادي كمل طريقك ..لكن الموسيقي بتزيد تبص وراك تلاقي الشارع اللي جمب جروبي متقفل وعساكر وناس بتتفرج مصريين علي أجانب تروح تتفرج عادي بقي ما هو اللي ما يشتري يتفرج ...تلاقي حاجه كده زي ماراثون وناس واقفه وعساكر , وفرقه بتعزف بس أنت مش شايف أوي تقرب أكتر وأكتر وتسأل الأخ اللي واقف جنبك وتقوله : هو في إيه ؟ يرد بكل ذوق ويقولك ده سباق عربيات .. تبص علي العربيات اللي في السبق تلاقي عليها شعار " أكتشف مصر " ... تحس ساعتها فعلاً إن أنت اللي بتكتشف مصر اللي مكنتش تعرفها , محدش عارف إيه معني السباق وليه ؟ وفين ؟ وإزاي ؟ ..والفضول جواك بيزيد تسأل واحد من العساكر اللي واقفين هو فيه إيه لو سمحت ؟ يقولك وهو بيبتسم : سباق عربيات ومنه فسحه يعني حاجه ترفيهيه كده هايطلعوا من هنا ع المعادي والدائري ومنها لشرم يقعدوا أسبوع ويرجعوا , وطبعاً حضرتك مسخسخ من جواك لأنك مش فاهم حاجه ولا حد من اللي حواليك فاهم حاجه وتقول من جواك للعسكري " يسهلوا ياعم " صحيح فعلا صدق اللي قال أكتشف مصر .

البورصه انهارده باينه من أولها وشكلها محضرالنا مفاجاَت كتير ...الساعه بقيت 10.30 والبورصه لسه قافله ليه ؟ تستغرب أوي وتزعل لأنك كنت عايز تقعد وتقرأ علي ما صاحبك يجي , بس لا مفر أرتضيت بالواقع وقررت تستني البورصه تفتح قعدت ع الأرض لآول مره ما هو الجيش قالك إيه اتصرف ..حطيت الكتاب ع الأرض وقعدت بتتفرج علي الشارع بطوله وعرضه , وأصوات الناس والعمال اللي بتملي فراغ المكان , والجو أنت مش عارف برد ولا حر لكن هوا وتراب مصر كله بقي جوه عنيك , بس إيه يعني دي مصر برضو وترابها زعفران .السعي للرزق بيبان في البورصه أوي ...الراجل اللي بيمسح الجزم , الفراشين وغيرهم كتير لسه المصري الأصيل سواء صعيدي أو فلاح ساكن للقاهره بيصرخ بالعويل مش بصوته لكن عنيه بتتكلم , لابس الجلابيه البيضا والعمه , شغال بواب أو فراش وغيره من المهن تلاقيه جاي عليك من بعيد ..شايل علي كتفه قفص العيش وماسك في أيده كيس الفول السخن , وقرطاس الطعميه اللي ريحتها تسحر لجل ما يبقي عيش وملح وتبقي لقمه علي مافسم , و نبدأ اليوم بالصلاة علي النبي .

بيكيا بيكيا ...أي حاجه قديمه للبيع ...عقول قديمه للبيع , كتب مركونه ما بتتقريش للبيع ,حريه عفي عليها الزمن للبيع ...بس المره دي بياع الروبابيكيا شاب علي غير ما أتعودنا من زمان إنه بيكون راجل لابس جلابيه ومعاه عربيه كارو جاررها حمار غلبان وهمه في عنيه بيبان , معاه مايكروفون قديم وبينده به شمال ويمين ..بيكيا بيكيا .

شاب عمال يروح ويجي قدام بنت قال إيه بيلفت نظرها عمال يتكلم في الموبايل وهو أكيد أكيد بيكلم حبيبته أو خطيبته بس هي مجرد طفاسه مش أكتر , وفجأه طاااااااخ بوووم بوم ...جزء من سطح مبني قدام البورصه الحقيقيه " بورصة الأوراق الماليه " بينهار تجري تشوف في إيه بس الحمد لله كله تمام وراجل عمال يزعق ورا كله ورا بس كله تمام الحمد لله بس طبعاً ركب سعادتك بترقص .

كل ده وانت مستني صاحبك اللي لسه مجاش ودايماً بيتأخر كالعاده وبيجي بعد معاده بساعه وشويه , وعلي طول بيتوه عن البورصه رغم أنه ادمنها ....

أما مني اللي بتتحدي الملل واللي محدش يعرف ياخد معاها لا حق ولا باطل , والقهوه اللي سيكو سيكو من تحت لتحت , والبنات والطاوله , وكورسات إزاي تعاكس واحده ست , مهرجان الليله الكبيره , وتصوير الفيلم والإعلان وتلاحم كل فئات الشعب فيه .. ولا الراجل اللي كان بيلم حتت العش من الأرض وهو علي وشه كل شوارع مصر , ومهند ونور لما عدوا من قدامك وانت قاعد ..والشواذ وعقلك اللي هايجيب جاز ..كل ده هاتعرفه المره الجايه وللحديث بقيه

Cut

ناهد سمير

الإحـــــــتياج

2009-03-04T21:58:00.000-08:00

تجلس أحياناً في غرفتك المليئه بالأوراق التي لم تعد تحصيها , وكتب لم تقرأ الكثير منها ولكنك تعيها ..تلملم أفكارك علي وعسي يخط قلمك كلمات تعمر بها الأرض وتبنيها ...ولكن في ظل كل ذلك مازال هناك ما ترغب في الحديث عنه ..يغمرك أشتياق لحلو الكلام وعالم العشق والغرام , لمملكة الأحلام ودفئ الأحضان .

وفجأه تقف امام المراَه لتجد وجهاً تستغربه وتنظر إليه وهو أيضاً يمعن النظر إليك وكأنه لأول مره يراك .., وتدقق النظر أكثر وبعد لحظات تنطق شفتاك بعبارة واحده

" أه إنه انت يا ملاك "

وتبتسم وتشير إليه وتقول : أه إنه أنا أقف هناك أه منك يا انا كثيراً ما كنت اترجاك , وها انا ذا صدفة ألقاك , ويسود الصمت وتنطفئ الأنوار فلا تري عيناك سوي ظلام ترسم فيه بأفكارك خطوط من نور تضئ لك كل ما هو أتِ .

تبتسم ولكنها ابتسامه منقوصه ..

تشتاق لكونك إنسان يطلق لخياله العنان

لكونك طفل بين احضان أمه ينام

لكونك عاشق يستنشق غرامه في أنسجام

لكونك فنان يعزف علي أوتاره حلو الكلام

لكونك لوحة جميله ابتكرتها ريشة فنان

ثم تفكر في كل تلك المعاني وتترجمها في كلمة واحده

" الإحتياج "

أه من الإحتياج شعور قاتل لا يعيه إلا من تذوقه , فهو الأه التي تخرج من قلب لا يعي الكلام هو الأنفصام , والأنفصال عن عالم ينقصه بعض الجمال لا نطالب بالكمال ..بل نطالب بالإعتدال فهل تري ما نطلبه سهل المنال أم إنه من المحال ؟؟

نـــــــاهد سمير

مشهد رقم 1 كلاكيت أول مره

2009-02-22T19:15:00.000-08:00

بينما تعلو أمواج البحر وكأنه يصرخ من أعماقه بصوت رغم قوته إلا أنه مغلف بحنان هي وحدها التي تشعر به , ويترنم البحر بكلمات هي قادرة علي ترجمتها لمعاني تسعدها وتعيد لها براءتها من جديد

كانت تنظر له بأشتياق ولهفه لم تشعر بها من قبل , وهو أيضاً كان يناديها بأمواجه ويحتضنها بهدؤه ..علي الجانب الأخر كان رفيقها يحاول إسعادها , وكانت في عيناه الحيره ولكن الأبتسامه لم تفارق وجهه قط ...مع أرتفاع الموج تصرخ كالطفله وتقول : " بص بص الله علي البحر ..بص شوف الموجه دي " ..كان رده مختصر ولكنه مفيد ومعبر فكلاً منهما صديق للبحر ولكن لكلاً منهما تفسير مختلف لأمواجه .

وعندما وصلت للبحر , وأصبحت تقف أمامه وجهاً لوجه في مقابله كانت تتمناها منذ وقت طويل وكأنها تحلم بمقابلة عشيقها ..تركت لخيالها العنان بجواره , وقالت في صمت كل ما تكنه بداخلها ...كان الرفيق بجوارها تشعر به ولكن البحر يمتلكها ويغمرها بعشقه وحنانه ..رفيقها لم يسمع صمتها ورغم ذلك كان هذا يسعدها كثيراً لأنها تعشق كونها غامضه لا يفهمها ســـــواه

" البحر "

بجوارهما رجلاً في الأربعين من العمر ... يقف ناظراً للبحر في شموخ , أحد قديمه علي الأرض والأخري مرفوعة علي الصخر ..يحمل هاتفهه المحمول الذي يخرج من بين ملفاته ألحان وأغاني متنوعه ولكنها تشترك في بعض المعاني اَلا وهي : معني الذكري , التحدي والقوه كان ينظر للبحر في ثورته وأرتفاع أمواجه المتزايد وكأنه يقول :

" يلا مستني ردك مش قادر اتحمل الذكري رغم أني عايش فيها وبها , لكن إيه الفايده ؟.بحبك في صمتك العالي ..محدش سامعني غيرك قولي أعمل إيه ؟ أستمر في اللي أنا فيه ولا أرجع ؟ "كان قوياً للغايه وظل ينصت للبحر الذي لم يخذل أحداً قط .

وعلي الجانب الأخر كان هناك شاب في أواخر العشرينات جلس علي صخره أمام البحر مباشرة ..الصمت كان يحيط به من كل جانب وكأنه وحده بالفعل ..جلس ورفع أحد قدميه ووضع يداه عليها , وجلس يحدث البحر بعنياه وكأنه فنان يرسم العمر القادم بين أمواج البحر يسمع حركات أصدافه وحديث أسماكه . و.كأن البحر ملهمه .

وفجأه زادت صرخات البحر وأرتفعت أمواجه ..كان يرد علي كل من يناديه كلاً حسب مطلبه , ..كان يتنفس عندما تعلوا أمواجه حينها تشعر بشهيقه وزفيره وكأن بين ضلعيه قلب ينبض بالفعل ..تعلو أمواجه لتغمر الصخور وتحتضنها ..وتزداد أنفاسه في الظهور كلما أرتفع موجه لا يراها سوي من سمح له هو بذلك كلاً حسب مكانته في قلبه

عندما تفسر معاني كلماته تشعر بالكثير حينها : اللوم والعتاب والثوره والكبرياء والغموض والفرح والهجر والغضب تأتي الأمواج لتلك الصخور في أشتياق لا يوصف تغمرها وكأنها تعاني من غربة سلبتها كل ما هو جميل .

وبينما الوضع في قمته تأتي بجوار الفتاه ورفيقها عائله نوبيه من بينهم طفلة صغيره لاتتعدي الـ 3 سنوات أبويها يبتسمان ويلتقطان العديد والعديد من الصور , ولكن عيناها لم يكن فيهما سوي الخوف الذي لا يضاهيه شئ وظل السؤال في عيناها وهي تنظر للبحر :

ما هذا الكائن الثائر ؟ أينعم أخشاه ولكني أجهله وأرغب في أختراقه لأتعرف علي هويته ولما هو غاضب هكذا ..لذا رغم خوفي سأظل أنظر إليه

كان سمارها لؤلؤة تلمع وسط الأمواج ..ترتجف رعباً ولكنها مصره علي النظر إليه فهو يجذبها ويأسرها كما أسر كل من حولها.. تنظر وتنظر , والخوف يعلو وأمواج البحر ترتفع , والطفله تمسك وبشده في ذراع والدها تبهرك عيناها حقاً عندما تراها تتحدث في صمت لا يقهر .

وتظل الفتاه العاشقه تحدث البحر في حوار طال في صمت رهيب قالت الكثير والكثير مما لديها دون أن تتوقف لحظه عن الحديث , وبدوره قام البحر بسماعها واجاب بعض سؤالها ولكنه فجأه طلب منها الرحيل فقررت هي ورفيقها القيام بشئ يضيع الوقت ثم تعود مره أخري لتكمل حديثها معه ...قال الرفيق :

نعم إنها السينما

وبالفعل ذهبا معاً وعندما دخلا صالة العرض وجلسا معاً حدثت المفاجأه

cut

وللحديث بقيه

نـــــــاهد سمير

هل علاقة زويل بمصر بقيت عاطفيه مش أكتر

2009-02-08T10:23:00.000-08:00

في محراب العلم يصبح للعالم مذاق مختلف حيث تظهر الحقيقه عاريه أمام أعيننا , وعندما يكون المتحدث هو أحمد زويل فلا يسعك سوي أن تستمع لما يقول ثم تنتقل من مرحلة الأستماع إلي مرحلة الإنصات وبعمق ..فهو العالم المصري الذي أخذ علي عاتقه إكتشاف كل ما هو جديد في مجال الفيزياء , والكيمياء , وحالياً الطب ..فهو يستيقظ كل يوم ليكتشف المزيد والمزيد مع كل فجر جديد .

بالفعل لن تستوعب من كلماته الكثير نظراً لعمق خبرته في مجاله ولكنه صاحب العلم الغزير الذي يجبرك علي الأستمتاع بكل حركة منه , وأن تراقب كل نظره من عينيه إلي أين تذهب ؟

كان حواره مع مني الشاذلي المذيعه في برنامج " العاشره مساءاً " حوار ممتع للغايه وكان يتمايل بين الحديث عن العلم والسياسه بدون دبلوماسيه مبتذله , ولكن من الملاحظ في حديث زويل أنه يربط كلمة " نحن " بالولايات المتحده الأمريكيه وليس بمصر ...وكان يقول في معظم حديثه الأتي : عندنا في أمريكا ...فهل هذا يعد إنتماء لمن قدر علمه ؟؟

حتي أن المذيعه نفسها لاحظت ذلك وطرحت عليه السؤال الهام ألا وهو :
هل علاقتك بمصر اصبحت عاطفيه فقط ؟؟...وكانت إجابته بـ لا , وأن بداخله جينات لن يهدمها شئ , ولكن ما شعرنا به في الحوار لم يحملنا للتصديق وهذا ليس تشكيك في مصريته , ولكن كلماته كانت عفويه وتحمل مشاعر التقدير والإنتماء لمن قدر علمه .

وعندما أنتقل الحوار للحديث عن إختفاء الحماس الذي ظهر بعد حصوله علي جائزة نوبل كانت إجابته أيضاً بـ لا وأنه ما زال يعمل ولكن السؤال المقصود كان متعلق بمشروعاته في مصر التي تحدث عنها من قبل ..ستشعر حينها بالدبلوماسيه التي توضح مدي عجز بلادنا عن تنمية العلم فيها ..ورده علي من يقولون أنه ترك أبحاثه واصبح يقابل الملوك والرؤساء أن هذا كلام لا يرد عليه وأن من كتبه فشل في البحث عن أبحاثه التي تنشر دائماً وعن براءات اختراعاته ..أو أنه يكتب اسم زويل بشكل خاطئ عند البحث .

وقفز السؤال إلي ماهو أهم ..هل الشعب المصري لديه إهتمام بالعلم ويمكنه إقامة نهضه علميه ؟...فأجاب زويل : أن الشعب المصري لابد وأن يشعر في داخله إننا في أشد الحاجه لقفزه علميه , وأن إقامة مركز علمي لنهضة مصر هو أمر ضروري .

أما عن التبرعات من الدول العربيه لإقامة مثل هذا المركز العلمي فإجابته كانت وافيه ...قال إن مصر عند إقامتها لمثل هذا المشروع العلمي يجب ان يكون من أموالها لآن اعتمادها علي التربعات فهو نوع من أنواع " الشحاته " ..وهو أمر غير مقبول والعمل بغير ذلك لن يؤدي في يوم إلي نهضه .

وعندما ذكرت المذيعه أمراً هاماً كان يوافقها الرأي فقد قالت :

إن المواطن المصري ليس علي أستعداد أن يدفع أي شئ يتضمنه الروتين الحكومي لذا لابد ان يكون هذا المشروع إستثماري من الدرجه الأولي ...وبالفعل فهو كلام صحيح فمازلنا نعاني من الروتين في حياتنا حتي صار عرف للحياه ...وهذا ما أكده زويل حين قال : " لو عايز تبوظ حاجه أديها للجان " .

وذكر أنه عند مقابلته للوزراء والمسئولين يرددون دائماً أنهم يواجهون الصعاب لحل المشكلات , وهذا ليس بأمر جديد فكلاً منا في بلادنا يشكوا الأخر , وننتظر الحل من الخارج وليس من الداخل ولا يسعنا إلا أن نقول لنا الله .

ولكن يبقي السؤال
هل علاقة مصر بزويل علاقة إحتياج ؟
وهل علاقة زويل بمصر عاطفيه فقط لا غير ؟

نـــــــــاهد سمير

شعري منعكش

2009-02-02T03:53:00.000-08:00

قولت أنا هاكل لقمة عيش

قالوا يا أبويا دي لحظة طيش

فتحت الشيش لجل في يوم يدوني بقشيش

نزلوا عليا يادوب تلطيش

وأهو كله مـــــــــــــــــــــــــفيش

وأنا برضوا بـــــــــــــــــــــــــعيش

كلام بالهمس , عنين بتبص

وأنت يا عيني.. فاكرها الشمس

وهي لاهيب النــــــــــــــــــــار وجحيم

ماشي غشيم, وأنت كفيف العين والقلب

واخـــــــــــــــــد جنب عايش ذنب

لاهو بتاعك ولا راسمالك

تمر أيام , وتمر سنين

يا ما بكره نشوف.. يا ما بكره نعيش

ده كــــــــــــــــــــــــــــلام تهويش

لأنك قولت : أنا هاكل يوم لقمة عيش

إلـــــــــحق يا شاويش

ده حـــــــــــاميها حراميها

قـــــــــــــالك ده ماليها

وهـــــــــــــــــو مفضيها

عــــــــــــــارف أراضيها

فـــــــــــــــاهم أهاليها

بالعين والحاجب أهو مقضيها

وفي لحظة طيش وأنا ع الكورنيش

فاهم ومطنش وقميصي مكرمش

محتاج لحرنكش لقلبي يفرفش

ده أنا شعري منعكش , وبرضوا هاعيش

رغم التلطيش, والكوسه والعيش

وأهو بكره تروح يازمن غلبان

فاكر يا زمان ..كنت زمان بتقول : يا عيال

مالكم قومه ولا فيكو رجال

وأدينا اهو ...عايشين في جمال

شايلين أحمال واخدينها شمال

يــــــــــــــــا زمن رحال

دي دنيا تغيظ

وأنا فيها بعيش وبقول : يا حفيظ

من شعب خبيث غرقان تدليس

وانـــــــــــــا فيها عريس

واقف في الزفه ..سرحال بخيالي

ونجومها تلالي ..عاشق ترحالي

وأنـــــــــــا برضوا عريس

شوفت وإيه يعني

ما في يوم يمنعني جبروت العبد

ده انا سيفي في يد صلاح الدين

واقف ومطنش , وقميصي مكرمش

وأهو شعري منعكش في ميدان عابدين

وفي وسط الزفه أهو كله يهيص

وأنا برضوا عريس

نــــــــاهد سمير

الرأس أم الرقص ؟؟

2009-01-24T07:48:00.000-08:00

سؤال يطرح نفسه بنفسه ياتري إحنا في بلد الرأس أم الرقص ؟؟......

السؤال ده من السهل جداً إنك تجاوب عليه عارف ليه ؟...لأن الأدله واضحه جداً مش محتاجه كلام واللي ما بيشوفش من الغربال يبقي إيه ؟؟....الكلام ده مش معناه إننا متشائمين أو بنسؤ سمعة مصر زي ما اتهمونا كتير , وأن الدنيا سودا ومفيهاش ولا نقطه بيضا لالالا ...ده إحنا مصريين زي بعض ونفهم بعض كويس بلدنا فيها حاجات كتير حلوه بس الوحش فيها غطي علي الحلو , ولأننا عايزين نرتقي بها فلازم ننقدها لأن الدول اللي عايزه تتقدم هي اللي بتشوف عيوبها قبل مميزاتها .

علشان كده خالينا نفضفض سوا عن بلدنا اللي بنعشق ترابها , وده مش مجرد كلام أفلام ولا شعارات كدابه لا إحنا بنعشقها بجد , ولو مش مصدق أفتكر يوم حسيت فيه بينك وبين نفسك إنها بلدك لوحدك وإنك خايف عليها أوي .

المهم نرجع للسؤال ..ياتري إحنا بلد الرأس ولا الرقص والشخلعه ..في ناس كتير شايفه إن إحنا بلد دايماً بتهز وسطها , وبتحب ثلاثية سهير البابلي الشهيره في مسرحية " العالمه باشا " اللي هي :

" القاصعه , النازله و الرعشه " ...وبنحفظها ظهراً عن قلب يعني من الأخر بلدنا هزازه رعاشه من كل حته ...طب شوف معايا كده

بداية من التليفزيون , الراديو والجرايد والإعلام كله بكل وسائله ..كله بيهز تفتح التليفزيون تلاقي مفيش غير ستات كتير وماسوره انفجرت في الأغاني والإعلانات كله بيرقص وشغال علي ودنه ...

حلقه هاله شو مع سعد الصغير ودينا الرقاصه عن فيلم عليا الطرب بالتلاته أتفرج عليها وادعيلي الهز فيها علي ودنه , والحلقه بتاعة فيلم ماتيجي نرقص مع إيناس الدغيدي من نفس البرنامج يسرا وأيمي كانوا عاملين شغل الله ينور بجد .

أما بقي حلقة فيفي عبده سواء هز أو كلام يخليك تهز وانت قاعد في بيتك ..إيه ده انت لسه ماهزتش يلا معايا واحد أتنين تلاته...بلدنا هنا بتهتم بالرقاصه أوي وترفع من شأنها وكأنها بيكاسو الواحد مش بيقطع علي خلق الله كل واحد وله سبوبته ولكن ميبقاش الإعلام اللي بنتفرج عليه وبكره ولادنا يتفرجوا عليه يبقي عباره عن شقة دعاره متنقله و بعد كده نرجع نقول إننا بنحارب الإسفاف والإبتذال وبنحافظ علي حرمة المشاهد سلامات يا مشاهد ..ياعم قول يا باسط ده ناقص يقلعوا ملط ده إذا مكنوش قلعوا أصلاً .

ولا الموضه بقي اليومين دول أن الراجل هو اللي بيرقص أيوه أيوه ماهي راحت ع الستات

النساء قادمون والرجال ذاهبات علي رأي مراد طه

يعني من الأخر لازم تهز عشان توصل تهز إيه بقي معرفش المهم تهز وخلاص ..بلدنا بترفع من شأن الرقاصه وكانها رئيسة وزرا والعالم فيها ملهوش لازمه .

أما بقي الجزأ التاني من الموضوع وهو الرأس ...يعني الإبداع والفكر والفن والأدب والثقافه وكل ده ملهوش قيمه في بلدنا وأنتشاره بين عموم الناس شئ صعب جداً لأن الأساس مش موجود ..التعليم مجرد حفظ وتلقين تصور إن منهج أبتدائي هو نفسه اللي انا وانت درسناه من 15 سنه يعني نفس الكلام اللي أنا وانت اخدناه ممكن أبنك ولا اخوك الصغير يكون بيدرس نفس الكلام يااااااااه للدرجه دي الدنيا هي هي من 15 سنه عجبتو لك يا زمن ...بس هو في في المناهج شوية تغيير بس في الصور والألوان فقط.

وتفضل تتعلم تتعلم تتعلم ..وتخرج من التعليم بعد 15 سنه مش فاكر غير إن غاز الأكسجين لا يشتعل ولكنه يساعد علي الإشتعال ...أه وحاجه كمان إن الأرض كرويه , مبقاش في ناس كتير بتقرا زي زمان وبقيت كلمة بطل كلام المثقفين ده بتتقال كتير وكانها بقيت عيبه !!

العلم في بلدنا أخر حاجه بنهتم بها والعلماء مفيش أي إهتمام بهم ..طب قولي أحمد زويل بقي حاجه غير لما خرج بره وبعد ما بقي أحمد زويل بجد قولنا ده ابن النيل وابن مصر دايماً كده إحنا بنيجي في الوقت بدل الضايع وساعات بعد نهاية الماتش .

مجدي يعقوب ملك القلوب اللي أنقذ ناس كتير لما بيدخل مطار مصر مش بيلاقي حتي عيل في إنتظاره وكانه غريب في بلده , إنما تعالي بقي لو رقاصه راجعه من مهرجان ولا حاجه أو إنشاله راجعه من شوبينج في دبي وغيرها تلاقي مصر كلها في إنتظارها عشان تعرف إننا بنحب الهايف وبنتصدرله كمان .

طيب تقدر تقولي الممثل ولا المغني بياخد كام جائزه في السنه , والعالم بقي يا عيني عليه ممكن جائزه واحده في العمر كله وبتبقي يا شهادة تقدير أخرها برواز وتتعلق في أي ركن في الشقه إنشاله في الحمام , أو طبق فضه او حتي دهب نقدم عليه الشاي أو البسكويت .

عمرك شوفت مؤتمر علمي في التليفزيون المصري ؟؟...طب ندوه ثقافيه ؟؟..أو حتي الريس جاب شوية علماء كده واتكلم معاهم وسألهم عن تطوير العلم حتي ولو بهزار ؟؟..ده حتي عيد العلم بيبقي أجازه يعني فضا , وعادي يعني والريس فيه بيتكلم أكتر ما بيسمع مع إن المفروض العكس .

ها أتأكدت إن بلدنا بتهز وسطها ولسانها وكتير من شعبها بيهزوسطه ولسانه ليل نهار ..أما العلم فالكلمه دي مشطوبه من القاموس المصري من زمان , وسلملي علي التعليم واللي بيتعلموه

هو يعني إيه تعليم أصلاً ؟؟

نـــــــاهد سمير

الشيشه علينا حق ...ياعزيزي كلنا قرني

2008-11-19T11:21:00.000-08:00

مكان منه هاتعرف أد إيه في شباب في بلدنا كتير تافه وضابع ونفسه يوصل بس مش عارف وبيفرغ همه في نفس شيشه داخل وطالع أو بصه من تحت لتحت علي بنت معديه ماشيه بتدلع لابسه لبس مقلوع أصلاَ لكن كمان, هاتعرف شباب جدع أوي وفنان كمان لاعب جيتار مخرج وشاعر ممثل وكاتب ...علي كل لون شباب من كل الطوائف وأصحاب أفكار مختلفه وأنتماءات دينيه وسياسيه كتير إشي أخوان علي ملحدين وشباب 6 إبريل وشيوعين ووطني كمان وناس ملهاش في البتنجان أو عابر سبيل يعدي عليك وكمان لبان يمكن تشتري وتطلع غيظك فيه ..

البورصه ..أو بمعني أصح قهوة البورصه المعروف عنها أنها مكان للصحفيين وغيرهم هاتلاقي عيال عاملين زحمه بيبعوا مناديل ويترجوك تديلهم ربع جنيه ولا خمسين قرش او تديهم شويه شاي او حته بسكويت غنالهم أحمد عدويه زحمه يا دينا زحمه .. زحمه وتاهوا الحبايب زحمه ولا عادش رحمه مولد وصاحبه غايب ,اتنين بيلعبوا طاوله بصوت عالي كأنهم قاعدين في بيتهم كالعاده زي اي قهوه وفي الأخر في غالب وفي مغلوب.. صاحب القهوه شايفك من بعيد وهو بيك فرحان سعيد عنده صبي الضحكه ما بتفارقش وشه يخدمك بعنيه ولما يبصلك من تاني يطنشك مش عارفه ليه ؟ لكن تقدر تقول أنه مجرد تغيير عشان القعده ماتبقاش ممله

لو في ماتش كوره تتجمع الكراسي قدام التليفزيون ويبقي في متابعه شديده ومع اول جون تصرخ الناس بصوت عالي هيييييييييييييه وناس تانيه ولا هي هنا عامله نفسها بتتفرج وهي سانده ظهرها علي الحيطه بتصطاد بعنيها أي فريسه معديه والكلام ياعم من الودن دي للودن ديه

من المشاهد اللي المفروض انها مش غريبه الأتي :

---------------------------------------

الساعه 12 الظهر لما كانت البورصه لسه بتستفتح كان في بنت قعدت علي طرابيزه

لوحدها وطلبت نسكافيه وشيشه تفاح المهم صاحبها جه وسلم عادي بالأيد إنما إزاي وبتتكلم في ايه يا راجل البنوته أستغربت قوم أيه الواد عمل اللي عليه ووطي وباسها من الخدين وكده العمليه متعشيه وكله تمام ومش محتاج اقولك انها اللي طلبت ده و غصب عنك وانت قاعد جمبهم هاتشم ريحه التفاح وتدخن شيشه أجباري ..الولد ما اتكلمش كتير زيه زي معظم أولاد أدم انما البنوته تصدعك وتثبتلك حقيقه علميه

بحته أن البنات رغاااااااايه

فجأه واحده ست كبيره ومش محجبه كانت معديه قالت بصوت عالي حد هنا عايز أي حاجه ؟ أنا الكبيره بتاعة البلد دي أي حد عايز أمضيله شيك علي بياض وسألت سؤال مهم والكل كان مستغرب وبيبصلها اوي وبيسمعلها السؤال هو عارفين هامضيله شيك علي بياض إزاي ؟؟ ..محدش اتكلم فقالت هاجيب الشيك وأحط عليه البياض وضحكت ضحكه بسخريه بس شريره ومشييت والكل بيبصلها ويضحك

بالليل بقي في وسط شارع البورصه كده بنوته صغيره ما بين 15_16 سنه لكن الجسم فاير تسمعها تضحك تجبرك تبص وراك تشوف دي مين المهم تودي وشك الناحيه التانيه وتقول اللهم اغزيك يا شيطان شويه ويجي مجموعه شباب ويقعدوا تقوم هي وتشد واحد فيهم من شعره اللي مفلفله وتقوله بدلع يا مصطفـــــــــي يكتفي هو أنه يبصلها ويبتسم ويستغرب

راجل كبير في السن مع راجل تاني برضوا كبير بيتكلموا علي طرابيزه وبينهم شاب ابن اخت واحد فيهم الكلام في الأول كان هادي وكله تمام فجأه كل واحد فيهم قام وقال للتاني انت راجل ما بتفهمش حاجه ولا عارف حاجه وخال الشاب ضربه بالقلم وشتمه لانه كان سبب الخلاف مشي الشاب وبعد وطبعا البورصه كلها بحلقت وانا معاهم

في ذكري وفاة عرفات الرابعه اللي تم الأحتفال بها في صمت بسبب الإنقسام بين فتح وحماس تلاقي شباب كتير حتي من قبلها لابسين الشال الفلسطيني ومنهم اللي مش عارف حاجه لابسه وخلاص وكأن هو ده كل اللي يربطنا بفلسطين شال مش أكتر عديت بنوته لابسه نص وبنطلون جيينز لابسه الشال كان نفسي أسألها هو أنتي يا قمر تعرفي فتح وحماس طب تعرفي ايه عن عرفات ولا انتي لابسه الشال ده عشان سقعانه وبس؟؟

هاتلاقي راجل غلبان اووي كبير في السن يجي يعدي عليك وانت قاعد ع الطرابيزه ويحط بونبوني عشان تشتريه ومحدش بينفعه للأسف حتي أنا عارف طريقه كويس يرص البضاعه ويرجع يلمها من تاني ويحطها في الشوال اللي ورا ظهره ولما يمشي من غير حتي ما يبصثلك تلمح في عنيه نظره غريبه وعلي وشه ابتسامه محدش يعرف تفسيرها غيره

هاتلاقي الدول العربيه بوحدتها القويه اوي اوي وكمان الدول الأفريقيه وشعارنا كلنا الشيشه علينا حق والستات هناك رجاله شكلا بلا مضمون صدق اللي قال النساء قادمون والرجال ذاهبات وماتنساش القطط اللي هي عامل أساسي في البورصه.. يا عزيزي أحنا بنقدم قطه لكل مواطن ..وهاتلاقي كمان إجتماع ع الأرض لشويه عيال بيمسحوا الجزم بيقعدوا يشربوا سجاير ويتكلموا وده بالنسبه لهم هو الفاصل بين كل لفة شغل والتانيه بس الغريب بقي أن كلهم صعايده وفلاحين بعد كده هانقرا أحتكار الصعايده لمسح الجزم أشمعني يعني أحمد عز محدش أحسن من حد

أما بقي عن الحب والعلاقات الإنسانيه البريئه فكله موجود وعلي كل لون إشي بيضه وأشي سمرا وإشي شقرا كلمه من هنا علي كلمه من هنا وكله في التمام محدش واخد باله يا عزيزي كلنا قرني !!

ناس تعدي عليك في البورصه تحسسك أد ايه أنت ضعيف ومن أي ألم تتوجع رغم أن غيرك فيه اللي مكفيه وساكت وماشي بيتعلم ومش كده وبس ده بيكسفك قدام نفسك وقبل ما يسيبك ويفارق يسيبلك أبتسامه غريبه تحسسك اد ايه الدنيا ولا تسوي ياعم إرمي ورا ظهرك وعديها الناس لبعضيها

حتي كحك العيد موجود طول السنه في المدينه المنوره.... عايز تحلق عندك كوافير عم محمود هايرحب بيك ولما تخرج منه كلنا هانقولك نعيما ...رصيدك خلص وعايز تشحن كله موجود ..حتي لو عايز تشحن ولاعه السجاير بتاعتك موجود

من الأخر: عالم البورصه رغم ارتفاعه وأنخفاضه وعدم ثبات المؤشر فيه إلا أنه عالم لذيذ زيه زي غيره مليان عيوب قبل المميزات لكنه عالم لذيذ أخر حاجه يا راجل ده حتي الحكومه بتقعد ع البورصه

بس الجديد بقي أن في البورصه كل من له نبي يصلي عليه واللعب بالنار مش هزار لأول مره هاتشوف واحد بيحط السيخ والع في بقه وبيقول كلام وسط النار وكأننا في مولد السيد البدوي ساعتها هاتلاقي نفسك بتقول لوحدك حي

هانعمل أيه أكل العيش مر يا بلد

والبورصه علينا حـــــــق

إمضاء :

نــــــــــــــــــــاهد سمير

عـــــــــــابر سبيل

2008-11-04T17:59:00.000-08:00

إحساس غريب يتملكني كلما نظرت لأعلي ...الرهبه والحزن والخوف والتمني كلها مشاعر تغتالني وتؤلمني ..أشكي وأبكي وأقص عليه المزيد والمزيد منها.. ينصت إلي ويجيبني وكأنه يشعرني برحمته وحنانه , نوره في السماء يملئ الدنيا عرشه يهتز لدموع اليتيم والمظلوم لا يمنعه عنه حجاب كل يوم نتأكد أنه أقرب ما يكون وأنه الملك القدير الكبير لا إله إلا هو ....

" الله "

لا أخاف إلا الله قديما كنت أخاف البشر ولكن ..تعلمت المزيد والمزيد ومازلت فكيف نخاف ممن يملك نفس قدراتنا !! وتجد السؤال يطرح نفسه بشده فيما يزيدون عنا ؟؟ وتظهر الأجابه فجأه .." لاشئ " فكيف نخاف إذن

جلست مع نفسي لأعيد ترتيب أوراقي وذكراتي فوجدت أخطاء فادحه في حق نفسي وقلبي وربي بكيت بشده وجلست في غرفتي التي هجرتها طويلا بعد أن كانت صومعتي التي أهرب إليها من الدنيا وما فيها ونظرت من الشرفه التي كنت أفتحها لآطل منها علي الغد ..فغدا لناظره قريب ..ورفعت رأسي لآعلي وكأنني علي كرسي الأعتراف وأقر له وأناجيه

ربي...أحبك عصيتك ومازلت أعصيك فأنا بشر ولكني أخطئ وأتوب وحدي في دنيا أصبحت كالغابه يملكها أسود يأكلوننا فردا وراء الأخر ولكني أقسمت بك يا حق ألا أترك حق لي " فما ضاع حق وراؤه مطالب " ..حلبه نتصارع فيها والبقاء أصبح للأقوي

ربي أعفو عني قوني و شد من أذري ...أحببت وهويت وتمنيت منزل صغير أصبح أنا أميرته أخاف علي أطفالي من قبل أن أراهم ولكنك معي ترشدني لدربي الصحيح فنجني يا ربي مما أستميت في أنتظاره وأترقبه لحظة بلحظه

أتسمح لي أن أناجيك اكثر ..أن أنظر لسماك ..وليلك البهيج , نهارك القريب وفجرك الوشيك ورزقك للعبيد قرأنك المجيد ووعدك الوعيد لكل كافر عنيد ..ربي أحبك وكل نقطة في دمائي تشهد لك بإيماني وأعتقادي بأنك الأحد الفرد الصمد ..ورب العرش المجيد

قلبي الذي بين جانبي تملكه وينبض بأسمك يا الله ها هو يخفق ويميل لحب جديد حب لم أراه من قبل حب يطير من شدته العقل ..إحساس رهيب يخترق جدران قلبي ليصل لكل صمام فيه ويتملكه حب قام بثوره داخلي وجلس علي عرش قلبي فرضيت به حاكم مستبد يملكني ويأسرني في عشقه لأذوب في هواه وها أنا ذا أتمناه

زوج و أب وأخ ورفيق للطريق

ربي ....أعابر سبيل أنا مر علي الدنيا وتمني العيش فيها.. سار في درب الحياه يتخبط في حاضرها وماضيها يبكي الكثير ويفرح القليل يتشبس في كل أمل يلقي في داخله رغبة في الحياه ..

عابر سبيل ..يطلب المأكل الطيب والشراب الحلال يطلب حب رب العباد يسير بلا تفكير ويستميت في الوصول لكل حلم بعيد أعمي ولكن نظرته للواقع أقوي وأفصح من نظرة البصير عقله يطير من كل ظلم ونهب من مغتال حقير ....عابر سبيل عرف معني الألم عندما فهم كل دابه وكل أمر صعب كان أو يسير عابر سبيل

كالحمام في نشر السلام

كالصقور في بناء القصور

كالنسور في عبور الجسور

وجهه كالغيوم لا تكاد تري ملامحه

فيلسوف كبير وعالم خبير في عيون البشر جاهل عقيم ربي أعابر سبيل أنــــــــــــــــا ..أم فرد ذليل زائدا علي الدنيا ميت لا محاله ؟؟؟

ربي أحبك فأجب سؤالي أنا العبد الذليل أرفع إليك يداي أرجوك وأتمني عليك أحبك ولا

أخاف ســــــــــواك

عــــــــــــابر سبيل

مين قال حلال.. مين قال حرام.. مين يزود ؟؟

2008-10-26T07:09:00.000-07:00

جائز شرعا ..كلمه بنسمعها كتير من الشيوخ والمجتهدين في الدين النطق بها سهل جدا إنما لو بصينا علي نتائجها هانلاقيها صعبه أووي ومؤثره فينا كمسلمين بتحركنا العاطفه ناحيه الدين ...

من أسبوعين استفزت ست يوم الجمعه مشاعر المسلمين كلهم الست دي هي " أمينه ودود " أمريكيه من أصل أفريقي وأستاذة الدراسات الأسلاميه بجامعه فيرجينيا كومنولوث الأمريكيه , وده لآنها خطبت في المسلمين وأمتهم في الصلاه في كلية ولفسون بجامعة إكسفورد البريطانيه ودي طبعا مش أول مره ....أول مره كانت في إحتفال " يوم المسلم " في الولايات المتحده في 8 صفر سنة 1426 هجريه وده طبعا سبب غضب المسلمين في كل الدنيا وأنتقدها نائب رئيس رابطة المسلمين في بريطانيا " مختار بدري "

وعلي النقيض طبعا كان في شخصيات كتير مشجعه لها وبيقولوا أن دي حريه وأنها مجتهده وعايزه تثبت حرية المرأه وأن لها الحق في الأمامه لان الدين بيساوي بين الست والراجل

المسأله بين الدفاع والهجوم وإحنا اللي في الوسط ويفضل السؤال هل ده جائز شرعا ؟؟؟ طب بلاش إحنا ...الناس اللي لسه داخله الأسلام اللي متعرفهوش هايقولوا إن هو ده الأسلام وهي دي المساواه أن الراجل والست يصلوا جمب بعض في مكان واحد وحتي الحائض تصلي عادي واللي يأذن للجمعه ست ومش محجبه كمان أنهي دين بيقول كده هي دي المساواه هو ده الاسلام ؟؟

قال رئيس مركز التعليم الاسلامي بأكسفورد الدكتور " تاج هارجي " واللي كان من رعاة الحدث :

" أن إقامه الصلاه دي هاتكون خطوه في الاتجاه الصحيح " وده طبعا لانه مؤمن أن الأسلام دين المساواه بين الجنسين , ومش بس كده ده الأدله هاتنهار علينا زي الصورايخ أن أمينه ودود صح وأحنا غلط ومنعرفش يعني أيه اسلام وطبعا ماتنساش اللقب الشهير " متخلفين " ...ومن الأدله اللي عندهم علي صحه الصلاه دي أن الرسول " ص" سمح لأمرأه انها تؤم المصليين رجاله وستات وأضاف كمان تاج هارجي أن بعض الستات بقوا بيتولوا الأمامه في دول كتير زي افريقيا وكندا والولايات المتحده وأن امينه ودود أول ست تعمل ده في بريطانيا وكأنهم ماشيين علي مبدأ اللي يغيير مننا يعمل زينا ومحدش أحسن من حد

علق يوسف القرضاوي وقال من خلال فتوي أصدرها في الدوحه : أن الخطوه دي تعتبر بدعه منكره

والشيخ سيد طنطاوي شيخ الأزهر قال أنه من غير اللائق أن الرجاله يبصوا علي جسم ست قدامهم وهما بيصلوا

علي العكس وصفها موقع الصحوه الأسلاميه أنها ست لها مكانه ومنزله عاليه وبتحاول تأكد علي منزله الست في الأسلام وحقها في الأمامه

وكان من الأراء المعتدله الأتي :

أن الدعوه للمساواه بين الراجل والست وإزاله كل الفوارق بينهم من الدعوات الكفريه وده لانها ضد كتاب الله والدليل علي كده كلام السيده العاقله أم مريم عليها السلام لما قالت : " وليس الذكر كالانثي " ...

وقال ربنا في كتابه العزيز " للذكر مثل حظ الأنثيين " وفي سنة رسولنا الكريم قال " كمل من الرجال كثير ولم يكمل من النساء إلا أربع " عشان كده ربنا مييز الرجال بمميزات مختلفه عن مميزات الستات ونهي كل واحد أنه يتمني اللي فضل به ربنا واحد منهم علي التاني

" ولا تتمنوا ما فضل الله به بعضكم علي بعض للرجال نصيب مما أكتسبوا وللنساء نصيب مما اكتسبن " صدق الله العظيم

الحريه في الزمن ده بقيت للكل ...كل واحد عنده فتوي بيقولها إشي بقي إرضاع الكبير أو إن التدخين حلال والبوسه بين الولد والبنت أو قتل الميكي ماوس لالالا وخلي بالك كمان أوعي مراتك تنام جمب الحيط اصل هو بالفصحي " حائط " وده معناه أنه مذكر وكده تبقي خلوه غير شرعيه ...والنقاب في السوق يبقي بعين واحده فاهمين , وأهو كله بيأثر علينا أحنا مش هما وبيلاقوا ألف وسيله ووسيله يعرضوا ده فيه ماهو إعلامنا بقي شعاره " الفرقعه " وبس ده غير الأجتهاد بقي مش قادره أقولك اللي بيجتهدوا كتير وعلي الله الثواب والعقاب ...

عشان كده هاتشوف كتير زي نوال السعداوي , أمينه ودود , صاحب فتوي إرضاع الكبير , وجمال البنا . واللي قتل الميكي ماوس وغيره وغيره وغيره وما خفي كان

أعظم

" دينا جه الدنيا غريب وهايمشي منها غريب "

سؤال لولبي بقي بيطرح نفسه بنفسه ...

هي دي الحريــــــــــــــــــــه ؟؟

هي دي المســـــــــــــــــاواه ؟؟

هو ده الديــــــــــــــــــــــــن ؟؟

أمضاء :

نـــــــــاهد سمير

أهو كلام والسلام

2008-10-15T21:53:00.000-07:00

بتوحشني ...كل نظره من عنيك , كل لمسه من إيديك كل ضحكه مني ليك بتوحشني ...رغم كلامك القليل وصمتك الطويل بتوحشني ...أنفاسك مشيتك تفكيرك كل حاجه فيك بتزود أشتياقي ليك

رغم عيوبك الكتير رغم صبرك القليل وعتابك الطويل رغم كل ده سايب فيا أثر ولا يمحيه المطر مرت أيام وسهرت الليالي لسه في عنيك بداري شوقي ليك , علي طول في بالي ولا غبت عن خيالي

عارف يا قلبي أختارتك تبقي دربي , معاك عرفت ربي حلمت أخلف وأربي بتوحشني ... حلمت بيك تبقي زي البدر في تمامه زي الحضن في أمانه بس ياريتك تصون قربت ليك لاقيت الجنه في حضن بيت

مقدرش أقول كلام , ولا حتي أقول غرام لكن أنت أهو تمام ..فارس قلبي الهمام ده أنا شوفتك في المنام علي كل بيت بعدي , وفي وقت شده أهدي الاقيني بروح إليك وأشكي وأقولك ياريت ترجعلي تاني نبني الجنه في حضن بيت

فاكر يا عمري لما انا وأنت كنا ..قاعدين بنحلم ونرسم عمر جاي ..شوفت في عيونك كلمه نسيتها... كلمه يا عمري عن العهد اللي بينا , كنت أنت ساعتها جمبي فجأه قربت مني أنفاسك ساعتها حسيت كأني طالعه من جوه قلبي حلمت يا عمري أضمك وأبعد بقلبي لعالم التمني

للنيل أبص من شوقي ليك أفتكرك أحكيله عنك رد بشده وقال أحبك ...مش قادره أخبي ده حبك جوه قلبي صحيح ده ذنبي بس أعمل أيه ؟؟ ويا الربابه مشيت بغني لكل بيت عشق الصبايا يا بنات حيارا لا شوفت رد ولا جواب إلا العتاب

البحر شوفته كلمته مره ولما سألني رديت عليه موجوه كسفني رد بشوقه وقال بحبك وفجأه خدعني وثار عليا وسأل السؤال ......هو عريسك ؟؟ أنا قولت أاااااه فوق الفنار وقفت تاني وقولت أيوه عدي النهار وعنيه أماني بها بشوف بكره وأطوف بين الدروب ده انا فيه بدوب

بتوحشني ...ده انا كلي ليك قلمي يا عمري من شوقه ليك عن حبي يا ما قال كلام رغم الملام ... تصدق عشقتك حتي في فرحك ألمك وجرحك رغم إنك قاتلني وكمان هاجرني بس واحشني سمعت لوم وعتاب كمان عن حب كان لكن مازال أنا عشقي ليك فوق الخيال بتمني ترجع ...ولحبي تسمع... ولدمعي تشفع

سرقت مني قلبي و روحي وأنا بيك داويت دمعي و جروحي مشيت سنين ورغم الحنين جوايا لك ألفين سؤال ..منهم جبال فوق قلبي ساكنه و لأنفاسي سارقه

لسه عايزني ؟؟ لسه شايفني ؟؟ ولا خيال ...ذكري في رمال خطبتها انت وداسوا عليها كل الجمال ولا المحال رد السؤال ؟؟؟

أيوه واحشني

أمضاء :

ناهد سمير

محتاجه بشده أسمعه

2008-10-08T20:37:00.000-07:00

مش عارفه ....

محتاجه بشده أسمعه

ياريت الزمن من تاني بقلبي يجمعه

وساعتها هاسمعه, والله هادلعه

مشتاقه ليه وبغيير عليه

ساعات كتير من شوقي ليه

اسرح بخيالي وانادي عليه

** **

ولا حد غيره رسم ضحكتي

ولا حد غيره سبب دمعتي

حرك اللي جوايا بقي جزء من حشايا

كان معايا وعارف كل النوايا كل الخبايا

قالها بحبك ..رديت عشقتك

كانت ملاوعه ومع أنفاسه طالعه كلمة كرهتك

أيوه كرهتك من كتر طيبتك

رغم إنه المحال..سأل السؤال

معقوله حبك كان كده ؟؟

عشق وغرام بالشكل ده !!

ما أستهلش أنا منك كل ده

حسيتها منه رديت عليه

طب ليه كل ده ؟؟

** **

لك ألف حق ..يا قلب دق وشاف ورق

بعيونه شق كل الطرق وساب وأفترق

عن قلب كان له حلم وأتخنق

كنت حلم ياما حاربت ألمسه

فستان جوه فاترينا حلمت ألبسه

عصفور جميل نفسي أحبسه

** **

وبرضوا مش عارفه

محتاجه بشده أسمعه

من تاني وألمحه

ياريت الزمن بقلبي يجمعه

أنا بس أشوفوه والله لأدلعه

إمضاء :

نـــــــــــاهد سمير

!! الألم يبدأ بالفهم

2008-10-04T21:28:00.000-07:00

قرأت وسمعت كثيرا أن الألم يبدأ بالفهم ولكن ............ كنت أكذب علي نفسي وأقول أن الألم يصبح أقوي وأشد عند الجهل بالأمور وتقل شدته عند العلم بها وذلك لأننا في بعض الأحيان نستطيع ان نداوي بعض المشكلات وبعض الجروح عند معرفتها .ولكني أكتشفت ان العكس هو الصحيح وصار الأمر أقوي وأصعب مما كنت أتصور فها هي الحياه مدرسة كبيره نتعلم فيها دروسا كثيره بعضها نرغب في تعلمه والبعض الأخر مفروض علينا وها هو يا عزيزي الدرس الأول ويتبعه دروسا كثيره لعلنا نستفيد .

الحلم : في داخلنا ولكنه سجين يحارب في ثنايانا ليستنشق عطر الحريه ولكن ليس من السهل الفوز بالمعركه

الحب : هيهات وهيهات فكل يوم يصير أبعد رغم رقتنا وطيبتنا إلا أن الحب هو كلمة نجهلها ولانستطيع قراءتها

الصداقه : كنز دفناه وجهلنا مسواه حتي وإن علمناه نفقده من جديد ولا نستمتع به إن صار بين يدينا

العمل : أصبح المكان الذي نبغضه وخزنه نأتي منها بالمال الذي يساعدنا فقط علي محاولة العيش عيشه كريمه

الأنسان : لغز كبير وبئر مليئ بالأسرار..إن سقطت فيه إما ان تجد النور في القاع أو تجد ظلام الأساطير

الفكر : لوح ثلج متجمد إن حاولت ان تجلعه مرنا كنت أول من يضحي به ويقتله فهو يسير بمبدأ من تعلم ديته أقتله

الحريه : ألوان مغريه في ظاهرها رعب وفي باطنها دفئ ..الحريه إمرأه متبرجه تطلب المساواه لتصير رجل بلا شارب ..الحريه سب علني ..الحريه نفس شيشه ترسم به العمر القادم ..الحريه كأس تتجرعه وتقول : أنا حر ما لم أضر وااااااااااااحسرتااااااااه

الرجل : متمرد شريد حائر عنيد ..عقل مدبر وقلب محتضر ..دموع جبيسه بين الجفون وقلب وحيد وسط الطريق ..أب صغير وطفل سكير ..خائن خطير بين الشرق والغرب عقله يطير بين الفاتنه المتدينه والراقصه عقله يسير

المرأه : اليوم لم نعد نعرف هل هي إمرأه أم رجل مستنير ..هل هي فتاه أم شبح في الحياه قلب جريح وجسد مستباح لكل كلب نباح ..العانس المتمرده العاشقه المستدرجه.. الماكره الحائره بين العقل والجسد والشوق والحسد ..التابعه المتسلطه ..الكاتبه المتفتحه هي الكائن الغريب هي سر الحياه الذي يحركك للموت الأكيد

الوحده : كنز دفين به نستهين ..شعر رزين نخطه علي السطور لنكتب الدواوين درس في الحياه لا نعلم منتهاه ..أحيانا نترجاه , صديق عزيز يحرمك من كل غالي وعزيز يعلمك الأشتياق لكل محبوب وشريك في عمر فات , ترجمه حرفيه لكلمه إنسان أصبح في طي النسيان

الأنتقام: هو شبح الأنهزام

المناجاه : شط النجاه

البحر : مفكر حكيم وعاقل فريد في عالم اليوتوبيا الفقيد

أنا : بين السماء والأرض أكون أو لا أكون

الفن : مسخ يحاولإستعادة الجمال ..مسافر عنيد شد الرحال شكل بلا مضمون عاقل وسط الجنون عالم من المجون طلاسم وتخاريف عالم من الزييف.. في قديم الزمان أغاني وإنسجام وكان ياما كان علي عالم الأحلام عالم الأنغام تعزفها الأصنام مسرح كبير مليئ بالأساطير مالها من بدايه ومالها من نهايه ..

.مصر : بلد يخرج من ثوب السنيه لترتمي في أحضان العلمانيه لمحاربة الشيوعيه أينعم يا عزيزي فهي عالم بلا هويه

.فاللألم يا عزيزي يبدأ بالفهم

إمضاء :

نـــــــــــــــــــاهد سمير

بيوت من ورق

2008-09-25T20:28:00.000-07:00

نعم ولما الأندهاش ..فنحن نسكن في منازل من ورق شكلا بلا مضمون إذا نظرت إليها من بعيد تغمرك سعادة لم ولن تشعر بها ثانية , ولكنك إذا دققت النظر ودخلت وتعمقت في منازلنا لن تجد لها أساس فهي شكلا بلا مضمون ......
تبهرك منازلنا ولكن ذلك لفترة قصيره ومن بعدها عندما تتفهم الوضع ستشعر باللألم وذلك ليس كلامي فالحكماء قديما قالوا :
" إن اللألم يبدأ بالفهم "

نحن الأجيال نتفاوت بين الكبار والصغار ..يضمنا منزل واحد وكأن الله يختبرنا هل سنفهم حكمته أم لا , جعلنا سبحانه عز وجل مختلفين في العقول والفكر والطباع رغم أن دمائنا واحده وجعلنا نجلس معا في مكان واحد ليري هل سيستوعب كلا منا الأخر ويتفهمه أم سيبذل كلا منا جهده في القضاء علي الأخر ؟؟

وأعتقد أنك تعرف الأجابه .....

الأباء والأمهات في بلادنا تراهم يأمرون أبناؤهم بعدم الكذب وأن يتمرنوا دائما علي قول الصدق وهم أول من يكذبون ..يعلموننا النظافه وأنها من الأيمان ولكنهم لا يفعلون ما يقولون وستجد منهم الأطباء والمهندسين يلقون بالقمامه في شوارع بلادنا بكل فخر وفي نفس الوقت يأمرون أولادهم بالنظافه وستجد أيضا مناور منازلهم مليئه بالقمامه وفي النهايه هم أطباء ومهندسين وهذا ما يطلقون عليه اسم " ثقافة التخلف "..يطالبون بالحريه في الخارج وهم رواد الديكتاتوريه في الداخل ...فاقد الشئ لا يعطيه

وإن تحدثنا نحن الشباب معهم وتناقشنا يكون الرد : من تكونوا أنتم لتنطقون إلزموا الصمت نحن من يقرر نحن من يأمر وعليكم السمع والطاعه , أنتم التافهين بلا عقول تأكلون وتشربون تمرحون وتموجون لاتفعلون شئ سوي الجدال وكما تري يا عزيزي ...هذه هي نهايه الحوار الديموقراطي بينا نحن الأبناء وبين الأباء صراع لا ينتهي ...وفجوه كبيره داخل منازلنا تتسع يوما بعد يوم
فهي بالفعل منازل من ورق إذا جاءت ريح شديده ستهدمها وإذا سقط المطر سيغرقها ....

أتسأل كثيرا أين الحب الذي ندعوا إليه ليل نهار في منازلنا ؟؟
أين القيم والمبادئ هل هي شعارات ندعوا إليها ونحن أول من يتجاهلها ؟؟
أين الحريه في الداخل ؟ أين العدل ؟ نعيب علي الكبار في بلادنا ممن يتقلدون مناصب سياسيه وإجتماعيه رغم أننا في مناصبنا الصغيره نفشل في إدارتها

ننظر للأخر ونسينا أن ننظر لأنفسنا نشعر وكأننا ملائكة ترفرف بأجنحتها والأخر هو الشيطان اللعين الذي يهددنا ويجب أن نقومه وننقده وأحيانا نجلده حتي يقر ويعترف أنه خاطئ في كل شئ ..ونحن دائما علي صواب !!

الحياه الأجتماعيه في مصر ...حالتها سيئه فهي داخل غرفة الأنعاش تطلب منك ومن غيرك قبل أن تطالب بالحريه وبالديموقراطيه في الخارج أن تصنعها أولا بالداخل ...أن تبني الأنسان الذي يحقق لك الحريه والديموقراطيه بناء صحيح ولا تجعل منه مريض نفسي لا يعرف أين يذهب ولا مع من يتحدث رغم أن بجانبه الحضن والدفئ ولكنه أبعد ما يكون عنه ..لتصبح النتيجه أننا غرباء بداخل الوطن الأصغر وهو منزلنا وأيضا غرباء في الوطن الأكبر " مصر "

عزيزي القارئ اسمح لي أن اطرح عليك سؤال ...كم مره من المرات جلست مع عائلتك تتناقشون وتضحكون من القلب ؟؟ كم مره أرتميت في حضن والدتك بلا خجل ؟؟ كم مره نظرت إلي أهلك وقولت لهم أحبكم رغم كل شئ ؟؟
كم مره يا عزيزي جلس معك والدك ليسألك عن أحلامك وعن مستقبلك كيف ترسمه ؟؟
وعلي النقيض كم مره شعرت بالوحده والغربه في وسط أقرب الناس إليك ؟؟
فقدنا المعاني والأحساس بها... ندعوا إليها رغم أننا لم نتذوق طعمها ..لا نعرف معني الأمومه الصحيح ولا مفهوم الأبوه بمسئولياتها الضخمه فكفي عزيزي القارئ بالمرئ أن يضيع من يعول ...حتي الأخ والأخت صاروا أبعد ما يكون إن الدوله الصغيره داخل منازلنا أصابها زلزال ...حتي عندما حاولنا نحن الصغار أن نصعد لعقول الكبار بعد رفضهم للنزول إلي عقولنا ...للأسف فشلنا
وهذا ليس بتعميم ولكننا نتكلم عن معاناة عدد كبير منا ونعلم أن هناك نماذج مشرفه أباء وأبناء ...ولكننا نسلط الضوء علي الشئ البغيض ليصير كمان نتمني فنحن من يملك الغد شئنا أم أبينا

أدعوا من هنا من هذا المنبر أن نعود نحن البشر لطباع البشر من جديد ..شعرت كثيرا أنه ليس الأبناء من يحتاج للتربيه ولأعادة التأهيل بل الأباء هم من يحتاجون إليها لتصير منازلنا منازل بمعني الكلمه شكلا ومضمونا
وليست منــــــــــازل من ورق

إمضاء:

نــــــــــــاهد سمير

كده كده ميت ..!!

2008-09-10T00:06:00.000-07:00

.....ما أنا كده كده ميت

جرح كبير بينزف جوايا وجواك وده من يوم السبت اللي فات ..أكيد عرفت أنا بتكلم عن إيه ؟؟

قالوا كتير إن مصر بتقتل نفسها قبل ما غيرها يقتلها وبتنهار جزء ورا جزء يعني بتعمل بالمثل اللي بيقول " بيدي لا بيد عمرو " لكن أنا مش متصوره إن بلدنا العروسه تعمل كده في نفسها وفي ولادها دي طول عمرها قويه وبتقاوم وبتقع وتقف من تاني مش سهل تتكسر كده

حادثة الدويقه كارثه بكل المقاييس يمكن فعلا يكون الغلط مشترك بين الحكومه والأهالي لكن غلط الحكومه أفظع بمراحل ومانقدرش كشعب له حق إنه يعيش في أمان جوه بيت من أربع حيطان وينام مستريح ومطمن إن سقف بيته هايقع عليه وعلي ولاده إننا مانعترضش علي الوضع , إنما ليه إحنا كشعب مش بنلحق نستريح ولا نفوق هو إحنا منحوسين ولا مقري علينا ولا إيه ؟؟

مره قطرات تولع وتخبط في بعضها ومره عباره ومره حريق الشوري اللي شمت فيه ناس كتير ودلوقتي وبلا فخر حادثة الدويقه ,وأهالي وضحايا حقهم في العباره راح هدر ومن تاني أهو بنشوف ضحايا بيضيعوا ويروحوا في الوبا وين هنادي يا أماي ؟؟..الدويقه فجرت حزن كبير ملحقش يهدا الساعه 10 الصبح ركن من أركان مصر قرر ينهار علي ولادك يا مصر أبويا وأبوك وأخواتنا ضاعوا وضاعت معاهم كل حاجه تحت أطنان من الصخور الناس من الفزع كانوا بيجروا ويصرخوا رجاله قبل الستات صخور كتلتها 10 طن قررت تخلص علي شويه من الشعب كل ذنبهم علي حد قولهم إنهم قعدوا في مكان هما عارفين كويس إنه هاينهار لكن يا صاحبي مفيش بديل كده ميت وكده ميت ...

أهالي كتير ماتوا وعلي حسب الأقوال الضحايا 34 قتيل , و53 مصاب والبقيه تأتي ..تيجي تسأل وتقول ليه الأهالي رغم إنهم عارفين إن الجبل هايقع عليهم قعدوا في البيوت دي هاسيبك بقي تقرا كلام واحد منهم رد قال ايه ؟؟

" كنا عارفين إنه هايقع بس معندناش بديل "

واللي لازم تعرفه إنه كالعاده في بلدنا إتقدم أبحاث كتير للحكومه عن كارثه هاتحصل في الدويقه وطبعا الحكومه الحمد لله الحمد لله ربنا ما يقطعلها عاده ولا هي هنا ووقعت الكارثه اللي ضحيتها انا وإنت وغيرنا ...سؤال مهم هي بلدنا بتنـــــــــــــهار بجد ؟؟

طبعا كان في نقل للمصابين وده يعلق وده يشجب وده يوعد وغيره وغيره وأهو كله كلام وصلوا بقي يا صاحبي إن هايبقي في 4 ألاف وحده سكنيه هاينقلوا فيها أهالي الدويقه خلال 3 أسابيع ..طب والمساكن دي كانت فين قبل كده ؟؟....5 ألاف جنيه من محافظ الفيوم لأهالي الضحايا ها مين يزود ؟؟..صباح الأحمد بيعزي الريس في ضحايا الدويقه وإحنا بقي مين يعزينا ؟؟ , ومين يعزي مصر في ولادها هي مش مصر دي أمي ولا إيه النظـــــــــــام ؟؟..وبرلمانيين بيطالبوا بعقد جلسه للجنه الإسكان الله ينور

انا لما شوفت الحادثه حسيت إن بلدنا هاتفضل لابسه أسود فتره كبيره عيون الأهالي حقيقي تقتلك جواها ألف علامه تعجب وإستفهام كفيله تهزك وتزلزلك ...لما تشوف صرخه أوووي من جوه من الراجل قبل الست وأطفال بتصرخ عايزه حد يلحقها من تحت الصخور وبيقولوا إلحقونا ...غيتونا يا ناس

بس ملوظه : برضوا يا جماعه إحنا الغلطانين ...إنت يا مصري الغلطان حد قالك تروح تسكن عند جبل هايقع عليك يعني كل الشقق الرخيصه دي والتسهيلات الفظيعه دي لالا إنت اللي مش بتتعلم ولا هاتتعلم يعني مش بتعرف تعوم وعدنهالك في حكايه العباره ورايح تغرق نفسك وتقول إحنا السبب وهجره غير شرعيه وطلعت سفيه وبرضوا عديناها إنما رايح تسكن جمب جبل هايقع هايقع لا كده بقي إنت ذنبك علي جمبك

بس إطمنوا إطمنوا المفتي قالها :

" الضحايا والموتي شهــــــــــــــــــــــداء " واء واء ده انا كده اروح أرمي نفسي تحت الجبل سمعني سلام صعبت عليا نفسي

ما أنا كده كده ميت

أنا المصري الشهيد كده كده ميت

أمضاء:

نــــــاهد سمير

_- ياريتني ما جيت -_

2008-09-07T13:08:00.000-07:00

ياتري العيب في الزمن ولا فينا

إحتارنا علي إجابه ما لاقينا

عيله كبيره أب وأم وأطفال نايمه

دنيا وفانيه والحاله أهي مايله أرد وأقول :

ياريتني ما جيبت

لاعندي المال

ولا ملكي جمال

مشيت رحال

وطلعت جبال

وبعد ده كله أنا طفل صغير

***

كتير بتحير وفي عمري بدور علي حته امان

وفي وسط زحام مالقتش مكان

دي قلوب قاسيه تقولي جبان وبتاع إدمان

وبشوه بلدي وأرضي وعرضي

من جوه بقوله :

ده أنا الغلبان لا لاقيت عنوان ولا حتي بيبان وراها أنام

وأعيش في أمان

رصيف وبنام وزباله أكوام أتغدي أتعشي و كله تمام

ما يفوتني مقام , والله ده عالم ولا في الأحلام

ويردوا يقولوا

ده طفل شوارع لاء بقي ده انا زارع

جوه قلوبكم ذنب كبير

ده أنا طفل صغير من غير أحلام

محناج الوان وأكون فنان

سرقتوا الحلم و من جوه القصر تردوا تقولوا:

تشويه ولأيه ؟ لشوارع مصر !!

وبقولها بحسر : ده سرقه ونهب لعمري

وقلبي وكل ده كله سببلي الكسر

أسرق أنهب وبغمض عيني يمكن أرجع

جوه البيت مع أب وأم وعيال نايمين

بشوق حاضنين بكره وبعده والعمر الجاي

واهو بكره بتاعي وافقت قبلت بكره بتاعي

***

أنا نفسي اموت لو كنت هافوت والكوره أشوط وأجيب الجون

ده كتير والله تشويه تخريب وكمان تغريب

جوايا ده كله ؟؟

وأنا جوه الدنيا يارتني ما جيت

لو كنت أختارت لقولت وعدت

ما تخادني يارب

ياريتني ما جيت ع الدنيا في يوم ولا عديت

وفجأه أنهارت وبلساني نطقت

ده أنا طفل صغير واقف متحير

من زمن أتغيروالله يا اخوانا

ده أنـــــــــــــا طفل صغير

أمضاء :

نــــــــــــاهد سمير

أطفال الشوارع000تحييكم

2008-09-05T01:43:00.000-07:00

أنا هاتكلم عن أطفال بنشوفهم أنا وأنت في كل شوارع مصر بكل طوائفها ,وبنشوفهم في الأنفاق وفي محطات القطارات00

وفي أكوام الزباله ومناطق تانيه كتيييييييييير 00ها عرفت هما مين؟00برافوا عليك هما أطفال الشوارع 0تعرف أنا ساعات بسأل نفسي هما ليه سموهم أطفال الشوارع ليه اللقب ده بالذات ؟ لكن لقيت إن هو ده الأسم اللي ممكن يحسسك أد إيه الأطفال دول بيعانوا ,وكمان إنهم اتظلموا من أهل بيتهم ده إذا كان عندهم أهل أو بيت أصلا,أو أن الشارع في بعض الأحيان بيبقي أحن علي الأطفال دول من أهاليهم 0

زمااااااان وأنا لسه بكون شخصيتي أو لما كان عقلي لسه ما اتوسعش وعرف حاجات كتيييييير ماكنتش يعرفها كنت ,بخاف من الأطفال دول وبقرف منهم وبشتمهم وبلاوي تانيه كتيييييييير وأكيد مش أنا لوحدي اللي ماكناش نعرف حجم المأساه اللي بيعشها الأطفال دول "جحيم ما بعده جحيم"00أطفال اتسرقت منهم طفولتهم في لحظه من غير ما يحسوا ولا حتي يدوهم خبر00إيه الهبل ده هو في حرامي قبل مايسرق بيقول للي هايسرقه حاسب لحسن هاسرقك,...المهم الأطفال دول شابوا قبل الأوان عرفوا اللي أنا وإنت منعرفهوش ويمكن نعرفه لما يبقي عندنا 40 أو 50 سنه كده ان شاء الله00شوفت أد إيه هما مظلومين في مجتمع قلبه حجر مجتمع أخرس وأعمي وبلا عواطف ولارحمه علي فلذات كبده أرق ما خلق الله وهم الأطفال00تشوفهم في أكوام الزباله نايمين أو بيلموا الزباله والورق وعلب الكارتون بيدخنوا سجاير محشيه أو بيشربوا برشام , وتشوفهم تحت الكباري بيشموا الكله أو بيضربوا حقن ,تشوفهم نايمين علي سلالم الجامعه متغطيين بجرانين في عز البرد أو نايمين تحت العربيات أو ع الرصيف مش مهم مبيهمهومش منظرهم قدام الناس ولا حتي قدام نفسهم , المهم يناموا انشاله في بق الأسد, أما بيتعرضوا لأيه بقي 00ده موضوع تاني خاااااااااااااااااااااالص!!!!!!!!

خد عندك ياسيدي بيشتغلوا في أعمال الكبار مايتحملوهاش وبينضربوا من كل واحد في الشارع شويه بيتبهدلوا من اللي راكبين العربيات في الأشارات وشتايم من اللي قلبك يحبها,وبيتقبض عليهم ويترموا في البوكس كل شويه اشتباه وتسول أو تشويه لشوارع مصر اللي هي مشوهه أصلا وفي القسم يحصل مالا يحمد عقباه بيضربوا ويتشتموا ويترموا في الحجز ويتعلموا جوه الحجز كل اللي ممكن يجي في بالك واكتر شويه من فنون الأجرام 000أوعي تنسي إننا بنتكلم عن أطفال مش ناس كبيره 00

وبره السجن بيسرقوا وبيغتصبوا من ناس أكبر منهم وبيتقتلوا ويترموا من فوق القطارات أو يموتوهم وياخدوا اعضائهم وغيره كتييييييييييييييييييير وفي الأخر بنقول عليهم أطفال 00أطفال ايه بقي انتوا خليتوا فيها أطفال دول عواجيز لأكتر مني ومنك المجتمع ضحي بهم وخلاهم كبش فدي 000ورغم كل ده محدش في المجتمع بيحل المشكله ده يمكن يكونوا بيعقدوها أكتر طب أنت قولي النوادي الصباحيه اللي بيروحوها دي فايدتها إيه غير إنهم بيروحوا ياكلوا ويشربوا ويلعبوا ماشي كل ده ماشي إنما في أخر اليوم بيروحوا للمشكله من تاني الشارع ويناموا فيه يعني كأنك يا أبو زيد ما غزيت ولا لها أي فايده ... أو ممكن نقول في ناس بتحاول بس قله قليله مش قادره أقولك بيصعبوا عليا أد إيه وأكيد بيصعبوا عليك أنت كمان , انا ببكي عليهم بدموع قلبي قبل عيني نفسي اساعدهم بس مش عارفه إزاي عايزه أعمل حاجه بدل ما أنا بتكلم وبس أوعدك إني هافكر في حل أو حاجه اشارك بها علشان أحل المشكله دي وأحاول اخفف الجحيم اللي هما عايشين فيه ده0

أطفال الشوارع تحييكم وبتقولكم نحن هنا وكله تمام يابلدنا كله تمام ياريس كله تمام يامصر!!!!

وزاره للبوس يا مواطن.. يا بلاش !!

2008-09-03T01:46:00.000-07:00

برنامج وزاره ماتمت علي قناة موجه اللي مازلت بنقدها في حاجات كتير مش لازم نذكرها دلوقتي ومقدمه عزت أبو عوف فكرته :

بتقولك

وبتقول لبافي الشعب اللي العبده لله برضوا منه لو الحكومه بين إيديك وأتعينت رئيس وزرا..ياتري هاتبقي شايف العمليه ماشيه إزاي ؟؟وهاتحط مين وفين وليه ؟؟ياتري عندك حلول لأزمة الأسعار اللي ليل نهار تشتكي منها ولا أنت معترض علي طول الخط وبس وأيه الوزرات اللي هاتشيلها وتنسفها ؟؟ عملا بمبدأ أنسف حمامك القديم وإيه الجديد اللي عندك ممكن تضيفه للوزرات ولا أنت علي قديمو يا معلم ؟؟

بصراحه الفكره حلوه بس ياتري ممكن تطبق؟؟

:المهم

أول حلقه كانت سميه الخشاب وبصراحه كانت لطيفه جدا وأقتراحتها كانت كويسه بس أهم ما قالته عن المرور والصحه ومستشفياتنا الجميله ما يلي: لما سألها عزت أبو عوف أقتراحها ايه في وزراة الصحه قالت عربيات الأسعاف علي الطرق السريعه لازم تبقي موجوده وياريت لو يبقي في خط سير لعربية الأسعاف لها لوحدها عشان تقدر توصل بسرعه بدل المهزله اللي بنشوفها والناس اللي بتموت علي الطرق السريعه وكمان تطوير المستشفيات اللي حتي مش بيبقي فيها قطن .... في شوارعنا تفضل العربيه بتاعة الأسعاف بيب بيب وإحنا طرش ما بنسمعش لا وإيه الطريق يبتفتحلها وإحنا بناخدها فرصه ونجري بعربيتنا وراها ونزحم الدنيا برضوا, مش عاملين حساب أن اللي جوه ده ممكن يكون في يوم واحد مننا

---------------

الحلقه التانيه بقي صدمتني في البدايه من تقديم عزت أبو عوف للضيف... هو كان بيقدم مطرب ومن كلامه عنه أنا قولت الله ده بيتكلم عن مطرب أكيد مش موجود في مصر أصل المواصفات كانت جامده حبيتن وحسيت أن أبو عوف غلب هاله سرحان في الحته دي المهم قال عنه : إن كلامه أقوي بكتير من أي خطب ومن أي كلام ومن أي مقالات ولما عرفت الأسم أتصدمت

" شعبان عبد الرحيم "

بالنسبه له أهم وزاره هايمسكها لأبنه بس ياتري عصام ولا مين ؟؟ وهاتكون وزارة النقل والمواصلات , وده عشان يوقفله الطريق ويعديه ونعم الوزرا, وزير التموين في عهد شعبولا هو برضوا شعبولا يعني رئيس وزرا ووزير يا سيدي أنشاله ما حد حوش ووزير الضحك ودي وزاره جديده يا مواطن هو : سمير غانم واللي يدهشك بقي ان في وزاره جديده يا مؤمن للبوس أه والله طبعا الشباب هايموتوا من الفرحه أفرحوا بقي عندكوا وزير للبوس لا وإيه هاتبقي البوسه لها قانون هأو وهايبقي كمان في وزاره للكلام ووزيرها هو : طلعت زكريا وعلي حسب رأي شعبان ده لأ نه كلامانجي الله ينور يا حاج ده إحنا هانرغي للصبح , وفي بقي لكل غلبان وزاره أكيد هابقي عضوه فعاله فيها وبرضوا اللي هايمسكها شعبولا الراجل بجد ولا الغساله أم روحين يعني يقطع نفسه يا جدعان ياربي مليتوا البلد مليتوا البلد

شعبان عبد الرحيم رئيس الوزرا بيلبس 4 ساعات في أيده واحده ما شيه والتانيه واقفه والتالته والرابعه غتاته مش أكتر ....لالا ومش كده وبس وعشان تتفشخر بقي أكتر و أكتر هو بيغني في كل سجون مصر ربنا ما يحكم علي حد يارب وده لأن نص اللي في السجون أصحابه وأخيرا وقبل ما يتقلش من الوزاره لما سأله أبو عوف عن أخر قرار هايخده قبل ما يستقيل قال أنه :

هايقول لكل وزير خد بالك من نفسك وقول يارب....أقول قولي هذا واستغفر الله لي ولكم

تابعوا معانا كل يوم الحلقات

دي وزاره ماتمت

إمضاء:

نــــــاهد سمير

_- الحاضر الغايب -_

2008-08-26T17:09:00.000-07:00

الحاضر الغايب

قولت زمان أنا ملك أديك

عايش دايب بين شفاتيك

قلب اتمني يوصل لك

ياما الناس حكولي عليك

رديت وقولت أنا منك وبيك

ميلت عليك كلمت عنيك

ردوا وقالوا :

روحي وقلبي بين كفيك

بعد ما قولت وكمان حكيت

لقيتني ساكنه بين ضلعيك

قلبي بينبض عايش بيك

فجأه ناديت وبعيني بكيت

محتاجك جمبي عايز الاقيك

في عز الشده سابني وراح

وقال يا فكــــــــــــــــيك

رجع من تاني وقال واحشاني

عيونك قمري وقلبك كاسي

أشرب منه وعمري ما أدوخ

ده أنا يومي ما يسوي من غيرك فيه

من تاني ناديت

بناجي عنيك

بحق الحب

إياك تكسرني

وعنيك تقهرني

ده أنا عشقي مايسوي

شوقي إليك

كسرني وباع

وفجأه أهو ضاع

كل اللي اديته راح وفي ثانيه

إيه يعني جراح ؟؟

وسمعته بيهمس

أنا خاين لك

وياعيني عليك

طيبتك في الدنيا

إهانه لك

قولت بحسره

انا عايش ليــــــــه ؟؟

بحب وبس

قال يعني بحس !!

طب هس وبس

أفتحوا شبابيك

للحب وشوفوا

هايحصل إيه ؟

هاتلاقوا تلاكيك

وتقول يا فكيك

ده أنا خاين لك

أصلي مأصل

فستان متفصل

وياعيني عليك

الحاضر الغايب

وسط الناس

بيبصوا عليك

وبعينهم يبكوا

من تاني ويشكوا

ويقولوا بحسره :

أه يا عيني عليك

وبعد ده كله

قولت زمان أنا ملك إيديك

دلوقتي بقول :

مش عايش لك

أنا عايش ليا ولحلم عنيك

شوفته زمان وأنا بين ضلعيك

وبقيت من بعدك

الغايب الحاضر

والفضل إليك

إسمحلي أقوم

وأقول يا فكــــــــــــيك

إمضاء :

ناهد سمير

.........نظرة لبعيد

2008-08-22T21:03:00.000-07:00

تثبت لنا الأيام كل يوم أن ما زرعناه منذ زمن بعيد نحصده اليوم , وتثبت لنا أيضا أن أقرب الناس لنا زرعوا في الماضي ما نجنيه نحن اليوم شئنا أم أبينا .....

وفي كل الأحوال يا عزيزي عليك أن ترضي ليس بخضوع أونكسار ولكنك في كل الأحوال سترضي أب وأم كانوا عاشقين ...وصار الوضع بينهم فيما بعد أشبه ما يكون للصراع وأصبح كلا منهم يشير للأخر بأصابع الأتهام ..ونحن من يجني لاتعرف من الجاني ومن المجني عليه ؟؟ , أو لنكن صرحاء تعرف ولكن لا تستطيع أن تفصح عن شئ , بداخلك الأمنيات والأحلام ولكن دموع قلبك تنزل بأنين وشجن فها هي الاحلام تحارب للخروج للحريه لتستنشق عطرها ولكن ما الفائده

تقف كالطفل في المهد ينظر لهم نظرة حائره وبعد تنهيده تخرج من القلب لا تصل للقلب تقول : " تمنيت العيش وسط أسرة دافئه ارتمي في أحضانها واصبحت الأن وسط بحور من الرمال المتحركه لا أجد من ينقذني "ليس هذا فحسب بل جاء إليك من تسبب في جرحك ليقل لك كلمه واحده " إسمعني " أرغب في ان تكون إلي جواري بالفعل بالفعل أشتاق إليك ...أااااااااااه ثم أاااااااه تدمع عيناك من جديد بعد أن أشتاقت جفونك لدموعك منذ أمد بعيد الكل يطلب منك ان تسمعهم ولكن ........السؤال الذي يطرح نفسه بقوه من يسمعك انت ؟؟؟؟

بداخلك بحور من الكلام وكل ماتتمناه هو حضن دافئ ترتمي بداخله ويدان تلتف من حولك تشعرك بالأمان وعيون تهمس لك وتنظر إليك تتفهمك في صمت ولمسة يد حنونه تشعر معها أن الكون بين يديك أاااااااااه متي ستجد ضالتك يا عزيزي أهذا بمستحيل !!!؟؟تفضل الصمت كالعاده فما فائدة الكلام ...كلما تحدثت صاروا أبعد ما يكونوا عنك حتي صرت كالنجمه الوحيده في سماء ملبدة بالغيوم تهمس لمن حولها لعل هناك من يسمعها ولكن لا يوجد أحد وتظل تهمس وتهمس لعل يراها احد , توهم الناس بأنك السعيد الضاحك وترسم علي وجهك إبتسامه عريضه وعندما تبكي تري علامات استفهام كثيره ....وتسمعهم يقولون لك :اهذا انت من كانت ضحكته منذ لحظه تملئ الدنيا وما فيها تبكي وبغزاره عجبا لك !!

أااااه وأااااه من إحساس بداخلك انت تعلمه ولكنك تعجز عن التعبير عنه حتي أنه تاه في ثناياك فصار جزءا منك

أااااااااااااااه إذا صار أقرب الناس إليك هم أبعد الناس عنك

إمضاء:

ناهد سمير

كــــــــــــــــــان هنا

2008-08-19T06:41:00.000-07:00

نعم أخذت القرار.....نعم رضيت بالفرار

ولكن مكانه لازال بداخلي مرت السنين وزاد عمري عام بعد عام ولكنه مازال بداخلي , وها هو يكبر بعيدا عني تلمسه غيري تحتضنه وتري نظرة عيناه ابتسامته ودموعه ..حيرته التي كنت المسها في صوته الان هي من تملك كل شئ أما انا لا أملك شئ ها هي تجلس بجواره تشعر بحرارة جسده التي تنبض عن حب يملئ الكون كما تعودت منه دائما ولكن لن تشعر هي به كما شعرت أنا ....

لقد ولد علي يداي عرف معني العشق معي كان كالطفل الذي تدمع عيناه كلما ذكرنا كلمه الوداع كنت معه اعيش في الجنه أستنشق عبيرها وأأكل من رطب نخيلها أسمعه ولا أسمع من سواه ..ولكن ها أنا ذا أحببت ومن أحبه ذهب لغيري تقترب منه وأنا أبعد أتألم وهي معه فماذا بيدي ؟؟

افترقنا وذهب بعيدا عني ولكنه بداخلي تربع علي عرش قلبي ومازال أميري الذي أهواه أقول لنفسي كثيرا إنني لا اتذكره ولكن فجأه اكتشف أنني انسي نفسي ولا أنساه حب يمتلكني وانا استسلم له فهو من علمني كيف أعشق وأهوي وأذوب ...هو الأول ولازال هو من يسكن قلبي بلا منازع

أحبه ولا انكر اهواه وأذوب في هواه كلما نظرت لبعيد أراه اسمع صوته حين كان يناديني حين كان يهمس لي بكلمه مازلت اتمناها منه " أحبك " ولكن الشمس غابت ولن تعود مهلا يا عزيزي فهذه ليست شمس النهار فهي علي وعدها لنا مرارا وتكرارا تشرق كل يوم ولكن غابت شمس حبي له وإن صدقنا القول فقد غابت شمس حبه لي

فقد كان هنا ......وأصبح هنــــــــــــــــــــــــاك

أمضاء :

ناهد سمير

هي دي مصر اللي أنا معرفهاش

2008-08-03T21:47:00.000-07:00

مرغم عليك يا صبح مغصوب يا ليل

لا دخلتها برجليا ولا كانلي ميل

شايلني شيل دخلت أنا في الحياه

وبكره ح أخرج منها شايلني شيل

عجبي !!

بصيت عليها من فوق لقتها جميله عجيبه , ومش بس كده غريبه بسيطه معقده, فاضيه بس مليانه كرهوها ولهم حق وفي الأخر حبوها ولهم الف حق ......

كبرت شويه ما أنا مش هافضل طول عمري صغير يــــــــاه رغم إن اسمي " الصغير " المهم بصيت عليها من تاني معرفتهاش ..وهاتسأل ليه ؟؟

هاقولك روح يا شاطر والعب بعيد ده أنت شكلك بليد , سيرك كبير مليان بني أدمين تجري وتلعب تنبش تنهب , ومن جواه سيرك صغير قليل اللي يعرف صاحبه مين ؟؟..بس اللي يغيظك إن هنا وهناك محدش عارف مين بيلعب إيه وعلي مين ؟؟؟

كلها ما سكات بنتداري جواها منها الملون ومنها الساده , بنبص علي بعضنا من ورا ستاره زي الحراميه وبنبرر الغلط ونقول عليه أكبر صح عالم تخونك بقانون موحد " أن الحرام أكبر حلال وبدون جدال " ..تلعب شقلبظات في الهوا وكأنك ريشه ترسم بخطوطها أجمل قوس قزح كل العيون ملهوفه عليك خايفه تقع تتكسر , وأنت خايف تطلع لفوق في الهوا وتتشعلق في حلمك وفجأه الحلم نفسه يكسرك ....

فجاه أقرب مالك يطعنك ..طب وإيه الجديد ؟؟ ويوم ما تعيد الشريط من تاني تكتشف إنك أول المجانين تسأل نفسك السؤال الملغي من قاموس البني أدمين ليه وعشان ايه ؟؟, وترد علي نفسك من تاني ...دي عالم مفيش في قلوبها رحمه عالم حاقده وجاحده لا تعرف تغفر ولا تسامح تقتل وبس وأسهل حاجه عندها الأنتقام ..

وتبدأ تتفرج علي فقرات السيرك واحده ورا التانيه ..وفي كل مره تسقف وتصفر كمان لغاية ما دخل الراجل الهمام صاحب الموهبه راكب الفرس وشادد اللجام .." البلياتشو " صاحب الوش الملون مبتسم علي طول رغم إن عيونه غرقانه دموع يضحك كل اللي حواليه وهو محتاج اللي يخفف عنه هموم الكون بحاله عمرك شوفت أغرب من كده إن اللي بيرسم البسمه علي شفايفك محتاج يتعمل إزاي يضحك...يضحك صحيح لكن يوم ما تقسي عليه بيبقي في شدته وقسوته اقوي أشرس من الوحوش ..في أزمته ساب الكون بحاله وساب حضن البني أدمين وراح لحضن الوحوش بصلهم وابتسم وكأنه بيلاعب طفل رضيع ...خاف منه ده من خاف ساعات سلم...

ويعمل إيه يوم ما يلاقي نفسه متهم بتهمه معملهاش يقول مظلوم يردوا ويوقولوا : عيب يا راجل خليك شجاع خلصنا وإعترف ....ويشتد اللوم ويردوا عليه وعيونه باصه للأرض تشكي وتحكي عن حاجات كتير جواه : ليه يا صغير سبت السيرك الصغير اللي تفهم فيه اللي كنت بتطير وتضرب شقلبظات جواه وتدخل سيرك اكبر منك وصعب عليك لا تفهم فيه ولا يساعك يا صغير ده صعب عليك واديك شايف طب شيل بقي بلاويك , وهو مصر الحق معاه صاحب موقف مش بس كده ده قالها كمان " أنا فاهم " وصاحب السيرك هو اللي مش فاهم ......

هي دي مصـــــــــــــــــــــر اللي ناسها عارفين ..أو يمكن حاسين ياعم مش احنا بس اللي عارفين الحقيقه ...هي دي مصـــــــــــــر اللي فيها سور فاصل بين العايشين والميتين .......

هي دي مصـــــــــــــــــــــر اللي انا معرفهاش

أمضاء :

ناهد سمير

اعدام ميت

2008-08-02T01:10:00.000-07:00

أيا كان شكل الضياع ...حرقا غرقا أو بين أسنان القرش وغيره من وحوش البحار التي لا يعلمها إلا الله فهو في النهايه ضياع لأرواح لا ذنب لها سوي أن في بطاقتها جنسية مصري ...زاد النحيب وارتدت مصر الحبيبه ثوب الحداد يومها حزنا علي أولادها وها هو صوت البكاء والنحيب يعلو من جديد علي " إعدام الميت " فبدلا من أن نعطي له حقه لا بل نطعنه من جديد ونهدر حقه لنعطيه لمن لا يستحق .

أهذا ما يستحقه أولادك منك يا بلادي ...نعزف كلنا بأسمك علي أوتار قلوبنا والأن عندما نطلب الحق والعدل ليكون شعار أمه وشعب تعيش علي أرضك تقلب الأمور لصالح الظالمين ونصبح نحن المشكله ونحن من لم نعلم أبناءنا العوم لذلك غرقوا في بلادهم من يعقل ذلك من يقبل من يفهم ؟؟

مات 1033 فرد من ابناءك ...سافروا وعندما قرروا العوده ليرتموا في أحضانك أغرقتهم عباره يقال عنها السلام , ولكنها اسم بلا فعل ...بل هي الخوف بعينه والدمار بكل ما تحمل الكلمه من معني , ضاعوا بين الأمواج بلا مغيث ظنوا أنك ستأخذين بثأرهم ولكن ...ضاعوا وأصبحوا أموات وضاع الحق معهم من يرضي بذلك ..أقسم إنني أبكي وانا اكتب يا بلادي ....مصر إني احبك ولكن اشعر أنه لم يعد لي مكانا بداخلك كل ماتمنيته يهدمه أناس بداخلك ....أخشي ان يجعلوني أفقد حتي القدره علي التمني وأن يسرقوا حتي الحلم من داخلي ...كنت ادعوا غيري للحلم وعشق ترابك يا بلادي ولكن الأن انا عاجزه عن أن امنح الأمل حتي لذاتي ...فالصمت والغضب والكتمان أصبح يسود الموقف بلادي أنتي امي وعشقي ومنتهاي ولكن الحلم يسرق مني ما يحدث فوق طاقتي فمن يرحم الأم والولد والزوجه ؟؟؟

العباره السلام ممدوح إسماعيل وابنه ومحاميه يا من تتشدقون بالدفاع عن من تطلقون عليهم مظاليم أقول لكم انكم قتلتموهم وتقتلون بداخلنا نحن المصريين العاشقون لتراب هذه البلاد حبها وعشقها يالله يا مغيث ..اسمعني أنت من ذكر هذه البلاد في قرأنك وانت لا ترضي أن يظل الظالم حر طليق ويجبر المظلوم علي ان يظل طير سجين بين جدران السجون !!

يابـــــــــــــــــــــــــلادي إن كانت هذه هي الحريه ....فلتسقط الحريه , ولتحيا الديكتاتوريه وليحيا معتقل حبك يا مصــــــــــــــــــــــــــــــــــــــر

أمضاء :

ناهد سمير

عفوا إنني مصري.......

2008-08-02T00:48:00.000-07:00

إن سرت يمينا ستراها يسارا ستراها أمامك خلفك , وجوارك .. الضريبه من تكون ؟ ؟ هل هي الوحش الكاسر الذي تتزايد شراسته يوما بعد يوم حتي صرنا لا نستطيع مقاومته والأعتراض عليه ؟....أم انها الحق الذي تطالبنا به الحكومه من أجل تحقيق مصر أفضل ؟ نفكر دوما في هذا السؤال ولا نجد كمواطنين نعيش علي أرض الواقع سوي إجابه واحده ...أن الحكومه تثقل علينا وتلقي علي أكتافنا الكثير والكثير من الضرائب بمختلف اشكالها ولكنها في النهايه ضريبه تأخذ من أموالنا ولا نعرف إلي أين تذهب وفيما تنفق وهل هذا تحقيق لمبدأ التكافل الأجتماعي بالفعل أم زياده للفجوه بين الطبقات الأجتماعيه في مصر وبدلا من أن نعيد الطبقه المتوسطه للهرم الأجتماعي فنحن نقضي علي صديقتها القريبه منها وهي الطبقه الدنيا , ذلك لتصبح الطبقه العليا منفرده بالهرم أسوة بأجدادنا الفراعنه ... في الأنفراد بالحكم والظهور وما غير ذلك من الأنفرادات فنحن الفراعنه الصغــــــــــــار

جلست أقرأ قول أشرف العربي رئيس مصلحة الضرائب " مصلحتك اولا " ...فعندما شرح الواقع قال : إن الأيرادات التي تم تحقيقها هي 116 مليار جنيه , وأن المتأخرات 60 مليار وهناك خطه تم وضعها لتحصيلها وكل ذلك شئ عظيم ولكن ماهي الفائده التي عادت عليك انت كمواطن مصري وعلي معدومي الدخل ؟ ...وعندما سئل عن قانون ضريبه القيمه الجديد جاوب متواضعا وكأنه يلقي في داخلك السخط والغضب لتثور وتنفجر وهو يجلس ويتحدث بكل هدؤ قال: انه سيتم تأجيل مناقشه هذا القانون في مجلس الشعب وذلك مشكورا لأنه يعلم أن المواطن المصري معدوم الدخل ..له الحق في أن يلتقط أنفاسه من كل هذه الضرائب , ولكنه لم ينكر عزيزي المواطن أن الضريبه الجديده في الطريق إليك لتنضم لأخواتها ... “ الضريبه العقاريه _ وضريبه الدمغه _وضريبه الدخل وغير ذلك ...” من الضرائب التي يتوجب عليك دفعها شئت أم أبيت...

في الزمن القادم سيكون هناك ضريبه للسير ودخول دورات المياه وان كانت هذه موجوده بالفعل وضريبه علي ان تنجب وغيرها مما يثير بداخلك الغضب والشجن وكأن الشعار هو : تملك المال ستعيش لا تملك فأترك الحياه لمن يملك ثمنها حتي قانون المرور الجديد وما به من غرامات كثيره تسقط وكأنها سيل جارف يأخذك لبعيد دون سابق إنذار , المهم أنك ستدفع للحكومه من حر مالك وأنت لا تعرف ما الهدف من كل هذه الأموال التي تأخذها الحكومه بأسم الضريبه الي متي سيظل الوضع بهدذا الشكل ما نأخذه باليمين ننفق اضعافه باليسار ٫٫الي متي سنظل نصرخ ولا يسمعنا احد ؟.. الي متي سيظل ضجيج الصمت بداخلنا يقتلنا ؟ .. وهل سيأتي علينا الوقت لنري فيه المواطن المصري يدفع ضريبه هوائيه علي ما يستنشقه من هواء بلاده ؟؟

!!عفوا إنني مصري

إمضاء :

ناهد سمير

أحبك في صمت ....

2008-07-29T20:40:00.000-07:00

لم أكن اعلم أن الضعف بالحب له هذا المذاق الرائع الصافي , المرير في الوقت ذاته , فهو شعور غريب وغرابته هي سر تميزه ....

نعم فتحت أبواب قلبي من جديد بعد أن اغلقته سنين بكامل إرادتي ولأن قلبي من الصعب أن يتمكن منه أحد ويتربع علي عرشه ..فعندما أحب إعلم انه بعد وقت طويل من التفكير والصمت ...

وها هو ..ستسأل من ؟ وارد بأجابة واحده هو من إهـــــــــواه تحدثت معه طويلا وبدأت اتقرب منه يوم بعد يوم حتي صار إقرب ما يكون ....

وكأنه قلبي الذي يسكن بين ضلوعي وروحي التي بين جانبي أحببته قبل ان يشعرني هو بحبه لي ولكني كنت احبه في صمت , وعندما تلفظ بها " أحبك " شعرت وكأني امسكت النجوم بيدي أه من ذلك الشعور الرهيب الذي جعل جسدي يهتز بأكمله لدرجة استغربتها انا بشده

قالها " أحبك " وقد تشاورت مع قلبي عليك وقالها لي نعم هي ..هي من انتظرتها سنين أحبك فلا تتركيني إبقي بجانبي أريد أن أشعر بحنانك , ورغم فرحتي وامتلاكي للدنيا وما فيها عندما سمعتها منه لم أقولها له رغم انها كانت علي أطراف لساني ولكن فضلت الصمت ومع ذلك اعطيته الأحساس بأنني أهواه ..

وبدأ حبه يزيد يوما بعد يوم ولكن ..دوما الفرحه لا تكتمل فالحياه تجبرنا دائما علي الألم وكأنه شعارنا في الحياه " أنا أتألم إذن أنا موجود " ...اعلم انه السبب نعم من اهــــــــواه... جرحني ومازال الجرح ينزف ...لن أنكر غضبي ولكن رغم أنه قاتلي جلست بجواره اهون عليه بدلا من أهون علي نفسي وضممته لصدري وقلت له أهواك ولا أهوي من سواك أهواك رغم كل شئ أتمناك رغم قسوتك ..وكل شئ يهون طالما أنك معي ..ولكن

كلماتي ترهقه وعتابي له علي ظلمه لي يقتله وعندما قالها لي إنك تقتلينني شعرت بضيق في صدري لن أشعر به مرة ثانيه طوال عمري وقتها علمت المعني الحقيقي لكمة " قلة الحيله " فها أنا ذا فتاة تحب مكسوره من داخلها ولكنها تحب في صمت ..

قال لي : حبيبتي أخترت البعد ليس عنك بل عن البشر جميعا وعن نفسي أيضا وقد حضرت كل شئ وأخذت حقيبتي وعزمت علي الرحيل , أحبك ولكن سامحيني لابد لي من جلسة مع نفسي ..

لم استطع الرد عليه وقتها فكتبت له بدموعي قبل قلمي حبيبي : إن كان هناك من يتوجب عليه الرحيل فهو أنا ولكن سيظل الحب بيننا فلم أعد أرغب في قتلك بكلماتي وإرهاقك بحبي لك أكثر من ذلك إعلم يا قاتلي أن صوتك كاد يقتلني بل قتلني بالفعل ودموعي تنزل علي وجنتي دون إراده وكأنها لم تنزل من قبل قط , سيل جارف أسال حبر قلمي فأمتزجوا معا ليخطوا لك أخر رساله من قلبي لك وها أنا ذا أقولها وأعلنها

سلام يا من احببت

سلام يا من احب

سلام يا حبيبي

احببتك واحبك وسأحبك ايضا ...في صمــــــــــــــــــــــــــت

أمضاء :

ناهد سمير

اوعي تحترم نفسك ...........

2008-07-27T11:39:00.000-07:00

بتقول إيه عندك مبادئ وقيم ومثل هع هع هع هع !!

إيه يا ابني الكلام ده ..ده انت قديم اوي ده احنا في 2008 يعني الكلام ده قديم وراحت عليه خليك كوووووول وانسي كلام المثقفين ده ......

هو يعني إيه مبدأ ؟..خالينا نجاوب ع السؤال ده في الأخر , شوف يا سيدي شباب مصر اللي أنا وحضرتك منهم نوعين وفي نوع تالت مايتحسبش لأنه علي الهامش أو مش عالخريطه زي ما بيقولوا المهم .........

النوع الأول : شباب عندهم هدف بجد بكل ما تحمله كلمة هدف من معني ..عايزين يبنوا ويعمروا , مش هاننكر إن جواهم غضب وثوره كمان من حاجات كتير بس بيقولوا مش مهم هانكمل لأن دي بلدنا مش بتاعة الجيران ...

النوع التاني : شباب فاكر ان عنده هدف ساخط علي كل شئ وطول الخط شايف إن مفيش حاجه حلوه خاااااالص وإن طالما هما كده " اللي أنت عارفهم كويس " يبقي إحنا بقي هانبوظ الدنيا وهانخربها وكورسي في الكلوب ومش هانبقي معاهم لا بقي إحنا مع الناس التانيين ....

النوع التالت : ده وسط بقي ملهوش دعوه وعامل دماغ بي كووووول يا مان تقوله هو إنهارده ايه ياعم ؟ ...يقولك ششششششششش وأنا مالي عيش اللحظه وفكك تاخد جوينت تقوله لا يقولك صبح صبح يا عم الحاج ...

طيب هو أنت محترم ؟؟....مالك مالك زعلان كده ليه ده مجرد سؤال , طب بلاش ترفع حواجبك كده وأقرا اللي جاي وانت تفهم ...شاب زيي وزيك عمل جروب عشان يوصل هدف هو فاكره هدف لكنه مش كده بالمره المهم إن الجروب بأسم " أوعي تكون محترم " , والهدف يا عزيزي هو تحقيق اسم الجروب ..وده نقدا منه لحملة مجله كلمتنا بأسم احترم نفسك ضد التحرش وبيقولهم أنقدوا نفسكوا الأول وشوفوا نفسكوا قبل ما تشوفوا غيركوا تمام اوي بس هو بقي نسي يعمل اللي بيقول للناس عليه ........

طب ياتري فكرة الجروب ده ايه ؟قال الشاب انه مؤمن بحرية اللبس وده طبعا تعميم ودي الغلطه الأولي وانا بسأله وبسألك وبسأل نفسي .لما راجل يمشي بمايوه في الشارع ويخدش حياء كل اللي فيه دي حريه ؟؟ ..لما مراتك او بنتك أو اختك تمشي بمايوه وقميص نوم دي حريه ؟؟...نكمل

الشاب ده زهق من القيم ومن المثل والمبادئ وهدفه هو تحطيم كل الحاجات دي لانه قرف وزهق منها وقالها صريحه : أنا بعلن العصيان ومش بس كده ده قال كلام قريب من الشعر او فضفضه كده علي الورق اسمع يا سيدي :

علمونا الأنتماء وهما أول من خانوه

علمونا الأدب وهما ناقصهم كتير

وادي الكلام علي شعب باع أرضه وعرضه مقابل حياه

ودلوقتي ملهوش الحق حتي في الكلام

مش هانكر ان له حق الغضب لكن تنفيسه عن غضبه سئ للغايه وياتري فكره ده هايوديه لفين ؟؟

نكمل ..........

قال انه هايحطم كل حاجه بأي حاجه يعني الغايه تبرر الوسيله هايفتح كلام في كل المسكوت عنه في بلدنا مهما كان حلو أو وحش يعني بناء علي كلامه الكل تحت المايكروسكوب بس للأسف قال الكل ونسي نفسه !!

وطبعا من وجهة نظره ان الكلام في الجروب بتاعه يكون من غير أي هبل وكلام عن قيم ومثل ومبادئ ..الله الله يعني من الأخر إن لم تستحي فأفعل ما شئت

هو في إيه ؟ ....سؤال لازم له إجابه فورا هو الكبت وصل للمرحله دي لدرجه أن الوضع محتاج جرس خطر ننبه به اللي يهمه الأمر...

شبابنا من كتر الضغط مل من القيم والمبادئ اللي هي ع الورق وبس طب لو من غير قيم ومبادئ هانعيش إزاي ؟ .مش هانبقي بس في غابه لالالالا أسخم وأدل سبيلا وهو زي ما بيلوم اللي باعوا ومش عايشين بقي زيهم وبقي أول البايعين .., ما هو لو يعرف إن دينا نفسه هو القيم والمبادئ هو المثل وان لو بيعنا كل ده يبقي بنبيع دينا يبقي لا حياه راحت ولا حياه جايه ...يبقي مفيش حاضر ولا ماضي ولا مستقبل أنا مش بقولك اوعي تزعل ولا تثور ولا تطلع غضبك وتنفس عنه بس اغضب بحكمه مش بتخريب ودمار لآنك أول الخسرانيين ..خليك محترم وأعقلها الزمن اللي جاي بتاعنا ...يانعيشه صح .يا نسيب الحياه للي يستاهلها وهاقولك وهاقول لنفسي كمان الكلمه حق ونشرها مسئوليه والفكر حق ونشره مسئوليه أنت حر مالم تضر وفي النهايه لازم تعرف :

" ما تلفظ من قول إلا عليه رقيب عتيد "

أمضاء:

ناهد سمير

أديني في الهايف وانا احبك يا ننس....

2008-07-23T21:22:00.000-07:00

قناه جديده كوميديه ...بجد بتضحك رسمت بسمه في بيوت مصر بعد ما غابت الفرحه والبسمه اللي بجد سنين , مش هانكر قناه لها فكر جديد ونقد للواقع بشكل مختلف يعني من الأخر وزي ما بيقولوا قناه لها مذاق خــــــــــــــاص .

ولكن .......

برنامج " talk show " اللي بينقد الممثلين والمذيعين وغيرهم وغيرهم رغم انه برنامج له رؤيه وكل واحد حر في وجة نظره لكن عرض البرنامج لحلقه نقد مني الشاذلي المذيعه في برنامج " العاشره مساءا " علي قناه دريم تو , وكمان المذيعه مني الحسيني المذيعه ببرنامج " نأسف للأزعاج " علي نفس القناه ....حلقه فاشله فشل ذريع ومعتقدش إن فيها أي نوع من الضحك بل بالعكس السخريه الغير هادفه والنقد اللي اتوجه لكل واحده فيهم مكنش حلو بالمره وما اعتقدش أبدا إنهم ممكن يرسموا البسمه علي شفايف حد سواء محب أو كاره لمني الشاذلي والحسيني .

يعني مثلا : هو مني الشاذلي طول الوقت بتهرش في شعرها بالقلم , هي مني بارده هي بتلبس لبس من الزمن القديم اللي راحت عليه ...هو مني حوله هل مني مش فاهمه حاجه هل مني مش بتشوف ولا تعرف يعني ايه موبايل ؟

طب سؤال كمان ...هل من الحسيني همجيه وبتهين غيرها هل مني برنامجها رغم كل النقد الموجه له الكلام عنه وحش ومش تمام هل مني بتسعي وراء الموضه ؟

الحوار اللي تم في البرنامج اهان مني الشاذلي ومني الحسيني في نفس الوقت , ومعتقدش ان حتي لو كان في بينهم خلاف أو مشاكل إن الحوار بينهم في الواقع أو نقدهم لبعض علي الواقع ممكن يكون بالشكل المهين ده ..لان كل واحده فيهم لها جمهورها ولها قدرها كمذيعه .

لو مش مصدق خد يا سيدي شويه من الحوار شوفه بنفسك ...

من الحسيني بتقول لمني الشاذلي : هو البرنامج بتاعك اسمه إيه ؟ وده طبعا بطريقه ساخره وعصبيه جدا وعلي فكره انتي عايشه في الوهم ...!!

مني الشاذلي بتقول : للدرجه دي انتي بتلهثي وراء الموضه

مني الحسيني : يارب خد منها الأتنين السمع والبصر

اه واله كل ده عالقناه وعالهوا .....بجد بجد حوار اهان بمني الشاذلي ومني الحسيني طب خليك معايا ..لو تخيلنا فعلا الحوار بين مني ومني وقعدوا الأتنين مع بعض ونقدوا بعض هايقولوا لبعض الكلام ده ....ده لو حصل كده يبقي الدنيا خربت بجد وساعتها ينزل تتر النهايه اغنيه الدنيا خربااااااااااااااااااااااااااانه ياعم خربااااااااااااااااااانه

نداء للمؤلف وليد محمد علاء , وصاحب الفكره والمخرج سيف ممتاز مش كده النقد مش كده الضحك مش كده ارحمونا شوفنا ممثلين كتير نقدوا ممثلين غيرهم ومذيعين ورؤساء مكنوش كده كانوا بشكل يضحك فعلا مش بأهانه واستفزاز

ارحمونا شويه .....وااحسرتـــــــــــــــــــــــــــــاه

أمضاء :

ناهد سمير